Aus der aktuellen Ausgabe vom Donnerstag, 17 August 2017

Donnerstag, 17 August 2017 14:00

Krótkopowěsće (17.08.17)

Poručeja imunitu Petry zběhnyć

Drježdźany. Imunitny wuběrk Sakskeho krajneho sejma je poručił imunitu předsydki AfD Frauke Petry zběhnyć. Wuběrk je tak dźensa jednohłósnje próstwje statneho rěčnistwa wotpowědował, kotrež přepytuje přećiwo Petry pozdatnych wopačnych wuprajenjow před wólbnym pruwowanskim wuběrkom lěta 2015 dla. Petry wumjetowanja wotpokazuje.

Ulbig přećiwo pyrotechnice

Drježdźany. Sakski nutřkowny minister Markus Ulbig (CDU) wupraja so raznje přećiwo wobmjezowanemu dowolenju pyrotechniki w koparskich stadionach. Wotpowědny namjet delnjosakskeho kolegi Borisa Pistoriusa (SPD) je Ulbiga „jara překwapił“. Pistorius bě namjetował, pyrotechniku na kruće postajenych městnach stadiona dowolić.

Z ćahom ke krajanam

Praha. Čěske železniske předewzaće RegioJet je swój dotal najdlěši, nimale połkilometrowski ćah do rumunskeho Banata pósłało. Wjace hač 1 000 fanow poda so z nim na 18 hodźin trajacu jězbu­ na hudźbny festiwal pola 1 000 kilometrow zdaleneje čěskeje mjeńšiny. Susodny­ kraj pěstuje jara čiłe styki z „čěskim­ Banatom“.

Veröffentlicht in Krótkopowěsće
Z chlěbom a selu a w narodnej drasće witachu dźensa dopołdnja Malte Hönicke, Sophia Brantzko a Alina Blanck (prědku wotprawa) w Blunju čłonow hódnoćenskeje komisije 10. krajneho wubědźowanja „Naša wjes ma přichod“. Tež wjesnjanosta gmejny Halštrowska Hola Dietmar Koark (CDU, zady 2. wotprawa) a Blunjanski wjesny předstejićer Udo Zippack podpěraštaj wobdźělenje na wurisanju­ a dźensnišu prezentaciju. Po předstajenju towarstwow, aktiwitow a zajimawosćow wsy su sej wšitcy po wsy kolesujo Bluń nadrobnje zbližili. Foto: Martina Arlt

Veröffentlicht in Łužica

Hišće Serbska rěčna šula prawje njedźěła, byrnjež termin prěnjeje wučbneje hodźiny za 1. awgust předwidźany był. Mjeztym su přihoty dale šli. Nětko je zaměr, wuwučowanje po nazymskich prózdninach zahajić.

Veröffentlicht in Kubłanje
Donnerstag, 17 August 2017 14:00

Insolwencne jednanje zahajene

We Łužiskej ćišćerni ličbu sobudźěłaćerjow wo nimale połojcu pomjeńša

Budyšin (SN/at). Strach wo přichod Łužiskeje ćišćernje w Budyšinje dale traje. Dźensa je Drježdźanske hamtske sudnistwo insolwencne jednanje wo zamóženju předewzaća zahajiło a prawiznika dr. Martina Dietricha za insolwencneho zarjadnika powołało. Tole zhonichu při­stajeni ćišćernje dopołdnja na zhromadźiznje sobudźěłaćerjow.

Prěnjotnje wotpohladaneho saněrowanja w swój­skej zamołwitosći dyrbjachu so wzdać, rozłoži dr. Dietrich w rozmołwje ze Serbskimi Nowinami. Aktualne ličby firmoweho hospodarjenja hinaši puć njedowoleja. Negatiwne wuwiće nastupajo nadawki a wobrot we wobłuku offsetoweho ćišća njeje so jenož wobkrućiło, wone bě samo sylniše hač w juniju wěšćene. Wuspěšna sparta digitalneho ćišća njemóžeše nastate ćeže wurunać.

Veröffentlicht in Hospodarstwo
Donnerstag, 17 August 2017 14:00

Swjeća jubilej nimale tydźeń

Wojerowski Křesćanski gymnazij Johanneum­ wobsteji mjeztym 25 lět. Ze swjedźenskim­ tydźenjom wot 21. do 25. awgusta chcedźa tam skutkowanje­ kubłanišća hódnoćić.

