Aus der aktuellen Ausgabe vom September 2018

Freitag, 28 September 2018 14:00

Pokiwy (28.09.18)

W piwarni zaso swjeća

Kulow. 27. raz změni so Kulowska piwarnja wot dźensnišeho hač do njedźele na swjedźenišćo. Po dźensnišich rejach z kapału Božemje Cryers přizamknje so jutře popołdnju wulki piwarski wjacebój towarstwow. K wječornym rejam zahudźi kapała nAund. Njedźelu přeproša na rańše piwko z dujerskej kapału, popołdnju na kofej a tykanc.

Premjera noweho programa

Budyšin. Z prěnjej premjeru w nowej hrajnej dobje Serbski ludowy ansambl swój publikum jutře, sobotu, we 18 hodź. na žurlu SLA přeproša, štyri wšelake kwasy­ zeznać. W jewišćowym programje Naša Hanka w wěncu steji – Kwasne parlički, pod hudźbnym nawodom Judith Kubicec kwasuja rejwarjo, spěwarjo a hudźbnicy ansambla ze spěšnymi rejemi a jimacymi zynkami. Nimo Blunjowskeho, Slepjanskeho a Delnjoserbskeho kwasa pokaza ansambl tohorunja katolski kwas. W programje přinjesu wuměłcy twórby znatych serbskich komponistow kaž Detlefa Kobjele, Korle Awgusta Kocora a Jana Pawoła Nagela na jewišćo.

Ryby na kupje

Veröffentlicht in Pokiwy
Freitag, 28 September 2018 14:00

Sport (28.09.18)

Wulke finale w Hórkach

Wulke finale Němskich dumperowych mišterstwow 2018 změja jutře a njedźelu w Hórkach pola Chrósćic. Techniske přepruwowanje dumperow přez DEKRA je za sobotu wot 17 hodź. planowane. W 19 hodź. přizamknu so kwalifikaciske běhi a po tym so w stanje k hudźbje skupi­ny GrooveCover rejuje. Njedźelu w 10.30 hodź. steja regionalne wubědźowanjao na programje. Finalne běhi započnu so 13.30 hodź. a wubědźowanje z liliputami 15.30 hodź. Pola jednotliwcow nawjeduje klasement Filip Kral z Róžanta (70 dypkow) před Markusom Donatom z Baćonja (60 dypkow) a w hódnoćenju jednotliwcow mataj teamaj z Adelsdorfa/Quersa a Lejna wobaj 76 ličakow.

Wustup před domjacej kulisu

Swój prěni domjacy hrajny dźeń hrajneje doby 2018/2019 změje prěnje wolejbulowe mustwo muži sportoweho towarstwa Viktorija Worklecy jutře, sobotu, we Worklečanskej sportowni. Tam nastupja Worklečenjo w 14 hodź. přećiwo hosćom TSV Niederoderwitz a po tym přećiwo šěstce OSSV Kamjenc.

Kónctydźenska kopańca

29.09. 14:00  Jednota Kamjenc –

  VfB Empor Glauchau

29.09. 15:00  Motor Kumwałd –

  Sokoł Ralbicy/Hórki

29.09. 15:00  Rakečanske ST –

  Módro-běli Kulow

30.09. 13:00  SJ Njebjelčicy II –

Veröffentlicht in Sport
Freitag, 28 September 2018 14:00

Křižowka (28.09.18)

Wodorunje: 1 medicina, 3 poćehnjenje blida, 5 wołanje la ..., 7 Beweis serbsce, 10 wulke mnóstwo, 14 europska swětnišćowa organizacija, 15 swójbny, 16 prjedawši předsyda Domowiny (Jan)

Padorunje: 1 narod, 2 třělwa, 3 strašna chorosć, 4 Flieder serbsce, 6 wódna kwětka, 8 jedyn jendźelsce, 9 wukřik při bolosći, 10 Słowjan, 11 dźesać jendźelsce, 12 britiska kupa, 13 jón dyrbiš rozwjazać

Veröffentlicht in Serwis
Donnerstag, 27 September 2018 14:00

Krótkopowěsće (27.09.18)

Złoži mandat kónc oktobra

Drježdźany. Serbski zapósłanc a bywši sakski ministerski prezident Stanisław Tilich (CDU) 31. oktobra swój mandat w krajnym sejmje złoži. Wón postupuje tak, kaž hižo dlěši čas přizjewjene, a njeje přičiny mjenował, zdźěli wčera rěčnik Sakskeho krajneho sejma. Naslědnik po krajnej lisćinje CDU móhł Jörg Markert być. Krajny wólbny nawoda je so jeho hižo­ prašał, hač mandat přiwozmje.

