Aus der aktuellen Ausgabe vom Freitag, 27 November 2020

Do- a hodowny čas je tež čas bajkow. Nimale wšědnje pokazuja telewizijne sćelaki sfilmowanja znatych bajkow. A stawizna wo Popjelawce je kóžde lěto pódla. Sfilmowanje po předłoze Čechowki Boženy Němcoveje stej filmowej studijej Barrandov Praha a DEFA Babelsberg před dokładnje 48 lětami natočiłoj. Stawizna „Tří ­oříšků pro Popelku“ abo „Tři worješki za Popjelawku“ z Rolfom Hoppu jako kral, ­Karin Lesch jako kralowna a hłownymaj akteromaj Libušu Šafránkovej ­jako ­Popjelawka a Pavelom Trávníčekom jako princ, a wězo ze swětoznatej hudźbu z pjera Karela Svobody je wobstatk kóždolětneho hodowneho telewizijneho ­programa. Tak je to tež lětsa. Tuž smy wam jako wosebity serwis wšitke lětuše ­wusyłanske terminy znosyli a je wam tule jako přehlad k wutřihanju poskićamy:

29.11.2020:  14:03 ARD

6.12. 2020:  17:25 MDR

13.12. 2020:  13:20 WDR

20.12. 2020:  12:05 BR

20.12. 2020:  14:15 ONE

20.12. 2020:  15:05 NDR

24.12. 2020:  12:15 ARD

24.12. 2020:  16:05 NDR

24.12. 2020:  18:50 ONE

24.12. 2020:  20:15 WDR

24.12. 2020:  22:30 SWR

24.12. 2020:  23:15 RBB

25.12. 2020:  11:15 ARD

25.12. 2020:  20:15 NDR

26.12. 2020:  16:05 MDR

26.12. 2020:  16:40 ONE

27.12. 2020:  12:00 KiKA

1.1.2021:  16:30 RBB

6.1.2021:  8:05 BR

Přejemy wam wšitkim wjele wjesela při hladanju. Štóž pak njemóže dočakać, móže hižo raz tule z pomocu qr-coda na čěskosłowaksko-němsku produkciju pohladać.

Na wobalce decemberskeho wudaća je wozjewjena monotypija kemšerki w katolskej drasće. Stworił je ju słowjenski moler Ante Trstenjak 1961 w Mariborje. Što monotypija je, čehodla je Trstenjak hakle lětdźesatki po tym zo je we Łužicy po puću był seriju monotypijow stworił a docyła wo jeho žiwjenju a skutkowanju rozprawja Andreja Borin, nawjedowaca kuratorka Wuměłskeje galerije Maribor. ­Marija Suchec je wustajeńcu „Barby daliny. Moler Ante Trstenjak a Łužiscy Serbja“ w Budyskim Serbskim muzeju wopytała. Wo monotypijach, kotrež su dźěl woneje wustajeńcy, pisa, zo maja, tak kaž su tam prezentowane, „charakter wuměłskeje galerije“ a pohnuwaja kóždeho hač do meje přistupnu wustajeńcu wopytać.

Pjatk 27.11. 20:00 Onlinowy spěwny swjedźeń „Hoyschrecke“ we Wo­jerecach

Njedźelu 29.11. 9:30 Kemše z wužohnowanjom dźěćetka 1. adwentnu njedźelu z generalnej superintendentku Theresu Rinecker w Slepjanskej cyrkwi

  18:00 Duchowna hudźba k zazběhej adwentneho časa w Budyskej serbskej cyrkwi

Srjedu 2.12. 17:00 Webinar SAEK, Sakskeje poradźowarnje za přetrjebarjow a Wojerowskeho Zusoweho muzeja „Hry online a w browseru“

njedźelu, hornjoserbsce

11:00 Łužica tutón tydźeń

11:15 Basnica a korona – Na wopyće pola Róže Domašcyneje

11:40 Adwentne woknješko:

Dźěsći kapitana Antifera

12:00 Nabožne wusyłanje

 (Gabriš Nawka)

po tym zbožopřeća 

delnjoserbsce

12:30 Aktualny magacin, mjez druhim wo křesćanskim žiwjenju w doby korony

13:00 Kniha na česć Mata Kosyka

13:40 Nabožne wusyłanje

 (Till Wojtow)

po tym zbožopřeća

Schowane kóšty wobeńć

Budyšin. Sakski wukubłanski a wupruwowanski kanal (SAEK), poradźowarnja za přetrjebarjow Sakskeje a Wojerowski Zusowy muzej wuhotuja srjedu, 2. decembra, w 17 hodź. webinar „Hry online a w browseru“. Ćežišćo tworja schowane kóšty we wosebje pola dźěći woblubowanych darmotnych digitalnych hrach. Referentka Angelika Große rozłoži, kak tajke programy funguja a kak je móžno, pjenježne pasle wobeńć. Přizjewjenja su na stronje www.saek.de/bautzen móžne. Tydźeń pozdźišo z rjadom pokročuja, tema budu tak mjenowani influencery.

