Pjatk 17.11. Zwjazkowy dźeń předčitanja
19:00 Čitanje z noweje antologije „Mlóče“ w Radworskim „Słodeńku“ – po tym signuja knihu
Sobotu 18. a 19.11. Přehladka rasoweje pjerizny w jěchanskej hali w Hórce pola Niskeje
9:00 Hłowna wólbna zhromadźizna Serbskeho šulskeho towarstwa w Chróšćanskej „Jednoće“
10:00 Swójbny dźeń w Hórnikečanskej Energijowej fabrice „Drohotne kamjenje na polu“
10:30 Wulět z Rěčičanskeho Erlichtec dwora do wjelčeho regiona
15:00 Swójbne popołdnjo Budyskeje župy w Hodźijskim gmejnskim domje při zakładnej šuli
16:00 „Abrakadabra“ – dźěćace popołdnjo z kuzłarjom Geratom Róblom w Budyskim Serbskim muzeju
16:00 Dźěćaca hra NSLDź „Čmjeła Hana chce pomhać“ w Hodźijskim gmejnskim domje
17:00 Předstajenje serbskeho trikoweho filma „Sedmy rapak“ w Budyskim Serbskim muzeju
19:30 1. kapičkowy wječor w Kulowje
19:30 Kermušne reje z kapału Privileg w Smjerdźečanskim kulturnym domje
19:30 Knižna premjera „Witajće druhdźe“ w Budyskim Dźiwadle na hrodźe
Njedźelu 19.11. Kermuša w Ralbicach, Blunju, Łazu a Wulkim Wosyku
11:00 Łužiske literarne dopołdnjo w Budyskim Dźiwadle na hrodźe – in memoriam Kito Lorenc
Swójbne popołdnjo
Hodźij. Budyska župa „Jan Arnošt Smoler“ přeprosy jutře, 18. nowembra, w 15 hodź. do towarstwoweho domu w Hodźiju na swójbne popołdnjo. Na hosći čakaja dwurěčne klankodźiwadło, spěwanje, paslenje, wušiwanje, hry z rěču kaž tež kofej a tykanc. W 16 hodź. móža so dźěći na hru NSLDź „Čmjeła Hana chce pomhać“ wjeselić.
Na kermušne reje
Smjerdźaca. Młodźi a starši su jutře do Smjerdźečanskeho kulturneho domu na delanske kermušne reje prošeni. Wot 19.30 hodź. tam znata kapała Privileg z Rakec k rejam hraje.
Hodowna stawizna
Budyšin. Premjeru lětušeje „Hodowneje stawizny“ po Charlesu Dickensu a serbskim přełožku Lubiny Hajduk-Veljkovićoweje móža zajimcy zajutřišim, njedźelu, 19. nowembra, w 16 hodź. pola Bizoldec w Haslowje dožiwić. Wćipni być móžeće na wuběrny hrajerski wukon dźiwadźelnika Měrka Brankačka.
Fascinacija zornowc
njedźelu hornjoserbsce
11:00 Łužica tutón tydźeń, mjez druhim wo swójbnym popołdnju w Hodźiju
11:20 Čěska wosrjedź změnow
11:45 Projekt „Stup dale“ wohroženy?
12:00 Nabožne wusyłanje
(Beno Jakubaš)
po tym zbožopřeća
delnjoserbsce
12:30 Aktualny magacin, mjez druhim wo sympoziju na česć wučerja Hanza Hühnchena
13:00 Z hudźbu w rozmołwje:
Frank Kosyk
13:30 Nabožne wusyłanje
(Bernd Pittkunings)
po tym zbožopřeća
Sobustawska Budissy Budyšin
Lětuša sobustawska zhromadźizna FSV Budissy Budyšin budźe póndźelu, 20. nowembra wot 19 hodź. w Budyskim hotelu AKZENT Residence na Wjelećanskej dróze 32.
Stara garda w hali mocy měri
Štyri koparske cyłki starych knjezow přewjedu 3. decembra wot 10 hodź. w sportowni Wojerowskeho BSZ Konrad Zuse koparski turněr. Zapisane su Módro-běli Kulow, Sokoł Ralbicy/Hórki, Wojerowski FC a Rakečanske ST.
Wulka ćěłozwučowanska show
Sportowe towarstwo Jednota Kamjenc wuhotuje 10. decembra w sportowej hali Lessingoweho gymnazija dohodownu sportowu show, kotruž pokaza wotrjad ćěłozwučowanje. Zarjadowanje započnje so w 14.30 hodź. z kofejpićom, w 15 hodź. potom show pokazaja.