Naprašowanje nětko online

Budyšin. Wobšěrne naprašowanje Domowiny je nětko tež online pod adresu https://www.soscisurvey.de/DomowinaBefragung/ w hornjoserbskej, delnjoserbskej a němskej rěči přistupne. Wotmołwy, kotrež maja so tež po tymle puću hač do 14. oktobra zapodać, wuhód­noći agentura Methodenberatung Jahn z Lipska. Domowina nima žadyn přistup k jednotliwym wotmołwam.

Syći Via Regia přistupił

Veröffentlicht in Krótkopowěsće
Donnerstag, 27 September 2018 14:00

Hłójčkate mysle sylneho hłosa

Dźěłowy kruh za recepciju Lessinga­ je wčera 5. Kamjensku narěč wuhotował. Wuznamny spiso­waćel a dramatikar Volker Braun wěnowaše so na wjacorych runinach powšitkownemu połože­nju towaršnosće.

Kamjenc (SN/bn). „Dyrbimy so ze začuća našeje nadhódnoty wuswobodźić w času, w kotrymž potencial rozhněwanja wjace wuspěcha lubi hač wěrnosć a fakty. Hižo zaso swět stary wupada“, zjima Volker Braun swój wid na tuchwilny staw politisko-towaršnostneho diskursa.

Veröffentlicht in Kultura
Donnerstag, 27 September 2018 14:00

Fantazijepołna a z přirodu zwjazana rěč

Wojerecy (AK/SN). Ćiskowčanka Doris Kasperec je wčera ze swojeje dźěćaceje knihi „Kuzło dejmantneje soniny“ we Wojerowskej zakładnej šuli Handrij Zejler čitała. Powědančko je njedawno w Ludowym nakładnistwje Domowina wušło. „Serbšćinu sym na šuli wuknyła a wona je hłuboki dźěl we mni. Tam mam ze stro­ny nana swoje korjenje“, wona šulerjam z rjadownjow 2a, 3a kaž tež 4a powě­daše. Kniha měri so na dźěći wot štyrjoch lět. Najprjedy wšak je wona powě­dančko němsce napisała. Jadwiga Kaulfürstowa je wšitko zeserbšćiła, Barbara Schumann je ilustracije zhotowiła.

Veröffentlicht in Kultura
Donnerstag, 27 September 2018 14:00

Z naprašnikom mnohich docpěć

Budyšin (kl/SN). Wo móžnych kandidatach do rady Załožby za serbski lud we wólbnej periodźe 2019–2023 je předsydstwo Domowinskeje župy „Jan Arnošt Smoler“ wčera w Serbskim domje w Budyšinje wuradźowało. Hač do 1. no­wembra maja so namjety zapodać, tak chcedźa na oktoberskim posedźenje doskónčnje wo župnym namjeće rozsudźić.

Čłonojo předsydstwa dorozumichu so nastupajo naprašnik skupinam a towarstwam Domowiny. Kak hodźał so na­­naj­lěpje rozdźělić, zo bychu prawje wjele sobu­stawow docpěli? Wuzběhnychu móž­nosć naprašnik w interneće wupjelnić.

Składnostnje 750. měšćanskeho ju­bileja Wojerec podachu so na župnym wulěće po slědach serbskich stawiznow města a zeznachu aktualnu situaciju Serbow we a wokoło Wojerec. W tym zwisku rozjimachu, dalokož je so zaměr jězby, poskitk měć za wšitkich zajimowanych Serbow, tež spjelnił.

Přichodne zarjadowanje župy budźe swójbne popołdnjo 27. oktobra w Pawołskej šuli w Rakecach. Zhromadnje ze šulu so zarjadowanje, kiž započina so w 15 hodź., přihotuje.

