Aus der aktuellen Ausgabe vom Montag, 09 September 2019

Montag, 09 September 2019 14:00

Krótkopowěsće (09.09.19)

NSLDź a SLA durje wotewrěłoj

Budyšin. Němsko-Serbske ludowe dźiwadło je z dnjom wotewrjenych duri nowu­ hrajnu dobu zahajiło. Wjace hač 2 000 zajimcow wuži wčera składnosć, hrajnišća kaž tež wurězki přichodnych insce­nacijow sej wobhladać. Tež Serbski ludowy ansambl je swój dom zjawnosći spřistupnił a bě z wothłosom kaž tež ličbu­ wopytowarjow přewšo spokojom.

Z pomnikowym mytom počesćeni

Lubij. Z projektom „Lubijska cyrkej Swjateho Ducha w změnje časa“ zawěsći sej Lubijski ewangelski šulski centrum Sakske dźěćace a młodźinske pomnikowe myto. Počesćenje přijachu wčera na dnju wotewrjeneho pomnika w Lubiju. Wuknjenska skupina dwanaće zakładnych, wosom spěchowanskich a dwanaće powołanskich šulerjow je wo Božim domje w zwisku z měšćanskimi a nabožinskimi stawiznami slědźiła.

Přewjedźe prěnju rěčnu hodźinu

Veröffentlicht in Krótkopowěsće
Montag, 09 September 2019 14:00

Wulkotna premjera

Šulerjo a wučerjo Worklečanskeje wyšeje šule z musicalom zahorili

Chrósćicy (SN/MiR). Telko ludźi kaž zańdźeny pjatk drje je Chróšćanska wjace­zaměrowa hala „Jednota“ zrědka na jednej premjerje dožiwiła. Něšto wjace hač 500 městnow bě wobsadźenych, mnozy dyrbjachu stać. Premjerne lisćiki za musical „Quo vadis – dokal dźeš?“ Worklečanskeje Serbskeje wyšeje šule „Michał Hórnik“ běchu spěšnje wupředate.

Veröffentlicht in Kubłanje
Montag, 09 September 2019 14:00

Požadany stipendij dóstała

Móžnosć, w šulskim času do wukraja hić, maja mnozy młodostni. Často pak swój són mało poskitkow dla cofnu. Sakske kultusowe ministerstwo zmóžnja kóžde lěto 35 stipendijow, za kotrež móža so šulerjo 9. lětnikow požadać. Lena Kutschke z Radworskeje wyšeje šule je tajki dobyła. Bianka Šeferowa je z njej porěčała.

Kak sy wo poskitku kultusoweho ministerstwa zhoniła?

L. Kutschke: Naša wučerka Monika Šołćina je nas wo tym informowała a we mni zajim zbudźiła. Na wotpowědnej in­ter­netnej stronje so wo programje wobhonich. W měrcu sym relatiwnje krótkodobnje rozsudźiła pisomne požadanje zapodać.

Što bě za požadanje wšitko trěbne?

Veröffentlicht in Rozmołwa
Montag, 09 September 2019 14:00

Tři wólbne přechody trěbne byli

Choćebuz (SN/JaW). Zwjazkowe předsydstwo Domowiny je pjatk w Choćebuzu wěcywustojnych wobydlerjow do dźěłoweho kruha za serbske naležnosće wo­krjesa Budyšin wuzwoliło. Gremij skutkuje čestnohamtsce na dobu 2019 do 2024.

W přihotach na tajne wólby kritizowaše Marka Cyžowa, zo je mjez namjetowanymi dźewjeć kandidatami tež zastupnik Serbskeho sejma. „Mi so njelubi, zo steji na lisćinje kandidatow pod logom Domowiny sejmar. Wšitcy znajemy diskusije“, wona zwurazni. Předsyda Domowiny znapřećiwi, zo smědźa wšitke cyłki, skupiny a towarstwa, tež Serbski sejm, kandidatow namjetować. „Nimo toho smy so dojednali, zo smy wotewrjeni wšitkim napřećo, kiž chcedźa z nami dźěłać. Hdyž Serbski sejm w naležnosći našu kompetencu akceptuje a podpěruje, a so zarjaduje do zajimcow, kiž nam namjety zapodaja, je to w porjadku. Smy zjawnje namołwjeli namjety zapodać. Mamy tuž z tym ličić, zo tež ludźo reaguja, kotřiž su w jednotliwych naležnosćach hinašeho měnjenja“, Statnik podšmórny.

Veröffentlicht in Towarstwa
Montag, 09 September 2019 14:00

Serbske a słowjanske zynki na wysokim niwowje

Stróža (SN/bn). Wosebity koncert twori tradicionalny zazběh kóždolětnych němsko-serbskich nazymskich přirodowych wikow na dworje zarjadnistwa biosfe­roweho rezerwata Hornjołužiska hola a haty w Stróži. Nimo zarjadnistwa wuhotuje jón tamniše domizniske towarstwo Radiška; Załožba za serbski lud rjad spěchuje.

