Pokiwy (04.12.18)

Dienstag, 04. Dezember 2018 geschrieben von:

Kedźbu, skupinarjo!

Pančicy-Kukow. Čłonojo Domowinskeje skupiny Pančicy-Kukow njech njezabudu na swoju adwentničku jutře, srjedu, we 18 hodź. w Pančičanskej Starej hospodźe. Dokelž budu tam knihi Ludoweho nakładnistwa Domowina na předań, budźe to dobra składnosć, sej tón abo tamny hodowny darik wobstarać.

Porěčitaj wo hupaku

Stróža. Cyle w znamjenju hupaka (Wiedehopf) steji přednošk jutře w 19 hodź. w Stróžanskim Domje tysac hatow. Marko Zieschewski z Njeswačanskeje ptakoškitneje stacije a ranger w biosferowym rezerwaće Hornjołužiska hola a haty Herbert Schnabel porěčitaj wo tym, kak je so zajimawy ptačk dźakowano mnohim přirodoškitarjam w biosferowym rezerwaće zaso rozmnožił. Zdobom póńdźe wo prašenja, kotre žiwjenske wuměnjenja hupak trjeba, kotre srědki su ludźo za jeho rozmnoženje zasadźili a što je za přichod planowane. Zastup płaći dwaj euraj, potuńšene euro.

Ćišinu w sebi spóznać

Pokiwaj (03.12.18)

Montag, 03. Dezember 2018 geschrieben von:

Dohodowny kabaret

Budyšin. Hdyž hody „njejapcy“ před durjemi steja, mnozy z tym wobchadźeć njemóža. Pod hesłom „Hodowna bowla“ poda dźiwadźelnik a kabaretist Alexander G. Schäfer jutře, wutoru, w 19 hodź. w Budyskej měšćanskej bibliotece pokiwy, kak napjaty čas najlěpje zmištruješ. Syn z časa NDR woblubowaneho dźiwadźelnika Gerda E. Schäfera bě wjele lět čłon Berlinskeho kabareta „Die Stachelschweine“. Zastup płaći z wupokazom za biblioteku štyri eura, hewak sydom.

Nócne njebjo raz hinaše

Budyšin. W filmje „Sternenjäger“, kotryž pokazaja srjedu we 18 hodź. w Budyskim Dźiwadle na hrodźe, budu widźeć spektakularne wobrazy renoměrowanych astrofotografow. Zapopadnyć je móžachu, dokelž po­dachu so za to do najwotležanišich kućikow zemje, hdźež kumštna swěca z nadróžneho wobswětlenja a wysokodomow wid k njebju njezamuća. Wuslědk su wobrazy krasnych krajinow z wulkotnym widom k njebju. K tomu rěči dźiwadźelnik Rufus Beck. Zastup­ płaći šěsć eurow.

Křižowka (30.11.18)

Freitag, 30. November 2018 geschrieben von:

Wodorunje: 3 serbski awtor přitomnosće, 5 nic mały, 6 to je zakazane, 7 rostlina z nikotinom, 10 Verbot serbsce, 13 stolica Azerbajdźana, 14 wudźěłk z mloka, 15 hnojiwo

Padorunje: 1 wosoba kwasa, 2 cyłk ze samsnymi zajimami, 3 nic wulka kić, 4 zelenina, 8 japanske město, 9 němska skrótšenka za wukubłanca, 11 muske mjeno, 12 tak a ...

Adwentne wiki tu a tam

Freitag, 30. November 2018 geschrieben von:

Dypkownje k 1. adwentnej zahaja na mnohich městnach rjad lětušich adwentnych wikow. Mjeztym zo traja Budyske Wjacławske wiki hač do 23. decembra, wotměja so mjeńše na wsach zwjetša jenož jedyn dźeń.

Njeswačidło. 28. raz přeprošeja jutře, sobotu, w Njeswačidle na adwentne wiki. W Mildnerec pjekarni móža dźěći wot 10 do 12 hodź. pod dohladom pjekarja po­prjančki pjec. Wot 11 hodź. je w domizniskim muzeju nowa wosebita wustajeńca „Pyramidy něhdy a dźensa“ wotewrjena. Na žurli hosćenca poskića šulerjo zakładneje šule w 14 hodź. hodowny program. Na wikach samych wobdźěla so wosebje towarstwa wsy a někotři rjemjeslnicy. Mjez druhim předawa sportowe towarstwo zastupne lisćiki za šlagrowu nóc 2019 za potuńšenu płaćiznu.