Veröffentlicht in Towarstwa
Donnerstag, 27 September 2018 14:00

Přidatne srědki rozdźělili

Budyšin (SN/MWj). Wot Swobodneho stata Sakskeje připowědźene pawšalne srědki za zesylnjenje wjesneje kónčiny chce město Budyšin hłownje w třoch wobłu­kach zasadźeć. Tole je měšćanska rada na swojim wčerawšim posedźenju wobzamknyła. Runja druhim komunam dóstanje sprjewine město 70 000 eurow. 15 000 eurow z toho zasadźa za wjace wěsto­ty na měšćanskich ležownosćach. Pozadk je, zo so wulkeje suchoty dla často hałzy wotłamaja a wobchad wohrožeja. Nad přidatnymi 28 000 eurami smě so Kamjentny dom wjeselić. Tam chcedźa tele pjenjezy sobu za zarunanje zawodowych kóštow wužiwać. Poprawom měješe Kamjentny dom lětsa 40 000 eurow we wobłuku swobodneje młodźinskeje pomocy zalutować. Z přidatnymi pjenjezami móža nětko tola wjace wudać. A skónčnje zasadźa 25 000 eurow za to­, zo móhli w měšćanskim lěsu wulke mnóstwo wobškodźeneho drjewja z lěsa wozyć. Z tym ma so zadźěwać, zo so skórnik w lěsu dale rozpřestrěwa. Za zbywace 2 000 eurow chce město sobu přidatnu busowu čaru financować, kotraž z centruma do Hornjeho kraja powjedźe.

Veröffentlicht in Łužica
Donnerstag, 27 September 2018 14:00

Za dwě lěće 200 nowych dźěłowych městnow

Symbolisce z prěnim zarywom je předewzaće Hamburger Rieger tzwr wčera w Čornopumpskim industrijnišću zapo­čało druhu papjercowu mašinu twarić. Z inwesticiskej sumu 370 milionow eurow ma 200 nowych dźěłowych městnow nastać.

Čorna Pumpa (JoS/SN). Nowu připrawu PM 2 chcedźa w druhim połlěće 2020 startować. Z njej rjećaz wudźěłkow a rozrost předewzaća dale wjedu, kaž managing direktor Hamburger Containerbord Harald Ganster zawodnje wuzběhny. „Tak zwyšimy w produkciskim segmenće su­ro­weho běłožłobičkateho papjerca kapacitu na jedyn milion tonow. Nimo toho je bruny žłobičkaty papjerc, wšo na zakładźe sto procentow stareje papjery.“ Ganster mjenuje nowu papjercowu mašinu „najwjetši jednotliwy projekt w stawiznach předewzaća“.

Veröffentlicht in Hospodarstwo
Donnerstag, 27 September 2018 14:00

Erdoğan wabi za nowy start

Berlin (dpa/SN). Hladajo na swój prěni statny wopyt w Němskej chce turkowski prezident Recep Tayyip Erdoğan wo nowy start poćahow wobeju krajow wabić. Dźensa popołdnju zamołwići jeho w Berlinje wočakuja, hdźež su rozmołwy z turkowskimi organizacijemi předwidźane. Oficialny program zahaji so jutře. Zwjazkowy prezident Frank-Walter Steinmeier wita Erdoğana z wojerskim česćowanjom. W času wopyta wočakuja organizatorojo mnohe demonstracije.

Stawk wjetši hač wočakowany

Berlin/Dublin (dpa/SN). Za jutře planowany stawk pola Ryanair budźe wjetši hač wočakowany. Dźěłarnistwo zjednoćenstwa Cockpit je w Němskej přistajenych pilotow předewzaća Ryanair wčera wječor k stawkej namołwjało. Do toho běchu hižo přewodźerjo lětadła w Španiskej, Portugalskej, Italskej, Nižozemskej a Belgiskej stawk připowědźili. Wobě powołanskej skupinje žadatej sej wyšu mzdu a nowu strukturu dźěłowych poměrow. Dźensa chce tež dźěłarnistwo ver.di wozjewić, zo so němscy přewodźerjo lěta­dłow stawkej přizamknu.

Podhladnych zajeli

Veröffentlicht in Kraj a swět

Serbska debata

Neuheiten LND