Veröffentlicht in Kultura
Montag, 09 September 2019 14:00

Johnsonej hrozy dalša poražka

London (dpa/SN). Britiskemu premierministrej Borisej Johnsonej hrozy dźensa dalša poražka w delnjej komorje britiskeho parlamenta. Knježerstwowy šef chce, zo parlament za 15. oktober nowowólby wobzamknje. Opozicija je hižo připowědźiła, zo njebudźe tomu přihłosować. Za nowowólby trjeba Johnson hłosy dweju třećinow zapósłancow. Wulku Britanisku chce wón 31. oktobra z Europskeje unije wjesć, wšojedne hač na rjadowane abo dospołnje njerjadowane wašnje.

Putin a Macron telefonowałoj

Moskwa (dpa/SN). Dźeń po dotal njesłyšanej wuměnje jatych mjez Moskwu a Kijewom staj ruski prezident Wladimir Putin a francoski prezident Emmanuel Macron dalše měrowe jednanja na wuchodźe Ukrainy wobrěčałoj. Tajke zetkanje měło dokładnje přihotowane być. Toho běštaj sej wobaj přezjednaj, kaž je Putin po telefonaće z Macronom medijam zdźělił. Po lětach konfrontacije běštej Ruska­ a Ukraina wčera 35 jatych wobeju bokow wuměniłoj.

Rozsudźa wo knježerstwje

Veröffentlicht in Kraj a swět
Hnujace sceny dožiwili su sobotu na lětanišću Borispol njedaloko ukrainskeje stolicy Kijewa. Tam bě mašina z 35 ukrainskimi wojakami přizemiła, kotřiž běchu w ruskej wójnskej jatbje byli. Mjez nimi bě tež 24 namórnikow, kotrychž bě Ruska loni w nowembru zajała. Samsny čas přizemi lětadło z 35 ruskimi jatymi w Moskwje. Foto: dpa/Ukrinform

Veröffentlicht in Kraj a swět
Montag, 09 September 2019 14:00

To a tamne (09.09.19)

Mašina za zhotowjenje popcorna je we Wuchodnej Friziskej zasadźenje wohnjoweje wobory zawiniła. Nastroj běchu na dnju wotewrjenych duri wužiwali. Awtomatiski sensor za kur direktnje nad nim pak wołaše wohnjowu woboru. Kameradow wotškódnichu z jědźu, napojemi a popcornom. Nimo toho jim wobswědčichu, zo běchu atrakcija swjedźenja.

Skradźu na měsačk sobu wzaty list misije Apollo 15 su w Hamburgu za 11 000 eurow přesadźowali. Anonymny kupc bě z Azije. Astronawća David Scott, James Irwin a Alfred Worden běchu 1971 bjez dowolnosće zamołwitych dźesatki listow skradźu sobu do swětnišća wzali a sej to zapłaćić dali. Němsko-ameriski překupc bě akciju swój čas organizował a listy po misiji předewzaću listowych znamkow w Badensko-Württembergskej dale předawał. Mjenowani astronawća pak njesmědźachu wjace do swětnišća lećeć.

Veröffentlicht in To a tamne

Strasbourg (SN). Poradźowanski wuběrk Wobłukoweho zrěčenja wo škiće narodnych mjeńšin Europskeje rady je aktualne stejišća narodnych mjeńšin w Georgiskej a Nižozemskej wozjewił.

Minjene tři lěta je Georgiska prawniske móžnosće nastupajo škit narodnych mjeńšin dale zesylniła, widźomnje so za to zasadźejo, wšelakorosć spěchować. Přiwšěm je analyza datow trěbna, hač su naprawy we wobłuku spěchowanja rěče w kubłanju a w zwisku z jeje wužiwanjom na zarjadach skutkowne dosć. Runje tak měło so přepytować, kak georgiska towaršnosć na mjeńšinowe prašenja scyła reaguje a hač su tam populistiske rozestajenja.

Veröffentlicht in Kraj a swět
Montag, 09 September 2019 14:00

Strona Krjemla so přesadźiła

Moskwa (dpa/SN). Při regionalnych wólbach w Ruskej je w Krjemlu knježaca strona po informacijach wólbneho nawodnistwa w najwjace regionach wjetšinu mandatow zakitować móhła. Po tym zo běchu do wólbow dźesatki opoziciskich kandidatow z wólbow wuzamknyli, je sej knježaca strona Zjednoćena Ruska w Moskowskej měšćanskej radźe 25 z cyłkownje 45 sydłow wuwojowała, kaž powěsćernja Interfax rozprawja. W Moskwje běchu prominentni opozicionelni, kotrychž běchu z wólbow wuzamknyli, ludźi k „smartnemu wothłosowanju“ namołwjeli. Wobydlerjo móhli wšitke strony wolić, jenož nic kandidatow Krjemloweje strony.

Při wólbach guwernerow su so zastupnicy Krjemla we wšitkich regionach přesadźili. Naprašowanja běchu Krjemlowej stronje njespokojnosće ludźi hospo­darskeho połoženja dla masiwne straty wěšćili. W Chabarowskej kónčinje nad Pacifikom docpě wona runje 12,5 procentow. Wólbne wobdźělenje bě jara słabe, w Moskwje runje 21,63 procentow.

Veröffentlicht in Kraj a swět

Serbska debata

Neuheiten LND