Brětnja/Michałki. Brětnjanska rejwanska a drastowa skupina organizuje jutře, sobotu, wot 14 hodź. adwentne wiki před Brětnjanskim wobydlerskim domom. Tam njezměja jeno stejnišća z horcym winom a kołbaskami, ale wočakuja tež Wojerowske dźěćatko.

Protyka (30.11.18)

Freitag, 30. November 2018 geschrieben von:

Pjatk 30.11. do 2.12.   Swójbny kónc tydźenja kubłanskeho srjedźišća LIPA w Smochčanskim Domje biskopa Bena

Pjatk 30.11. do 23.12.   635. Budyske Wjacławske wiki

Pjatk 30.11. 19:15 Serbski filmowy wječor w Radworskim „Słodeńku“

Sobotu 1. a 2.12.   Adwentne hornčerske wiki w Hózkowskim starym­ młynje (wot 14 do 20 hodź.)

   Adwentne wiki we Wósporku (wot 15 hodź.)

Sobotu 1.12. 10:00 Dohodowne paslenje w Čornochołmčanskim Krabatowym młynje

  10:00 Adwentne wiki w Njeswačidle

  11:00 Poswjećenje swj. křiža w Praze

  11:00 „Cyle małe adwentne wiki na dworje“ Brětnjanskeje dworoweje kofejownje

  14:00 Adwentne wiki w Brětni/Michałkach

  14:00 Adwentne wiki na Ćišćanskim statoku

  15:00 12. swjedźeń swěcow w Małym Wjelkowje

  17:00 Adwentne wiki w Malešecach

  17:00 Zhromadne zahajenje adwenta na Chróšćanskej nawsy ze zaswěćenjom adwentneje pychi a z dujer­skej hudźbu

  19:30 Komorny koncert „Agua e vinho – Słowjanske duwo“­ w Budyskej Röhrscheidtowej bašće SLA

Njedźelu 2.12. 9:30 Dwurěčne kemše z wužohnowanjom Slepjanskeho dźěćetka w Slepom

  14:00 Adwentne wiki w Njebjelčicach

  14:00 Adwentne wiki w Čornym Chołmcu

  14:30 Wotewrjenje hodowneje wustajeńcy we Łazowskim Domje Zejlerja a Smolerja

Pokiwy (30.11.18)

Freitag, 30. November 2018 geschrieben von:

Pohladnicy w hospodźe

Chrósćicy. Prěnje zarjadowanje noweje kulturneje zymy w Chróšćanskej putniskej hospodźe wotměje so jutře, sobotu, w 19.45 hodź. Šunowčan Gerat Šmelink, zběrar historiskich pohladnicow, wustaja a předstaji stare serbske dopisnicy. Mjez Smječkecami a Delanami budźe nimale kóžda serbska wjes ze zajimawym pohladom zastupjena – wězo tež hosćićelska wjes Chrósćicy. Wopytowarjam powěda Šmelink tu a tamnu epizodu, po kak za­šmjatanych pućach su so małe drohoćinki do jeho wobsydstwa dóstali.

Duchowna hudźba k adwentnej

Budyšin. Duchowna hudźba na akordeonje zaklinči njedźelu, 2. decembra, we 18 hodź. w Budyskej cyrkwi Našeje lubeje­ knjenje. Pod hesłom „Puće do adwen­ta“ zahudźitaj wuměłcaj skupiny Akordeon Virtuosi mjez druhim twórby Antonija Vivaldija, Johanna Sebastiana Bacha, Wladislawa Solotarjowa a Astora Piazzolle.

Nałožki – drasta – tradicije

Rozhłós (30.11.18)

Freitag, 30. November 2018 geschrieben von:

njedźelu hornjoserbsce

11:00 Łužica tutón tydźeń

11:10 Rozmołwa z Křesćanom Krawcom wo jeho nowej knize

11:20 Nowe hudźbne nahrawanja

11:45 Adwentne woknješko

12:00 Nabožne wusyłanje

 (farar Měrćin Deleńk)

po tym zbožopřeća

delnjoserbsce

12:30 Aktualny magacin, mjez druhim wo schadowance 2018 a wo Ochranowskej hwězdźe

13:00 Intendantka Serbskeho ludoweho ansambla Judith Kubicec

13:40 Nabožne wusyłanje

 (Christiana Piniekowa)

po tym zbožopřeća

Wuhladko wo wubrance

Freitag, 30. November 2018 geschrieben von:

Štó zastupuje Serbow na europeadźe 2020 w Korutanskej w Awstriskej? Z tymle prašenjom zaběra so přichodne wusyłanje hornjoserbskeho telewizijneho magacina Wuhladko jutře, sobotu, w 11.45 hodź. na telewizijnym sćelaku MDR. Trójce je koparska wubranka muži z Hornjeje Łužicy na turněrje najlěpšich mjeńšinowych mustwow Europy nastupiła. Nětko sej w Delnjej Łužicy žadaja, zo měła na přichodnej europeadźe delnjoserbska wubranka muži nastupić, z Hornjeje Łužicy pak wubranka žonow. K tomu porě­ča w studiju z jednaćelom Domowiny a zamołwitym za wubranku Markom Kowarjom. Dale zaběraja so w najnowšim wusyłanju Wuhladka z rumnostnymi wuměnjenjemi w Budyskim Serbskim instituće, předstaja Ludwiga Saksu z Radworja a jeho angažement za rjemjeslniske dźěło ze šulerjemi a pohladnu do Chróšćanskeje Zahrodnikec pjekarnje, hdźež jenož „normalny“ wosušk njepjeku, ale tež tajki cyle po wosebitym přeću kupcow, mjenujcy po starych a tajnych swójbnych receptach.

Wuhladko wospjetuja póndźelu, 3. decembra, w 6.20 hodź. na MDR a sobotu, 8. decembra, w 13.05 na RBB.

Pokiwy (29.11.18)

Donnerstag, 29. November 2018 geschrieben von:

Pokazaja serbske filmy

Radwor. Dalši serbski filmowy wječor wotměje so jutře w 19.15 hodź. w Ra­dworskim „Słodeńku“. Mjez filmami, kotrež tam pokazaja, budu jězba z ćahom z Budyšina do Wojerec, pask z lěta 1985 „Listy“ wo dóńće dr. Marje Grólmusec, wo putnikowanju do Róžanta a dalše. Tež stare fota budu widźeć. Wšitcy zajimcy su wutrobnje witani.

Pomhaja maćeri

Budyšin. Po morjenskim delikće 7. nowembra na Budyskej Karla Marxowej, jako­ je 32lětny muž swoju 30lětnu žiwjensku towaršku morił, chcedźa sobudźěłaćerjo Klukšanskeho recyclingoweho předewzaća maćeri wopora, kotraž je jich kolegowka, z namołwu k darowanju pomhać. Za to zarjadowachu darowanske konto, zo bychu maćeri pjenježnu starosć wo žarowansku swjatočnosć a pohrjeb swojeje dźowki wzali. Dary za Sylviju Happatsch hodźa so přepokazać na kontowe čisło DE79 8555 0000 1102 2940 94 pola Budyskeje wokrjesneje lutowarnje. Za kóždužkuli pomoc so organizatorojo z cyłeje wutroby dźakuja.

Spěwy a wustajeńca

Do kina (29.11.18)

Donnerstag, 29. November 2018 geschrieben von:

29.11.–5.12.2018 Budyski filmowy palast:­ Geister der Weihnacht: nj 10:00 a 11:30 Tabaluga: nj 14:30 Der Grinch w 3 D: wšědnje 15:00 (nimo srj), 17:15 a 20:30 | so a nj 13:00 | pj a so 22:30 100 Dinge: srj 19:45 Phantastische Tierwesen 2: wšědnje 14.30 (nimo srj) a 17:15 | nj 10:00 | srj 20:00 Phantastische Tierwesen 2 w 3 D: wšědnje 19:30 (nimo srj) | pj a so 22:30 Der Nussknacker: wšědnje 14:00 (nimo srj) | so a nj 12:00 Der Nussknacker w 3 D: wšědnje 16.15 Bohemian Rhapsody: wšědnje 17:15 (nimo nj a pó) a 20:00 Die Unglaublichen 2: nj 10:00 | štw, pj, so a wu 14:30 Pettersson und Findus: so a nj 12:45 Smallfoot: so a nj 12:30 Hotel Transsilvanien: nj 10:00 25 km/h: wšědnje 20:00 (nimo pó a srj) Der Vorname: štw, so, pó a srj 18:30 Johnny English: pj, nj a wu 18:30 Ballon: pj a so 22:30 Halloween: pj a so 22:45

Kino-ekstra: Ein Dorf zieht blank: nj 17:15 | pó 14:30, 17:15 a 20:15

Wojerowski CineMotion:

Serbska debata

Neuheiten LND