Za turněr Sokoła so přizjewić
Serbski Sokoł, třěšny zwjazk serbskich sportowčow a sportowcow, namołwja zajimowane mustwa so za 36. sokołski volleyballowy turněr wo pokal Domowiny přizjewić, kotryž budźe 10. měrca 2018 w Budyšinje. Wupisanje steji na internetnej stronje Sokoła.
Kónctydźenska kopańca
18.11. 13:30 Jednota Kamjenc
– VFC Plauen
18.11. 13:30 Módro-běli Kulow
– Zeleno-běli Bukecy
Rozjimuja strukturnu reformu
Drježdźany. Ewangelska krajna cyrkej Sakskeje wotměwa wot dźensnišeho swoju nazymsku synodu. Hač do póndźele chcedźa w Drježdźanskej cyrkwi Třoch kralow kóždolětny etat rozjimać. Rozestajeć dyrbja so zdobom ze strukturnej reformu. Dale a mjenje čłonow dla je nuznje trjeba ličbu wosadow kaž tež dźěłowych městnow pomjeńšić. Namjety pod hesłom „Cyrkej z nadźiju“ drje předleža, su pak dwělomne.
Mjeńšinowe rěče w srjedźišću
Berlin. Zastupjerjo Zwjazka, zwjazkowych krajow a narodnych mjeńšin w Němskej su wčera w Berlinje na konferency mjez druhim wužiwanje mjeńšinowych rěčow rozjimali. Mjez wobdźělnikami běchu tež zastupnicy Domowiny. Konkretnje rěčeli su tež wo nałožowanju mjeńšinowych rěčow w zarjadach a kak dźiwaja na rěče we wupisanjach dźěłowych městnow.
Unikatna postawa
Na swojej lětušej čłonskej a wólbnej zhromadźiznje sobotu w Chróšćanskej „Jednoće“ chce Serbske šulske towarstwo rozjimać docpěte wuslědki a dalše nadawki. Milenka Rječcyna je so z předsydku SŠT Ludmilu Budarjowej rozmołwjała.
Kotre nadawki je Serbske šulske towarstwo minjene tři lěta w swojim dźěle za bytostne měło?
L. Budarjowa: Zaručić kwalitu serbskorěčneho a fachoweho kubłanja dźěći w žłobikach, pěstowarnjach a hortach w nošerstwje SŠT a wabić za kubłanski a wučerski dorost wobhladujemy dale jako bytostny nadawk. Wosebje wažne su tež naše projekty kaž rěčne prózdninske lěhwo, lětsa z rekordnym wobdźělenjom, olympiada hornjo- a delnjoserbšćiny, kóždolětny swójbny swjedźeń, fachowe konferency za kubłarki a kubłarjow, swójbne kubłanje, fachowe poradźowanje, kubłanske wuprawy wuměnkarjow, poradźowanje studentow wučerstwa, zarjadow a dalšich, kotřiž so za serbske šulstwo zajimuja.
Kotre nadawki w přichodnych lětach na serbske fachowe towarstwo za naležnosće kubłanja čakaja?
Wojerecy (SN/mwe). Internetna strona Wojerowskeje hudźbneje šule prezentuje so wotnětka z cyle nowym, modernym wobličom. Bohužel pak njewobsahuje ani jeničke serbske słowčko, byrnjež mjez šulerjemi tež holcy a hólcy ze serbskich a dwurěčnych wokolnych wsow byli. „Nam bě wosebje wažne, hudźbnej šuli hišće lěpšu wosobinsku notu dać“, so nawoda hudźbneje šule David Brand w nowinskim wozjewjenju nošerja kubłanišća, towaršnosće Coowowa kultura wjeseli.
Na webstronje su nětko tež wšitcy hudźbni wučerjo z fotom widźeć. Na naprašowanje Serbskich Nowin, čehodla njejsu znajmjeńša při „starće“ strony na to myslili, jeje wopytowarjow serbsce witać, nam jednaćel towaršnosće Arthur Kusber zdźěli: „Jeno serbske powitanje bjez wujasnjowanskeho pozadka a bjez toho, zo poskitki tež w serbšćinje dale wjedźemy, wobhladujemy jako njedosahace.“
Swój studij stawiznow na Techniskej uniwersiće Drježdźany zakónčiwši spisa nětko w Budyšinje bydlacy Alexander Pólk swoje masterske dźěło „Marxistisko-leninistiska serbska stawizniska wědomosć wot 1945 do 1990“. Na přeprošenje Maćicy Serbskeje přednošowaše wón wčera w Budyskim hosćencu „Wjelbik“ k tematice.