Do kina (22.09.21)
23.9.–29.9.
Pokiwy (17.09.21)
Wodźenje a woptawanje
Pančicy-Kukow. Pod hesłom „Klóšter, zela a karpowy filej“ zarjaduje iniciatiwa Slow Food Łužica jutře, sobotu, w 11 hodź. informaciske wodźenje po zahrodźe klóštra Marijineje hwězdy. Po tym chce gurmejowa kucharka Kerstin Mickan wopytowarjow z lokalnymi kulinariskimi chłóšćenkami zawjeselić. Nimo toho sposrědkuje předsyda krajneho zwjazka rybarjow Sakskeje Andreas Stummer zajimawostki kołowokoło regionalneho, naslědneho hatarstwa. Zajimcy njech přizjewja so pod . Zastup, jědź a napoje płaća dohromady 25 eurow.
Komedija za wosebitu płaćiznu
Budyšin. „Hrabnjenčko“ mjenuje Budyske Němsko-Serbske ludowe dźiwadło akcije, z kotrymiž móža sej zajimcy zastupne lisćiki za jenož wosom eurow kupić. Zajutřišim, njedźelu, 19. septembra, budźe zaso tak daloko. W 17 hodź. pokazaja na hłownym jewišću komediju „Dołhož fenki běža“ ze simultanym přełožkom do němčiny. Awtor hry je Michael Cooney, zeserbšćiła je ju Měrana Cušcyna. Nimale wšitcy serbscy dźiwadźelnicy domu su w inscenaciji widźeć.
Awtor Roman Israel čita
W Delnim Wujězdźe su so lajscy wuměłcy minjeny kónc tydźenja ...
Płastowka (17.09.21)
Protyka (17.09.21)
Pjatk 17. a 18.9. Kurs wušiwanja a wjazanja křižerskich seklow z diplomowej tekstilowej fachowču Deliju Münchowej w Chróšćanskim gmejnskim centrumje
Pjatk 17. do 19.9. Jěchanski a skakanski turněr konjaceho towarstwa Při Klóšterskej wodźe Pančicy-Kukow w Hórkach
Wopomnjenski kónc tydźenja „Wojerecy 1991 – Dopomnjenki – Dohlady – Perspektiwy“
Pjatk 17.9. do 3.10. Interkulturnej tydźenjej we wokrjesu Budyšin
Pjatk 17.9. 18:00 Hłowna a wólbna zhromadźizna župy „Handrij Zejler“ na žurli Wojerowskeje Kulturneje fabriki
Sobotu 18.9. Party při klubowym haće w Serbskich Pazlicach
15:00 Wopominanske zarjadowanje při Koslowskim pomniku
11:00 Łužiske rybowe tydźenje: Zelowe wodźenje a warjenska dźěłarnička na temu łužiski karp na zahrodźe klóštra Marijineje hwězdy w Pančicach-Kukowje
10:00 Dźěłarnička „Wot běłeho k čornemu“ za młodostnych a dorosćenych pod nawodom wuměłče Maje Nageloweje w Budyskim Serbskim muzeju
19:30 Koncert SLA „Tam, hdźež tón měsačk swěći“ na hłownym jewišću Budyskeho NSLDź
Njedźelu 19.9. 9:00 Čaporowe wiki w Rakecach
Rozhłós (17.09.21)
njedźelu hornjoserbsce
11:00 Łužica tutón tydźeń
11:20 Jurjej Kochej k 85ćinam
11:45 „Marja Grólmusec – dodnić a domyslić“
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Aktualny magacin, mjez druhim z přinoškom wo prezentaciji domizniskeho kalendra 2022 towarstwa Stog
13:00 Tematiske wusyłanje: Swójbne mjena w Trjebinje
13:40 Nabožne wusyłanje
(Madlena Norbergowa)
po tym zbožopřeća
Wuswětla fasety Žylowa
Za aktualne wudaće telewizijneho magacina Łužyca je sej moderator Christian Matthée do Žylowa dojěł, zwotkelž wón přihladowarjam nětko wjes južnje Choćebuza wobšěrnje předstaja.
Žylow rosće – tuchwilu bydli tam něhdźe 3 500 ludźi – a tójšto nowych chěžow tam twarja. To njeje bjez wuskutkow. Łužyca wobswětla z toho rezultowace a zdźěla dosć razne rozestajenja, wěnuje pak so tež hinašim aspektam. Tak wopytaja tamnišu, cyle wosebitu cyrkej, stary hosćenc, słužacy něhdy tohorunja jako kulturnišćo, a pod pomnikoškitom stejace zbytki słowjanskeho hrodźišća.
Samozrozumliwje zaběra tež serbske žiwjenje wsy wažnu rólu. Tak pokuknu telewiznicy mjez druhim do Witaj-pěstowarnje „Mato Rizo“ a do zakładneje šule „Lutki“, hdźež je dwurěčna wučba ze standardom. A wězo njezabudu na tam pěstowane serbske nałožki.
K najznaćišim wosobinam w Žylowje słuša bjezdwěla serbski spisowaćel, publicist a žurnalist Jurij Koch. Łužyca gratuluje jemu k 85ćinam, kotrež je srjedu woswjećił.
Do kina (15.09.21)
16.9.–22.9.
W swójskej naležnosći
Dźens tydźenja, 3. septembra, su w ćišćerni na Horach, hdźež Serbske Nowiny ćišća, toše z nowinami roznošowarjam wopak pakowali. Po wuprajenju ćišćernje wužiwachu lisćinu, kotraž płaći wot póndźele do štwórtka, nic pak pjatkownu. Tak njejsu mnozy abonenća swoju nowinu dypkownje dóstali. W někotrych padach ani njebě wjace móžno nowinu dodawać. Tu so LND wo narunanje postara. Prosymy wo wodaće a prócujemy so, zo njeby so tajke něšto w přichodźe wospjetowało.
Wotrjad za rozšěrjenje LND
