Aus der aktuellen Ausgabe vom Donnerstag, 15 Februar 2018

Donnerstag, 15 Februar 2018 13:00

Krótkopowěsće (15.02.18)

Wobskorža krajneho radu

Hamburg/Zhorjelc. Zwěrinoškitna strona Ethia je zhromadnje ze zajimowym zhromadźenstwom „Wjelk, haj prošu“ a Zelenej ligu Sakskeje skóržbu přećiwo Zhorjelskemu krajnemu radźe Berndej Lanzy (CDU) zapodała. Přičina je njedawno zatřěleny problemowy wjelk. Po słowach skóržbnikow bě Lange z dowolnosću, zwěrjo wottřělić, wjacore zakonje ranił. Njejsu žane dopokazane nadpady, kotrež wottřěl wjelka wusprawnjeja.

Widźi šansu za Łužicu

Grodk. Łužiski zapósłanc zwjazkoweho sejma dr. Klaus-Peter Schulze (CDU) ma předwidźanu zamołwitosć swojeje strony za hospodarski ressort w móžnym nowym zwjazkowym knježerstwje za spomóžnu. To „skići wulku šansu runje hladajo na přichod łužiskeho energijoweho regiona a z nim zwjazanu strukturnu změnu. Tak móhli při temje brunica skónčnje zas prawe ćežišća sadźeć.“

Wabja za aktiwny dowol

Veröffentlicht in Krótkopowěsće
W Němsko-Serbskim ludowym dźiwadle hotuja so powołanscy kaž tež lajscy (zady we wobrazu) hrajerjo na premjeru noweje hornjoserbskeje inscenacije na Budyskim hłownym jewišću. „Paradiz w dobrej stwě“ z pjera Markusa Köbelija změje sobotu premjeru. Jako „Holcerec peepshow“ bě NSLDź tež dźensa hišće aktualnu hru před 21 lětami prěni raz předstajiło. Tež tehdy staj Petra-Marija Bulankec-Wencelowa a Jan Mikan (2. a 3. prědku wotprawa) hižo sobu hrałoj. Foto: NSLDź/Mirosław Nowotny

Veröffentlicht in Kultura
Donnerstag, 15 Februar 2018 13:00

Na kóncu je to rozsud koalicije

Sakska přistaja tuchwilu na šulach dwě třećinje přidružnikow a jednu třećinu wukubłanych wučerjow. W přichodnych lětach ma swobodny stat kóžde lěto potrjebu 1 500 do 2 000 wučerjow. Frakcija CDU w Sakskim krajnym sejmje je tuž za to, wučerjam hač do staroby 42 lět status zastojnika přizwolić. Šulskopolitiski rěčnik frakcije Lothar Bienst wotmołwja tu na prašenja Milenki Rječcyneje.

Čehodla faworizuje frakcija CDU, sakskich wučerjow na zastojnikow powołać?

L. Bienst: Byrnjež mnozy čłonojo frakcije wo zastojnstwje wučerjow přeswědčeni njebyli, je tónle krok wažna naprawa, wjace młodych ludźi za sakski kubłanski system nawabić, jich tu dźeržeć a nazhonitych wučerjow a nazhonite wučerki wróćo zdobyć.

Wostanje tomu tak, zo maja so nimo nowych wučerjow jenož ći jako zastojnicy powołać, kotřiž su młódši hač 42 lět?

L. Bienst: Haj, tuchwilny staw jednanjow na tej warianće bazuje.

Kotre rozsudne argumenty su k tomu wjedli?

Veröffentlicht in Rozmołwa
Donnerstag, 15 Februar 2018 13:00

Hymna wuraznje zapisana

Rakečanska gmejnska rada předźěłane serbske wustawki schwaliła

Rakecy (SN/MWj). Z jednym napřećiwnym a jednym wzdatym hłosom schwali Rakečanska gmejnska rada na swojim wčerawšim posedźenju předźěłane wustawki wo zachowanju, spěchowanju a wuwiću serbskeje rěče a kultury za swoju komunu. 13 radźićelow a wjesnjanosta Swen Nowotny (CDU) su wustawkam přihłosowali.

