Aus der aktuellen Ausgabe vom September 2018

Pos přepławjenje zawinił

Biskopicy. Z njewšědnym padom přepławjenja dyrbještej so wohnjowa wobora a policija wčera w Biskopicach zaběrać. Z bydlenja w druhim poschodźe ćečeše woda do delnich bydlenjow. Kaž so wukopa, pak mějićel hornjeho bydlenja scyła doma njebě, za to pak jeho wulki pos. Po wšěm zdaću bě dogga lačna, so při honaču napi, ale ručicu zaso dele njestłóči, tak zo myjadło bórze přeběža. Wobornicy we wjacorych bydlenjach wodu wuklumpachu. Wo nastatej škodźe dyrbi mějićel psa nětko ze swojej zawěsćernju porěčeć.

21. mjezynarodna łužiska rallye pokaza motorsport na wysokim niwowje

Hamor (AK/SN). Na lětušej łužiskej rallye wobdźěli so znajmjeńša 80 mustwow. Wone přijědu samo z Norwegskeje, Finskeje, Šwedskeje a z Baltikuma. Tole podšmórny Wolfgang Rasper, předsyda wubědźowanskeho a wodosportoweho kluba Łužica, wčera w Hamorje. Hromadźe z policiju, wohnjowej woboru, Hamorskej gmejnu a mnohimi předewzaćemi towarstwo rallye organizuje. Wona wotměje so wot 1. do 3. nowembra. Hižo něšto měsacow tónle podawk přihotuja.

Pančicy-Kukow. Zastupjerki a zastupjerjo Domowiny, Sakskeje serbskeje rady a Załožby za serbski lud přeproša wšitkich zajimcow na zhromadny diskusijny wječor. Wón wotměje so wutoru, 2. oktobra, w 19 hodź. w hosćencu „Karstenowa piwowa stwička“ w Pančicach-Kukowje. Přeprošeni njejsu jenož aktiwni čłonojo najwšelakorišich serbskich towarstwow, ale tež jednotliwcy, serbscy młodostni a starši kaž tež politisce zajimowani. Z nimi chcedźa so wo tym rozmołwjeć, hdźe derje běži, hdźe klaca a kak móhli jich skutkowanje podpěrać. W srjedźišću steja prašenja wopytowarjow. Organizatorojo wjesela so na čiłu diskusiju.

Požohnuja zapřahi

Chrósćicy. Na wosebity nyšpor domchowanki přeproša Towarstwo Cyrila a Metoda njedźelu, 30. septembra, w 14 hodź. na łuku při Chróšćanskich Hatkach. Chróšćanski cyrkwinski chór a wosadni dujerjo nyšpor wuhotuja.

Dlěje do muzeja

Čłonojo domizniskeho towarstwa hotuja so na běrnowy swjedźeń

Městačko Wóspork z něhdźe tysac wobydlerjemi leži 16 kilometrow wuchodnje Budyšina. Wobmjezowane wot Malešec na sewjeru, města Lubija na juhowuchodźe, Buke­čanskeje gmejny na juhozapadźe a Kubšic na zapadźe. Wósporkej přisłušeja tež znate serbske wsy kaž Njechorń, Hrodźišćo, Wuježk, Worcyn a Droždźij. Wjesne tafle drje su dwurěčne, ale serbsce w tutej kónčinje lědma hišće něchtó rěči.

Podpěra wobhospodarjam wodźiznow wažny stołp Leaderoweho regiona Hornjołužiska hola a haty

Wot časa pomjenowanja Leaderoweho regiona Hornjołužiska hola a haty před dźesać lětami su hižo mnohe projekty zwoprawdźili. Wobłuki toho su najwšelakoriše a sahaja wot infrastruktury přez turizm hač k hospodarstwu a by­dlenjam předewšěm za młode swójby, kotrež chcychu twarsku substancu na wsy zachować a dale wužiwać. Při tym su hłowne zaměry regionalne two­rjenje, žiwjenska kwalita, kooperacija a dwurěčnosć, skrućenje zhromadnosćow a wuwiće přirody. Serbske Nowiny chcedźa so spěchowanym wjerškam přichodnje wěnować a je bliže před­stajić.

Kaž mjeno Leaderoweje kónčiny Hornjołužiska hola a haty hižo přeradźa, wodźizny region charekterizuja, štož měło so wězo tež přichodnje zachować. Přiroda dźě słuša k žiwjenskej kwaliće woby­dlerjow a zaruča zdobom wěsty dźěl ho­spodarstwa kaž rybarstwo. Njezadźiwa tuž, zo so tomu tež spěchowanski program wěnuje.

Dźěćatstwo w narańšej ewangelskej kónčinje mjez Bukecami a Lubijom kónc 19. lětstotka wopisuje 1962 zemrěty Richard Zahrodnik. Originalny němskorěčny tekst ze swójbneho archiwa staj jeho prawnučk Friedhard Krawc a Arnd Zoba-Bukečanski zeserbšćiłoj.