Wojerecy (AK/SN) „Njepřihotujemy swjedźensku nowinu, ale wustajeńcu. Ta zaběra so z časom załoženja gymnazija, z jeho wuwićom a zaměrami. Zapřijate su tež wšelake projekty. Podamy dohlad do přitomnosće a wid do přichoda“, rjekny Günter Kiefer, kiž bě 1992 čłon załožerskeho kolegija Johanneuma, wot lěta 2005 wón kubłanišćo nawjeduje. Wustajeńca wopisuje nawodny motiw Johanneuma „Schola semper reformanda“, štož rěka, „Šula ma so stajnje zaso wobnowjeć.“

Veröffentlicht in Kubłanje
Donnerstag, 17 August 2017 14:00

Wustaja fota wo pusćinje Wadi Rum

W Kamjenskej słodarni je nětko hač do 29. oktobra přistupna wustajeńca foto­grafijow Wolfganga Wittchena. Před dźewjeć lětami je sej Kamjenski fotograf skalne město Petra a pusćinu Wadi Rum w Jordaniskej wotkrył. Jězbu bě wón tehdy při wubědźowanju­ dobył. Wot dźensnišeho pokazuje Wittchen w Kamjencu mały wuběr­ z něhdźe tysac krasnych fotow we wulkim formaće pod hesłom „Hra z bar­bami w pěsku pusćiny“. Foto: SN/Maćij Bulank

Veröffentlicht in Kultura
Donnerstag, 17 August 2017 14:00

Lětanišćo hišće njepředate

Rózbork (SN/BŠe). Chinske předewzaće Delon Automotive chce w Rózborku awtowy zawod twarić. Za to předwidźane ležownosće­ chce so krok po kroku kupić. Mjez druhim stej to tamniše lětanišćo a solarny park. Kaž sćelak Hitradio RTL dźensa rano wozjewi, je firma hižo zašły kónc tydźenja Rózborske lětanišćo kupiła. Zhorjelski krajnoradny zarjad pak informaciju dementuje. „Powěsć absolutnje njetrjechi. Wokrjes Zhorjelc hišće z inwestorom jedna. Ručež budu nowosće, zjawnosć wo tym informujemy“, zdźěli nowinska rěčnica tamnišeho krajnoradneho zarjada Susanne Lehmann na naprašowanje SN.

Wostanje potajkim při planje, zo chce chinske předewzaće w Rózborku wjac hač miliardu eurow inwestować a w nowym zawodźe elektroawta za europske wiki twarić. Nastać ma 1 000 dźěłowych městnow. Hižo w meji připowědźene plany su šansa za Łužicu, kaž sakski hospodarski minister Martin Dulig (SPD) tehdy wuzběhny. Nadrobnosće za to pak njejsu hišće doskónčnje zrjadowane.

Veröffentlicht in Hospodarstwo
Donnerstag, 17 August 2017 14:00

Wo Air Berlin je zajim

Berlin (dpa/K/SN). Insolwentna Air Berlin jedna z třomi zajimcami wo přewzaću dźělow předewzaća. Rozmołwy traja hižo tydźenje, rjekny šef předsydstwa Thomas Winkelmann. Kóždy ze zajimcow – mjez nimi Lufthansa – bywa financielnje seriozny, a je po rozměrje wulki dosć, zo móže towaršnosći Air Berlin wěsty přichod skićić. Po słowach Winkelmanna chce jedyn kaž druhi tež dale z Němskeje operować. Wšitcy třo zajimcy su nic naposledk na bursy notěrowani.

Schulz kanclerce na porsty klepa

Berlin (dpa/SN). Kanclerski kandidat SPD Martin Schulz je zwjazkowej kanclerce Angeli Merkel (CDU) wumjetował, zo so we wólbnym boju skradźu hinak zadźerži, hač so poprawom zjawnje prezentuje. Sama so direktnemu rozestajenju wuwinje, zdobom pak wuposyła swojich sobuwojowarjow, kotřiž za nju wojuja. „Tući sej žadaja socialne wudawki skrótšić, zo móhli brónjenje wójska financować. Merkel pak tak čini, kaž njeby z tym ničo činić měła“, rjekny Schulz w dźensnišej Frankfurter Rundschau.

Putnikam mjezu wotewru

Veröffentlicht in Kraj a swět
Pilnje zwučuje tele dny cyłkownje 13 holcow za lětuši cirkusowy projekt w Choćebuskej kupjeli pod hołym njebjom. Přede­wzaće w cirkusowym stanje nawjeduje Anna Förster z Weimarskeho dźěćaceho a młodźinskeho centruma „Tasifan“. Wjele chwile­ wšak hižo njezbywa: Njedźelu popołdnju chcedźa swójbnym a přećelam pokazać, što su nawuknyli. Foto: Michael Helbig

Veröffentlicht in Kraj a swět
Donnerstag, 17 August 2017 14:00

To a tamne (17.08.17)

Stražnika, kiž měješe transport medicinskeho cannabisa zawěsćić, su w Isrealu při kurjenju tohole wopojneho jěda lepili. Policistam bě kurjacy stražnik jako sobujěducy transportera napadnył. Jemu wšak nablaku stražnisku licencu a pistolu sćazachu. Kaž w Němskej je tež w Israleu dowolene, ćežko chorym pacientam cannabis jako lěk dawać. Jón dóstawaja­ tam zwjetša z posołom.

Hižo w durjach wobchoda tčacy wostał je paduch w Heilbronnje. Při tym sej wjacore rjebła złama. Muž bě awtomatiske durje zamknjeneho wobchoda namócnje wočinił. Durje pak blokowachu a jeho „zajachu“. Pěšk zawoła policiju. Wohnjowa wobora wopiteho muža skónčnje wuswobodźi­. Toho tohorunja pjany kumpan to zdokonjał njebě.

Veröffentlicht in To a tamne

Serbska debata

Neuheiten LND