Cyrkej a wliw korony na nju

Trening w lockdownje light

Spěchowanski program za talenty Němskeho koparskeho zwjazka DFB poskići póndźelu, 30. nowembra, dalšu treningowu jednotku online, a to za zajimowane hrajerki a zajimowanych hrajerjow a trenarkow a trenarjow. Zašłu póndźelu bě Marc-Patrick Meister, šeftrenar narodneho mustwa DFB U 16, na rjedźe; přichodnu póndźelu budźe to potom zaso Nate Weiss, indiwidualny trenar 1. FC Nürnberga. Link namakaće pod sfv-online.de. Započatk budźe w 17.30 hodź.

Lětsa hižo žane koparske hry

Sakski koparski zwjazk njebudźe lětsa hižo žane winowatostne koparske hry planować. Tutón rozsud płaći za wšitke starobne klasy na krajnej runinje.

Zwjazkowa liga w telewiziji

Wolejbulistki Drježdźanskeho SC hraja jutře w prěnjej zwjazkowej lize doma přećiwo hosćom z Erfurta. Hry pokazaja pak w telewiziji na sćelaku SPORT1 abo w livestreamje na www.sporttotal.tv. Za tydźeń pojědu Drježdźanjanki potom ­do Wiesbadena.

28.11. 17:30 Drježdźanski SC –

  Erfurt

05.12. 19:00 Wiesbaden –

  Drježdźanski SC

12.12. 15:30 Drježdźanski SC –

  Schwerin

19.12. 19:00 Vilsbiburg–

  Drježdźanski SC

Derby ma zaso stary termin

Jeli pytane słowa 1–6 wodorunje prawje zapisaće a pod 1 a 2 padorunje dalše pismiki přidaće, wučitaće pod 1 wjes w Delanach, pod 2 wuraz ze sporta: sylna, zasadźita

1 nic wysoka, 3 nic konsonant, 4 spočatk wubědźowanja, 5 spis Homera, 6 palmowa lilija

Kapacity nimale wučerpane

Budyšin. Socialne zarjadnišćo klóštra Marijineje hwězdy je jara wot natyknjenjow z koronawirusom potrjechene. ­Na to skedźbni wčera krajnoradny zarjad. W gmejnje Pančicy-Kukow je 59 schorjenych, w Chróšćanskej samo 63. Wčera su w Budyskim wokrjesu 217 nowych infekcijow a dźewjeć smjertnych padow zwěsćili. Kapacity za koronapacientow tudyšich chorownjow su skoro wučerpane.

Filmy jako streamigowy poskitk

Choćebuz. Filmowe předstajenja 30. filmoweho festiwala Choćebuz njemóža so wot 8. hač do 13. decembra w hrajnišćach wotměć. Aktualnje podlěšenych naprawow Zwjazka a krajow přećiwo koronje dla njejsu tež kina přistupne. Na­jebać to budźe 150 filmow w dobje wot 8. hač do 31. decembra 2020 jako streamingowy poskitk na stronje filmfestivalcottbus.de wotwołajomny.

Wuwiće zawróćene

Wot spočatka 1980tych lět zběrataj mějićelej Wulkodubrawskeje pjekarnje Roland Jeremias a Jens Schiller kurjački. Dokelž mataj mjeztym telko z nich, wustajetaj wonaj małkich a wulkich muži a tež žony w filialach pjekarnje. Tak zawjeseleja kupcow na ­přikład w Radworskej filiali, hdźež předawa Karin Blasius słódke a čerstwe pječwo. Foto: SN/Hanka Šěnec

Bosćan NawkaHač smy so mjeztym prosće na to zwučili abo hač je nas lětsa wosebje požadana hajzlaca papjera bjez wokołopuća k wotpowědnym regalam (za)wjedła – zo su hody w drobnowikowanju hižo před měsacom „wudyrili“, tónraz tak prawje pytnyli njesmy. Nětko pak steji prěni adwent woprawdźe před durjemi a bórzomne wobradźenje hrozy kaž přeco z dźeń a bóle přiběracym stresom wobstarać telko kmanych darow kaž móžno. Jedyn z mało čłowjekow na našim swěće, kiž hižo cyle dokładnje wě, što rumpodich jemu pod štomik połoži, je ameriski předewzaćel Jeff Bezos. Hladajo na njesměrne mnóstwo nulow před komu, kotrež jeho tak a tak hižo pukacu so móšeń přidatnje pjelnja, budźe jemu zawěsće wšojedne, zo Bože dźěćo tele dary njezamołwja, ale kupcy po wšej zemi. Analysća z toho wuńdu, zo koncern Amazon rekordny dobytk za čas prěnjeho lock-downa – jenož něhdźe 5,2 miliardźe dolarow – hač do patoržicy hišće raz masiwnje stopnjuje. A dokelž maja w Irskej fenkow dosć a tuž tak na dawki njedźiwaja kaž my, smě sej firma wjetšinu pjenjez samo zdźeržeć.