Pokiwy (16.05.17)

Dienstag, 16. Mai 2017 geschrieben von:

Knižne předstajenje

Budyšin. Nowu bajkowu knihu „Das goldene Gut“ předstaja štwórtk, 18. meje, w 19.30 hodź. w Budyskej Smolerjec kniharni.­ Spisowaćelka Róža Domašcyna je 60 serbskich bajkow přenjesła. Mnohe z nich znaje wot swojeje wowki, wobhnadźeneje bajkarki. Nětko móža je tež němskorěčni zajimcy w zwjazku z ilustracijemi Jutty Mirtschin čitać.

Hudźba z tekstami Jurja Brězana

Budyšin. Na komornym wječoru Serbskeho ludoweho ansambla jutře, srjedu, w 19.30 hodź. w Budyskej Röhrscheidtowej bašće hudźi ćěleso Trio con moto a čita z knihi Jurja Brězana „Moja archa Horni Hajnk“. Dialog je sensibelny, za­bawjacy, ale tež brizantny, z widom na łamliwosć­ našeho swěta, z kotrymž bjezstarostnje wobchadźamy. Hudźbnicy Hanka Tiedemann (prěčna fleta / j.h.), Bettina Witke (husle / j.h.) a Helfried Knopsmeier (violoncello) přednjesu twórby zańdźenosće a přitomnosće, kotrež­ chcedźa hrajo z powědančkami Jurja Brězana splesć. Čitanja budu w němskej rěči.

Prawje so požadać

Pokiwy (12.05.17)

Freitag, 12. Mai 2017 geschrieben von:

Kapała Horjany hudźi

Drježdźany. Kónc tydźenja pokročuja na Drježdźanskim Starym torhošću z nalětnim swjedźenjom. Jedyn z wjerškow je jutře wot 11 do 13 hodź. koncert serbskeje dujerskeje kapały Horjany. Wot 14 do 16 hodź. spěwaja na samsnym městnje wjacore cyłki Wuchodosakskeho chóroweho zjednoćenstwa.

Hornčerske wiki při haće

Halštrow. Jutře a njedźelu wotměja so w Halštrowje zaso hornčerske wiki. Wot 10 do 18 hodź. wjeseli so něhdźe 40 hornčerjow z cyłeje Němskeje w idyliskim parku při kołpjowym haće na bohaty wopyt. Słódne tykancy napjeku mjez druhim čłonojo Halštrowskeho sněhakowarskeho towarstwa.

Nóc cyrkwjow a muzejow

Kamjenc. Dźewjaty króć wotewru Kamjenske cyrkwje a muzeje jutře wot 17.30 do 23 hodź. swoje durje. Pod hesłom „Pokłady, žadnostki a wobdźiwanja hódne“ předstaja tam wopytowarjam wosebitostki zběrkow coologije, geologije, archeologije a muzejoweje biblioteki.

Poradźuja wo kubłanju

Protyka (12.05.17)

Freitag, 12. Mai 2017 geschrieben von:

Pjatk 12.5. do 14.5.  Němski drastowy dźeń 2017 w Lubinje

   Mjezynarodne knižne wiki w Praze

   Połčničanski měšćanski swjedźeń

  20:00 Openstage-jamsession w Budyskim Kamjentnym domje

  20:00 Słowjanska nóc z pólskim piwom w Lipšćanskej kulturnej kofejowni Knicklicht

Sobotu 13.do 15.5.  Halštrowske hornčerske wiki

 13. a 14.5.  Třělcowski swjedźeń w Kinsporku

  8:30 Regionalne wiki w Bórkowach

  9:00 Dźeń wotewrjenych duri w Ochranowskim ludowědnym muzeju  

  10:00 Dźěłowe zjednoćenstwo mjeńšinowa politika Lěwicy wuradźuje wo kubłanskich prašenjach w Choćebuzu, Hasa młodźiny 14

  11:00 Zahajenje sezony Dešnjanskim muzeju pod hołym njebjom

  11:00 Kapała Horjany hudźi na Drježdźanskim Starym torhošću

  14:00 Serbski superintendent Jan Malink porěči wo knize „Pjeć lětstotkow – Serbja a reformacija“ w Praskej Hórnikowej knihowni