Jedne wudaće nowin wotewzać a roznošować žadaše sej dwaj dnjej z tójšto nałoženej mocu a wunjese 25 fenkow. Sym pak kedźbliwy był: Přewzach jedyn Lubijski roznošowanski wobłuk přidatnje, kotryž bě njespušćomnosće dotalneje roznošowarki dla swobodny. W Lubiju stejachu domske pódla sebje w rynku, a pjenjezy běchu chětře zasłužene. Dóstach nětko dwójce 25 fenkow, to bě wjeselo. Lubijscy čitarjo dawachu nowinskemu hólcej k hodźom wjetša pjenježny dar, rozeznawacy so mjez třomi fenkami a jednej hriwnu (dwójce).

Swoje wobkedźbowanja po puću w Chorwatskej napisał Křesćan Krawc (1)

Na mjechkej ławce wozydła za pjeć wosobow sedźo jědu sobu do južneho dźěla Chorwatskeje, do Dubrovnika a dale samo hač do čornohórskeho Kotora. Ja mam swój problem z tymi 250 PSami před sobu a z tym za mnu jěducym jednoswójbnym domom, caravan mjenowanym. Caravan je bydlenski wóz, tak steji w interneće. Čas žiwjenja pućuju pod hesłom „Z najmjenje srědkami najwjace dožiwjenjow!“. Jako swójba smy tak po tehdy zakazanych ukrainskich Karpatach pućowali, z nachribjetnikami a małym stanom, štyri kilogramy ćežkim, a so rano w hórskej rěčce myli. K nam su chodźili ze susodnych wsow a nam twaroh, šmałc a chlěb nosyli … Město nachribjetnika nětk sydom a poł metra dołhi a dwaj a poł metra šěroki dom na kolesomaj z lěharnju, kuchnju, blidom a wotdźělom samo z hajzlom a dušu – to njeda we mni zahoritosć schadźeć. Nochcu pak młodym hordosć a wjeselo skazyć. Ja jědu sobu – mój jědźemoj sobu, dźěd a wowka –, ­tónraz bjez žurnalistiskeho zawjazka. Mamoj so wočerstwić! Štož nochcych wěrić: Tónle bjezkónčny asfaltowy pas je za mnje poněčim zajimawy.

Lětsa je tomu 35 lět, zo bě w zjawnym žiwjenju přeco hišće skerje njeznaty podpołkownik ze swojim postupowanjom stawizny swěta na drje rozsudne wašnje wobwliwował. Dnja 26. septembra 1983 je tehdy 44lětny oficěr sowjetskeje powětroweje wobory Stanislaw Jewgrafowič Petrow najskerje třećej swětowej wójnje zadźěwał.

Pjatk 28.9. do 30.9.  Swjedźeń Kulowskeje piwarnje

Pjatk 28.9. 19:30 Premjera němskorěčneje inscenacije „Wopyt stareje­ damy“ w Budyskim Dźiwadle na hrodźe

Sobotu 29. a 30.9.  Dworowy swjedźeń w Njeswačanskim „Knjejskim hosćencu“

Sobotu 29.9. 9:00  Centralny wólbny wjeršk Serbskeho sejma z dźěłar­ničku, mjezsobnej wuměnu a party w Njebjelčanskej Bjesadźe

  10:00 Comicowa dźěłarnička ze Šćěpanom Hanušom w Hornim Hajnku

  10:00 Zetkanje za mobilizaciju serbskeho žiwjenja w narań­šich kónčinach; w Budyskej Röhrscheidtowej bašće

  10:00 Přirodowy a rybarski swjedźeń na Rěčičanskim Erlichtec dworje

  18:00 Předstajenje Serbskeho ludoweho ansambla Naša­ Hanka w wěncu steji na žurli SLA

Njedźelu 30.9. 9:30 Domizniski swjedźeń na Rownjanskim Njepilic statoku, započatk z dwurěčnej Božej słužbu

  14:00 Nyšpor domchowanki z požohnowanjom ko­nja­cych­ zapřahow w Chrósćicach

  13:30 Finalne běhi němskich dumperowych mišterstwow w Hórkach

  17:00 Předstajenje inscenacije NSLDź „Sergej“ w Sulšečanskim kulturnym domje

Póndźelu 1.10. 10:00 Konferenca Europskeho socialneho fondsa (ESF) we Wojerowskej Łužiskej hali

njedźelu hornjoserbsce

11:00 Łužica tutón tydźeń, mjez druhim wo 19. swjedźenju na Row­njanskim Njepilic statoku

11:20 Generacija facebook

11:45 Z Rownjanskeho swjedźenja

12:00 Nabožne wusyłanje

 (Jadwiga Malinkowa)

po tym zbožopřeća

delnjoserbsce

12:30 Aktualny magacin, mjez druhim wo planach za Fontanowe lěto 2019

13:00 Interkulturelny festiwal

„Proetnica“ w Rumunskej

13:40 Nabožne wusyłanje

 (Manfred Hermaš)

po tym zbožopřeća