Aus der aktuellen Ausgabe vom Dienstag, 15 September 2020

Dienstag, 15 September 2020 14:00

Krótkopowěsće (15.09.20)

Schadźowanka budźe!

Budyšin. Organizaciski team załožby je rozsudźił lětušu schadźowanku w Budyšinje přewjesć, a to 21. nowembra w „Krónje“. Přihoty su zaběželi, a kul­turne skupiny budu najručišo informowane. Wobšěrny hygienowy koncept, kotryž je z wuměnjenjom, nětko zdźěłuja. Reje pak žane njebudu a bara wostanje za­wrjena.

Dalše štyri koronapady

Budyšin. Přez kónc tydźenja su w Budyskim wokrjesu dalše štyri nowoinfekcije z koronawirusom zwěsćili. Jedyn pacient je so zwonka wokrjesa natyknył, tamni na swójbnych swjedźenjach. Ličba w zwisku z koronu zemrětych wučinja mjeztym 21. Spočatk meje natyknjena 53lětna žona, kotraž bě wot toho časa w chorowni, je komplikacijow korona­infekcije dla zemrěła.

Štó dóstanje myto publikuma?

Veröffentlicht in Krótkopowěsće
Dienstag, 15 September 2020 14:00

Hišće tójšto potenciala

Towarstwo dwórnišćo inkluzije zaměrnje swoje předstawy zwoprawdźa

Radwor (SN/BŠe). Radworske dwórnišćo dale a bóle z hłubokeho spara wotuća. Prěnje kročele přetwara stej Jěwa-Marja Chěžcyna a madźelski Tino hižo wuspěšnje zwoprawdźiłoj a štyri bydlenja wu­twariłoj. Nětko chcetaj hišće zbytk impozantneho twarjenja přetwarić. Zakład toho twori wužiwanski koncept towarstwa Radworske dwórnišćo inkluzije, z kotrymž běštaj so tež wo spěchowanske srědki europskeho programa Leader prócowałoj a staj je dóstałoj.

Veröffentlicht in Socialne
Dienstag, 15 September 2020 14:00

Zaměrne dźěło na nowej „kótwicy“

Miłoraz (SN/BŠe). Nimale 18 měsacow po tym zo bu přesydlenske zrěčenje za wjes Miłoraz podpisane, móža po wotkryću ležownosćow na nowym stejnišću twarić započeć. Přestrjeń je něhdźe 14 hektarow wulka. Minjene dny je přede­wzaće Łužiska energija a milinarnje (LEAG) w starym Miłorazu hižo prěnje chěže spotorhać dało. „Naš zaměr je staru wjes dołhož móžno zachować a při­wšěm w nowym Miłorazu nowu kótwicu wuhotować“, zdźěli manager LEAG za in­frastrukturu Martin Klausch powěsćerni dpa. Po wobzamknjenju Slepjan­skeje gmejny dóstanu tež dróhi znate mjena. Tohorunja zarjaduja na nowym stejnišću dom za zetkawanje, pomnik, kupjel a sportnišćo – poprawom wšo to, štož maja wobydlerjo tež w starym Mi­łorazu.

Veröffentlicht in Hospodarstwo
Dienstag, 15 September 2020 14:00

Młodych wučomnikow tradicionelnje wuwjazali

Budyšin (CS/SN). Cyłkownje 87 młodo­st­nych je minjenu sobotu po tři lěta trajacym wukubłanju na pjekarja, rěznika, fachoweho předawarja mjenowaneju wobłukow, mulerja, třěchikryjerja, ćěslu, blidarja, molerja a lakěrarja, frizera abo běrowoweho překupca we wobłuku Budyskeje rjemjeslniskeje komory swoje wuswědčenje dóstało. Wuwjazali su wučomnikow tónkróć w Budyskim Němsko-Serbskim ludowym dźiwadle.

Veröffentlicht in Hospodarstwo
Dienstag, 15 September 2020 14:00

Tež wo změny w cyrkwjomaj šło

Budyšin (SK/SN). Zwjazkowe zjednoćenstwo Lěwicy „Etniske mjeńšiny“ ma koaliciske zrěčenje CDU, SPD a Zelenych nastupajo serbske prašenja za dotal najlěpše w Sakskej. To zwěsćichu jeho čłonojo sobotu na wuradźowanju w Budyšinje. Zaběrali su so tež z prašenjom, što bu wuchadźejo z koaliciskeju zrěčenjow w Braniborskej a w Sakskej hladajo na serbski lud dotal docpěte a kak chce Lěwica k dalšemu zwoprawdźenju mjeńšinoweho prawa přinošować. Serbska Lěwica wita, zo tež serbske zjednoćenstwa w SPD a Zelenych wuslědki politiki Serbam napřećo hódnoća. Zdobom poskića woběmaj cyłkomaj zhromadne dźěło.

Wótrje kritizowali su sobotni wobdźělnicy saksku Lěwicu, zo njeje – njedźiwajo na dojednanje z lěta 2015 – žane naprawy dojednała, „mjeńšinowe prawo w trěbnej měrje“ w stronje zwoprawdźić. Jednohłósnje schwalichu protestny list zwjazkowej změrcowskej komisiji. Přitomni zhonichu tež wo strukturnych změnach katolskeje a ewangelskeje cyrkwje w serbskich kónčinach. Žanažkuli změna njesměła na kóšty serbskich wosadow hić, zwuraznichu woni w swojim stejišću.