  14:00 Swójbny swjedźeń we Wojerowskim młodźinskim klubowym domje Ossi

  15:00 Koncert z chórom Lipa w Praskej Valdštejnskej zahrodźe

  17:00 Přepodaće mytow Nysoweho filmoweho festiwala we Varnsdorfskim měšćanskim dźiwadle

  17:30 Kamjenska nóc cyrkwjow a muzejow

Rozhłós (12.05.17)

Freitag, 12. Mai 2017 geschrieben von:

njedźelu hornjoserbsce

11:00 Łužica tutón tydźeń, mjez druhim z přehladom powěsćow tydźenja

11.15 Dźeń maćerje

12:00 Nabožne wusyłanje

 (Christoph Rummel)

po tym zbožopřeća

delnjoserbsce

12:30 Aktualny magacin, mjez druhim prěni rezimej noweje nawodnicy Šule za delnjoserbsku rěč a kulturu Choćebuz

13:00 Wěnc spěwow maćerjam

13:30 Nabožne wusyłanje

 (Bernd Pittkunings)

po tym gratulacije

Pokiwaj (11.05.17)

Donnerstag, 11. Mai 2017 geschrieben von:

Swjeća na šulskim dworje

Worklecy. Zakładna a wyša šula „Michał Hórnik“ Worklecy přeprošatej tež lětsa zaso wšitkich wobydlerjow a hosći na swój tradicionalny dworowy swjedźeń. Wón budźe jutře, 12. róžownika. Po zwučenym wašnju zahaja swjedźeń w 17.30 hodź. z mejemjetanjom. Holcy chcedźa zaso w serbskej narodnej drasće hromadźe z hólcami wokoło meje rejwać. Slědujetej bjesada a zabawa, na kotrejž poskića jednotliwe rjadownje najwšelakoriše kulinariske chłóšćenki. Šulerjo kaž wučerjo so na wopyt wjesela.

Na słowjansku nóc

Lipsk. Mjeztym hižo 32. słowjanska nóc w Lipsku wotměje so jutře, pjatk, wot 20 hodź. w kulturnej kofejowni Knick­licht na Drježdźanskej dróze 79. Tam běchu před wjace hač wosom lě­tami prěnju słowjansku nóc přewjedli. Na wopytowarjow čakaja mnohe překwapjenki, słódne pólske piwo, kulinariske wosebitosće kaž tež hudźba a reje kaž na wsy w Karpatach. Live w programje zastupjena budźe nimo chóra Slavia tohorunja serbska folklora, rěka w připowědźi organizatorow. Wšitcy zajimcy, nic jenož Lipšćanscy Serbja, su tuž jutře na słowjansku nóc přeprošeni.

Do kina (11.05.17)

Donnerstag, 11. Mai 2017 geschrieben von:

11.5.2017–17.5.2017 Budyski filmowy palast: King Arthur – Legend of the Sword w 3 D: wšědnje 14.30 (nimo štw, pó a srj), 17:00 a 19:30 | pj a so 22:15 Alien – Covenant: srj 20:00 Überflieger – Kleine Vögel, großes Geklapper: wšě­dnje 14:45 (nimo štw, pó a srj) a 17:15 (nimo pó) | pó 17:00 Guardians of the Galaxy: wšědnje 14:30 (nimo stw, pó a srj) a 16:45 | srj 19:30 Get Out: wšědnje 19:45 | pj a so 22:30 Guardians of the Galaxy w 3 D: wšědnje 19:45 (nimo srj) Fast & Furious: wšědnje 19:30 (nimo pó a srj) Abgang mit Stil: nj 12:30 The Boss Baby: wšědnje 17:00 (nimo pó) Fifty Shades of Grey: so 22:15 Die Schlümpfe: nj 12:00 | pj, so, nj a wu 15:00 Die Schöne und das Biest w 3 D: nj 12:30 Conni & Co 2 – Das Geheimnis des T-Rex: nj 12:30

Kino-ekstra: Der die Zeichen liest: pó 17:15 a 20:15

Spominaja na dźěći

Dienstag, 09. Mai 2017 geschrieben von:
Kamjenc. W kěrchowskej kapałce swj. Justa­ při Kinsporskej dróze w Kamjencu wotměje so jutře, srjedu, w 17 hodź. wopomnjenska­ nutrnosć za zemrěte přezahe narodźene dźěći. Na to přeproša Kamjenska chorownja maltezow swj. Jana­ staršich zemrětych dźěći,­ přiwuznych a dalšich zajimcow.