Veröffentlicht in Łužica
Donnerstag, 15 Februar 2018 13:00

Krajej wabitej zhromadnje za Łužicu

Sakska a Braniborska prócujetej so zhromadnje wo industrijne zasydlenja we Łužicy. Towaršnosći za hospodarske spěchowanje wobeju krajow stej z wo­krjesami Delnjeje a Hornjeje Łužicy kaž tež z městom Choćebuzom nowu ­brošuru „Łužica – hospodarski region za rozrost a přichod“ wudałoj.

Drježdźany/Podstupim (SN/at). W němskej a jendźelskej rěči zhonja zajimcy najwažniše lěpšiny hospodarskeho stejnišća Łužica. Brošura ma tukrajnych a mjezynarodnych inwestorow přiwabić.

Veröffentlicht in Hospodarstwo
Donnerstag, 15 Februar 2018 13:00

Zapósłanča biowobchod wopytała

Budyska zapósłanča Němskeho zwjazkoweho sejma Caren Lay (Lěwica, nalěwo) je so wčera w Njebjelčanskim biowobchodźe „Łužiske statoki“ wobhoniła. Wona sćěhowaše přeprošenje Huberta F. Langi (naprawo), kiž bě so po wólbach zwjazkoweho sejma na nju wobroćił. Hosćićeljo, mjez nimi tež jednaćel Thomas Noack, informowachu ju wo prócowanju, drustwo łužiskich bioratarjow wutworić, zo móhli swoje wudźěłki lěpje zwičnjeć. Z kritiku na tuchwilnym ratarskim spěchowanju storčichu na wotewrjene wucho zapósłanče. Wulkosć zawodneje přestrjenje njeměła zakład spěchowanja być, ale sylnosć humusoweje woršty na roli. To by bioburow skutkownišo podpěrało. Foto: Feliks Haza

Veröffentlicht in Kraj a swět
Donnerstag, 15 Februar 2018 13:00

Serbski wuběrk wuradźuje

Bórkowy (SN/MiR). Wuběrk za serbske naležnosće wokrjesa Sprjewja-Nysa schadźuje so 20. februara w błótowskich ­Bórkowach. W tamnišim Domje za dźěći a wuknjenje Lipa chcedźa so čłonojo gremija z aktualnym połoženjom Serbow, ale tež regiona rozestajeć.

Tak chcedźa so intensiwnje zaběrać z nadawkami a skutkowanjom doma Lipa, kotryž tón dźeń wopytaja. Nawodnica Iva Schultchen powjedźe jich po zarjadnišću a chce zajim za nje budźić. Wjetšina tam přebywacych dźěći, to je 99 procentow, pochadźa z němskorěčnych swójbow. Přiwšěm posrědkuja w kubłanišću tež jendźelšćinu a serbšćinu wotpowědnje starobje chowancow. Wobě rěči wužiwaja dźěći horta, hdyž domjace nadawki spjelnjeja.

Dale chce zamołwita za naležnosće Serbow we wokrjesu Annett Sischke hosći informować. Dypk dnjoweho porjada budźe tohorunja wuwiće prawicarskeho ekstremizma, wosebje hladajo na Nowu prawicu w Delnjej Łužicy. Z temu roze­staja so předewšěm Susanne Kschenka, čłonka mobilneho poradźowanskeho teama w Choćebuzu.

