Aus der aktuellen Ausgabe vom Dienstag, 11 September 2018

Dienstag, 11 September 2018 14:00

CDU za wojerski zasah w Syriskej

Berlin (dpa/SN). Politikarjo CDU so za to wuprajeja, zo měła Zwjazkowa wobora w Syriskej wojersce zasahnyć, jeli tam zaso jědojty płun zasadźa. „Dyrbjało-li w Idlibje k zasadźenju jědojteho płuna dóńć, měła Němska próstwy swojich přećelow wo pomoc jara chutnje pruwować“, praji wonkopolitiski rěčnik frakcije CDU/CSU w zwjazkowym sejmje Jürgen Hardt nowinarjam. Jeho stronski kolega Norbert Röttgen rjekny medijam: „Němska dyrbjała móžnosć pruwować, so pod wěstymi wuměnjenjemi ze swojimi zwjazkarjemi USA, Francoskej a Wulkej Britaniskej na wojerskim zasadźenju w Syriskej wobdźělić.“ Hdyž dźe wo to, nowemu surowemu nadpadej z jědojtym płunom z masowymi wuskutkami za ciwilne wobydlerstwo zadźěwać, „njesměła so Němska tomu spjećować“. Nowina Bild bě rozprawjała, zo w Zwjazkowej woborje plany za zasah němskeho wójska w Syriskej zdźěłuja.

Předsydka SPD Andrea Nahles zasadźenje Zwjazkoweje wobory wotpokazuje. Generalna sekretarka CDU Annegret Kramp-Karrenbauer pak ma je za „móžnu opciju“.

Veröffentlicht in Kraj a swět
Dienstag, 11 September 2018 14:00

Z ćopłotu bóle lutować

Na 20. braniborskim energijowym dnju w Choćebuzu wuradźowali

Choćebuz (SN). „Energijowa změna je wjace hač jeno změna na polu miliny. Wužiwanje miliny wučinja jenož pjećinu wšeje cyłoněmskeje energijoweje potrjeby. Něhdźe 30 procentow trjebaja we wobchadnym wobłuku. A nimale połojcu wšeje miliny trjebamy w zwisku z wužiwanjom ćopłoty. Runje tón wobłuk zawinuje w Němskej něhdźe štwórćinu wšitkich wobswětej škodźacych maćiznow w powětře.“ To je Albrecht Gerber (SPD), hospodarski a energijowy minister Braniborskeje, na wčerawšim 20. energijowym dnju kraja w Choćebuzu rjekł. Na zarjadowanju, kotrež bě ener­gijowe ministerstwo zhromadnje z Choćebuskej Industrijnej a wikowanskej komoru organizowało, diskutowaše 350 ­zastupnikow hospodarstwa, wědomosće, politiki a zarjadnistwa wo aktualnych energijopolitiskich wužadanjach. W srjedźišće steješe lětsa tema „Kak zmištrujemy změnu na polu ćopłoty w kraju?“

Veröffentlicht in Kraj a swět
Dienstag, 11 September 2018 14:00

Mjez sobu rěčeć

Informaciski a diskusijny wječor wčera w Chrósćicach je jasnje pokazał, zo je hišće tójšto prašenjow wokoło Serbskeho sejma. Iniciatiwnicy so na to spušćeja, zo so najwjace problemow takrjec wotsamo zrjaduje, je-li sejm najprjedy raz wuzwoleny. Runje to pak wunjese dalši problem: Štó smě serbski lud potom zastupować? Hižo nětko je wěste, zo sebjewědomi sejmikarjo po konstituowanju Serbskeho sejma tute prawo za sebje reklamuja, wšojedne, hač je tysac Serbow sejm woliło abo jenož dźesać. Změjemy połoženje, kajkež tež pola druhich mjeńšin w Europje wobkedźbujemy: dwě zastupnistwje, kotrejž wo móc wojujetej. Němcy móža potom znowa argumentować, zo njejsu Serbja kmani z jednym hłosom rěčeć, a statne instancy njewědźa, z kim maja jednać: ze Serbskim sejmom abo z Domowinu. Njewidźu hinašeho wupuća: Wobě stronje dyrbitej mjez sobu rěčeć, nic hakle, hdyž je sejm wuzwoleny. Marko Wjeńka