Pokiwy (09.05.17)

Dienstag, 09. Mai 2017 geschrieben von:

Kapałka 90 lět

Smochćicy. 10. meje 1927 bě biskop Christian Schreiber poswjećił kapałku tehdyšeho Smochčanskeho měšniskeho seminara. Składnostnje tohole jubileja swjeći starobiskop Joachim Reinelt jutře we wosmich w kapałce Domu biskopa Bena Božu mšu. Na nju a na snědań su zajimcy wutrobnje přeprošeni.

Rozmołwa wo rjemjesle

Pančicy-Kukow. Skupiny CDU gmejnow zarjadniskeho zwjazka Při Klóšterskej wodźe přeprošeja štwórtk, 11. meje, w 19 hodź. wobydlerjow a rjemjeslnikow-předewzaćelow na zjawne zarjadowanje do jědźernje dźěłarnjow za zbrašenych swjateho Michała w Pančicach-Kukowje. Prezident sakskeho rjemjeslniskeho zjednoćenstwa Roland Ermer porěči na temu „Rjemjesło ma złote dno – płaći to tež dźensa?“.

Na kofej do muzeja

Budyšin. Dalše zarjadowanje w rjedźe „Kofej w třoch“ wotměje so jutře, srjedu, w Budyskim Serbskim muzeju. Pod hesłom „Daj Bóh zbožo“ předstaja tam zajimcam wot 15 hodź. najwšelakoriše nabožne­ předmjety ze zběrki muzeja. Zastup­ płaći 4,50 eurow.

Serbske blido w stolicy

Pokiwaj (08.05.17)

Montag, 08. Mai 2017 geschrieben von:

Na přednošk a wodźenje

Budyšin. Wo serbskich stawiznach Hodźijskeje wosady přednošuje dr. Jenš Buliš srjedu, 10. meje, w 19 hodź. w Budyskim Serbskim muzeju. Pod hesłom „Trotz Warichius und Wendenpapst“ zaběra so wón w přednošku z wuznamnymi wosobinami serbskeho žiwjenja a što je z jich skutkowanja hač do dźensnišeho zwostało. Wot 18 hodź. powjedźe kuratorka Andrea Pawlikowa po wosebitej wustajeńcy wo reformaciji. Zastup płaći pjeć eurow.

Na serbske blido

Choćebuz. Nałožowanje serbskeje rěče w hortach steji w srjedźišću serbskeho blida zajutřišim, srjedu, we 18 hodź. w Choćebuskim měšćanskim muzeju. Z Anku Gräfowej z Witaj-horta Wětošowskeje zakładneje šule, z kubłarkomaj horta Žylowskeje zakładneje šule kaž tež z dalšimi hosćimi chcedźa wo tym rěčeć, kak projekt Witaj po šulskej wučbje nałožuja. Zajimcy su wutrobnje witani.

Pokiwy (05.05.17)

Freitag, 05. Mai 2017 geschrieben von:

Mejemjetanje a rańše piwko

Pančicy-Kukow. Jutře, 6. meje, dźěći a młodostni w Kukowje na klóšterskej łuce w 16 hodź. meju mjetaja. Wječor prosytej kapała SerBeat a CTP-Crew DJ Team k rejam. Njedźelu wot 11 hodź. witaja Chróšćanscy muzikanća na rańše piwko. Popołdnju zaspěwa chór Šule Ćišinskeho, a rejwanska skupina Kamenz can Dance předstaji swój program.

Zahaja mejski swjedźeń z reju

Łuh. We Łuze, njedaloko Haslowa, wotměje so jutře, sobotu, hižo 71. mejemjetanje. We 18 hodź. dźěći Njeswačanskeje pěstowarnje Němskeho čerwjeneho křiža „Maks a Moric“ swjedźeń z reju wokoło mejskeho štoma zahaja. Po mejemjetanju je dźěćaca disko a po tym su dorosćeni do reje prošeni. W něhdźe 23 hodź. chcedźa potom młodostni po starodawnym wašnju meju mjetać.

Do hudźbneje šule

Anzeige