Veröffentlicht in Łužica
Donnerstag, 15 Februar 2018 13:00

Třělc w USA 17 ludźi morił

Parkland (dpa/SN). Cyłkownje 17 ludźi je přez wutřěle 19lětneho na šuli w Park­landźe w zwjazkowym staće USA Florida žiwjenje přisadźiło. Znajmjeńša dwanaće wosobow bě amokowy třělc zranił, kaž policija zdźěla. Někotre z nich su hišće w kritiskim stawje. Policija móžeše třělca zajeć. Po informacijach zamołwitych jedna so wo bywšeho šulerja kubłanišća, kiž bě je disciplinariskich přičin dla wopušćić dyrbjał.

Žadaja sej razny kurs

Berlin (dpa/SN). Krótko do zetkanja zwjazkoweje kanclerki Angele Merkel (CDU) z turkowskim ministerskim prezidentom Binalijom Yıldırım su sej Lěwica a Zeleni kruty kurs Němskeje napřećo Turkowskej žadali. Předsydka frakcije Lěwicy w zwjazkowym sejmje Sahra Wagenknecht žada sej hnydomny kónc brónjenskich eksportow do Turkowskeje. ­Zapósłanc Zelenych Cem Özdemir kanclerku namołwi, turkowsku ofensiwu w Syriskej tematizować. Wočakuja, zo Angela Merkel z Yıldırımom wo zajatym žurnalisće Denizu Yücelu rěči, kiž je mjeztym lěto w turkowskim jastwje.

Dźěći w krizowych kónčinach

Veröffentlicht in Kraj a swět
Donnerstag, 15 Februar 2018 13:00

Nowy centrum NATO w Němskej nastanje

Brüssel (dpa/SN). We wobłuku brónjenja NATO přećiwo Ruskej chce Zwjazkowa wobora nowy rozkazowanski centrum za spěšne přepołoženje wojakow a materiala natwarić. Zakitowanska ministerka ­Ursula von der Leyen (CDU) je na wčerawšim zetkanju wojerskeho zwjazka w Brüsselu wotpowědne plany wobkrućiła. „Němska je poskićiła, jako ramikowy kraj skutkować, za čož su nam druzy jara dźakowni.“ Na dobro Němskeje su jeje centralne połoženje wosrjedź Europy a jeje nazhonjenja na polu logistiki a podpěry, von der Leyen doda.

Hdźe dokładnje nowe logistiske komando nastanje a kelko wojakow budźe tam słužbu wukonjeć, njeje hišće znate. Po rešeršach nowinarjow měrja so pječa na kónčinu wokoło Kölna a Bonna.

Veröffentlicht in Kraj a swět
Donnerstag, 15 Februar 2018 13:00

Žadaja sej wotstup arcybiskopa

Praha (dpa/SN). Wjace hač sto wěriwych w protestnym lisće bamžej Franciskusej kurs katolskeje cyrkwje w Čěskej raznje kritizuje. Woni hłowu katolskeje cyrkwje namołwjeja, mandat Praskeho arcybiskopa, kardinala Dominika Duki, hižo njepodlěšić. Duka budźe 26. apryla 75 lět stary a ma tuž po cyrkwinskim prawje bamžej swój wotstup poskićić. Podpisarjo lista Praskemu arcybiskopej wumjetuja, zo chila k nacionalizmej, zo antiislamske nastajenja podpěruje a nutřkocyrkwinsku komunikaciju zanjecha. Arcybiskopstwo njeje spis cyrkwinskich lajkow dotal komentowało. Duka rozsud bamža „ponižnje“ wočaknje, rěka z Prahi. Duka je wot lěta 2010 primas na čole romsko-katolskeje cyrkwje w Čěskej. Wón bě ze statom wujednał, zo cyrkwi za čas komunizma sćazane wobsydstwo poněčim zaso wróći. Kritiku pak je zbudźił, gratulujo po wólbach loni w oktobru předsydźe ultraprawicarskeje strony SPD Tomijej Okamurje. „Sym sej wěsty, zo nas starosć wo wěstotu ludźi w našim kraju jednoći“, Duka w lisće pisaše.

Veröffentlicht in Słowjanski wukraj

Serbska debata

Neuheiten LND