Veröffentlicht in Kraj a swět

Budyšin (CS/SN). „Medije mjez wójnu a měrom“ bě tema podijoweje diskusije we wobłuku měroweho swjedźenja towarstwa Budyski měr. Swjedźeń wotmě so mjeztym 5. króć składnostnje dnja wudyrjenja Druheje swětoweje wójny. Towarstwo, kotrež politiske strony přesahujcy skutkuje, wuznawa so k ludowym a čłowjeskim prawam. Zdobom bědźi so stajnje zaso z nadpadami a přisłodźenjemi. Hladajo na pačenje towaršnosće, kotrež tuchwilu dožiwjamy, pomha jenož mjezsobna rozmołwa, rjekny zastupnik towarstwa Uwe Haspel.

Bohužel pak stej dźenik Sächsische Zeitung a rozhłosowy sćelak MDR poskitki towarstwa k rozmołwje wotpokazałoj. Tež na pisomne naprašowanje njebu wotmołwjene. Budyski wyši měšćanosta Alexander Ahrens (SPD) bě spočatnje swoje wobdźělenje přilubił, pozdźišo pak druheho wažneho termina dla zaso wotprajił.

Veröffentlicht in Kraj a swět
Wosebite dožiwjenje mějachu wčera dźěći Radworskeje katolskeje pěstowarnje, kotrež předstajichu na žurli „Meje“ wšitke zhromadnje hru „Noach pod tučelu“. Režiju měješe teologa, komponist a hudźbnik Martin Göth z Ortenburga pola Passauwa, kiž je dźěćom, staršim a hosćom na zajimawe a lóštne wašnje kruch z přewodom spěwow spřistupnił. Kubłar dźěćaceho domu Marko Njek bě za to někotre pasaže zeserbšćił. Tak běše předstajenje w Radworju samo prapremjera. Foto: SN/Hanka Šěnec

Veröffentlicht in Łužica
Dienstag, 11 September 2018 14:00

Trenujetej šěsć króć wob tydźeń

Wonej chodźitej do samsneje rjadownje, matej samsne swójbne mjeno, swjećitej zhromadnje narodniny a jej zwjazuje samsny hobby – přezpólne ­jěchanje. Přichodny kónc tydźenja ­wojujetej dwanaćelětnej Bobkec dwójnikaj Franciska a Felicitas ze swojimaj ponyjomaj Sweetijom a Diddlom w Hórkach wo titul najlěpšeje sakskeje jěcharki w starobnej klasy U16 w přezpólnym jěchanju. Betina Wenderothowa je so z Miłočankomaj rozmołwjała.

Prěni raz we wobłuku jěchanskeho turněra konjaceho sportoweho towarstwa Při Klóšterskej wodźe wotměja so kónc toho tydźenja sakske mišterstwa juniorow z ponyjemi. Kak stej so na wubědźowanje přihotowałoj?

Franciska: Trenujemoj ze swojimi konjemi a ponyjemi šěsć króć wob tydźeń, potajkim wšědnje nimo póndźele. To mamoj mjenujcy hudźbnu šulu. Naš ­nan z namaj dresuru a skakanje přez zadźěwki zwučuje. Minjene tydźenje smój tež direktnje w Hórkach na čarje zwučowałoj.

Nětko póńdźe runje před domjacym publikumom za waju wo titul sakskeje mišterki. Je to wosebite wužadanje?