Veröffentlicht in Kraj a swět
Dienstag, 15 September 2020 14:00

Serbska protyka za klětu předleži

Budyšin (SN). Serbska protyka 2021 je w Ludowym nakładnistwje Domowiny dypkownje k spočatkej nazymy wušła.

Titulna wjes čitanki su tónraz Hórki, mnohim znate skałarjenja dla. Zdobom je ródna wjes wjacorych serbskich basnikow, spisowaćelow a wědomostnikow. Tež sport tam wulku rólu hraje. Dale čitaće přinoški z Běłeho Chołmca abo wo nałožkach Hornjeje Šleskeje. Tež rěčne prašenja w njej stajeja. Redaktor Pětr Šołta předstaji Protyku 2021 wutoru, 6. oktobra, na Hórčanskim Smolic statoku.

Veröffentlicht in Kultura
Dienstag, 15 September 2020 14:00

Róčnicu załoženja swjećili

Berlin (dpa/SN). Ze swjedźenskim zarjadowanjom je Centralna rada Židow dźensa w Berlinje 70. róčnicu swojeho załoženja woswjećiła. W swjedźenskim přednošku w Centrumje Judaicum pokaza zwjazkowa kanclerka Angela Merkel (CDU) na wulke zasłužby centralneje rady, kotraž bě so jenož pjeć lět po holocausće na to zwažiła židowske žiwjenje w Němskej, w „kraju skućićelow“, znowa zmóžnić. Centralna rada zastupuje zajimy 23 krajnych zwjazkow a 105 židowskich wosadow z něhdźe 100 000 čłonami.

Dwělomny zakoń schwaleny

London (dpa/SN). Najebać wšitke warnowanja je delnja komora britiskeho parlamenta wčera wjele diskutowany zakoń premierministra Borisa Johnsona wo brexiće schwaliła. Premierminister chce ze zakonjom wo nutřkoeuropskich wikach loni z Europskej uniju wujednany zakoń wo wustupje Wulkeje Britaniskeje z EU we wažnych dypkach jednostronsce změnić. W Brüsselu maja iniciatiwu Johnsona za ranjenje zakonja.

Čakaja na wuslědki testow

Veröffentlicht in Kraj a swět
Něhdźe sto ludźi je wčera wječor na Budyskich Žitnych wikach přećiwo rasizmej a prawicarstwu demonstrowało. Namołwjał bě k tomu zwjazk „keep together – zhromadnje přećiwo prawicarstwu“. Hłowna přičina bě wotpohlad prawicarskeho hudźbnika Chrisa Aresa, w Budyšinje so zasydlić a tam prawicarski centrum natwarić. Foto: Steffen Unger

Veröffentlicht in Kraj a swět
Dienstag, 15 September 2020 14:00

To a tamne (15.09.20)

Najmjeńšej gmejnje Němskeje ležitej w Schleswigsko-Holsteinskej a w Porynsko-Pfalcy. W Gröde, na kumštnej kupje w Sewjernym morju, kaž tež w Dierfeldźe we wulkanowej Eifeli bydleše kónc 2019 stajnje dźesać ludźi. Lěto do toho bě Gröde po wšej Němskej najmjeńša gmejna z runje hišće sydom wobydlerjemi. Najwjace ludźi bydleše kónc 2019 znowa w Berlinje (3,67 milionow). Najhusćišo wobsydleny je Mnichow, hdźež bydli 4 777 ludźi na kwadratny kilometer. W Parisu je jich štyri króć telko: 21 000.

Pilnje harowacy jěž je w Magdeburgu zasadźenje policije zawinił. W rańšich hodźinach bě muž na to tukał, zo su paduši w domje susoda, dokelž słyšeše podhladne zwuki, jako by něchtó z piłu rězał. Policisća ležownosć kontrolowachu a namakachu jěža, kiž metalowy předmjet před sobu storkaše, štož zwuki zawinowaše.

Veröffentlicht in To a tamne
Dienstag, 15 September 2020 14:00

Nowe lěhwo za migrantow dotwarjene

Athen (dpa/SN). Grjekski minister za migraciju Notis Mitarakis wšitkich bjezdomnych migrantow na kupje Lesbos namołwja ručež móžno do noweho, prowizoriskeho stanoweho lěhwa zaćahnyć. To je po słowach Mitarakisa jich winowatosć. „Wot přichodneje póndźele wobdźěłaja sobudźěłaćerjo jenož hišće azylowe próstwy za tych, kotřiž su w lěhwje“, ­rjekny minister wčera rozhłosowemu sćelakej Parapolitika.

Wospjet warnowaše Mitarakis migrantow, wotdźeržowacych druhich wot toho, do noweho prowizoriskeho lěhwa hić, kotrež běchu zamołwići zhromadnje z pomocnymi organizacijemi natwarili. „Wěmy dokładnje, wo koho so jedna“, rjekny wón hladajo na mału skupinu migrantow, kotrychž jako škarakow znaja. Tući běchu minjeny tydźeń woheń zamiškrili, kotryž je lěhwo zničił. Grjekska njeda so wudrěwać, wón doda.

Veröffentlicht in Kraj a swět

Serbska debata

Neuheiten LND