Veröffentlicht in Rozmołwa
Dienstag, 11 September 2018 14:00

Šćežka wažna za turizm

W Hamorskej gmejnje planuja wjacore dróhotwarske projekty

Delni Wujězd (AK/SN). Sakski krajny zarjad za dróhotwar a wobchad (LASuV) chce podłu zwjazkoweje dróhi B 156 zapadnje Delnjeho Wujězda kolesowansku šćežku hač k wotbóčce do Lipin twarić. Dale budźetej hłownej pućej w Rychwałdźe a Klětnom ponowjenej. Přez wobě wsy wjedźe statna dróha S 131. Tele tři naprawy rozłoži nawoda Budyskeje wotnožki LASuV Andreas Biesold na wčera­wšim posedźenju Hamorskich gmejnskich radźićelow.

Šćežka zapadnje Delnjeho Wujězda je wažna za kolesowanski turizm. Wona ma 1,6 kilometrow dołha a 2,5 metrow šěroka być. Hižo lěta 2013 běchu ju planować započeli. Tuchwilu je předwidźane, zo nastanje zapadnje Delnjeho Wujězda, hdźež B 156 do směra na Běłu Wodu wotboča, kružny wobchad. W nim je tež kolesowanska šćežka wobkedźbowana. Hač do klětušeho ma wšitko doplanowane być, tak zo móža w lěće 2020 abo najpozdźišo 2021 twarić započeć.

Veröffentlicht in Łužica
Dienstag, 11 September 2018 14:00

Literarna rozmołwa

Budyšin. Z diskusiju wo knize „Łójerjo sonow“ z pjera Jěwy-Marje Čornakec pokročuje Zwjazk serbskich wuměłcow z rjadom wuměłskich rozmołwow pod titulom „tracTare“ štwórtk, 13. septembra, we 18 hodź. w hosćencu „Tiroler ­Stuben“ na Lessingowej 1 w Budyšinje. Na zarjadowanje njejsu jenož čłonojo ZSW přeprošeni, ale wšitcy zajimcy.

Informuja wo hladanju

Kulow. Informaciske zarjadowanje wo hladanju dźěći w swójbje wotměje so zajutřišim, štwórtk, w 19.30 hodź. w Kulowskim Forellowym centrumje na Kolpingowym naměsće 8. Tam móža so zajimcy wobhonić, kotre wuměnjenja su trěbne, zo móže swójba dźěćo nachwilnje abo dlěšodobnje hladać. W Budyskim wokrjesu tajke swójby nuznje pytaja. Dalše informacije dóstanu zajimcy pod telefonowym čisłom 03591/ 5251 - 513 75.

Veröffentlicht in Z městow a wsow
Dienstag, 11 September 2018 14:00

Policija (11.09.18)

Grat z awtow kradnyli

Malećicy. Na awtach twarskich firmow składowany grat bě minjeny kónc tydźenja cil paduchow w Malećicach (Maltitz) pola Wósporka. Gratowe kašćiki skućićeljo namócnje wočinichu a pokradnychu z nich wšelake elektriske mašiny w cyłkownej hódnoće něhdźe 5 000 eurow. Nastatu wěcnu škodu na awtach trochuja na něhdźe 300 eurow, kaž Zhorjelska policajska direkcija zdźěli.

Veröffentlicht in Policija

Koporcy (UM/SN). Jedyn z derje wopytanych wotewrjenych pomnikow předwčerawšim, njedźelu, bě hród w Koporcach pola Bukec. Knjez nad hrodom Sebastian Flämig móžeše tam mnohich wopytowarjow witać. Zapřijeće „knjez nad hrodom“ wšak so Drježdźanskemu hudźbnemu pedagogej prawje njelubi. Radšo wobhladuje so jako zachowar hrodu. A zachować hodźi so w knježim domje bywšeho Koporskeho ryćerkubła tójšto, wšako zhladuje twar na wjacore lětstotki stare stawizny. Za čas Němskeje demokratiskeje republiki słužeše jako bydlenski dom, zwjetša za ćěkancow ze Šleskeje. Najwjace skóncowali pak su při njeporadźenym saněrowanju spočatk 1990tych lět.

Veröffentlicht in Łužica

Serbska debata

Neuheiten LND