Aus der aktuellen Ausgabe vom Mittwoch, 28 Juli 2021

Mittwoch, 28 Juli 2021 14:00

Krótkopowěsće (28.07.21)

Incidenca dale niska

Budyšin/Zhorjelc. W Budyskim wo­krjesu je po informaciji Roberta Kochoweho instituta koronaincidenca na 3,0 woteběrała. Dwaj pacientaj staj so wustrowiłoj, jedna wosoba je so z wirusom natyknyła. W Zhorjelskim wokrjesu wučinja incidenca dale 1,6.

Nowe swětowe namrěwstwo

Fuzhou. Města Mainz, Worms a Speyer su jako kolebka europskeho židowstwa do lisćiny swětoweho namrěwstwa při­wzate. Na te wašnje je UNESCO židowske kulturne městna w Němskej prěni raz wuznamjeniła. Dale bu wčera tež delnjogermanski Limes jako dźěl mjezy antikskeho Romskeho mócnarstwa jako swětowe namrěwstwo připóznaty.

Přećiwo winowatosći šćěpjenja

Veröffentlicht in Krótkopowěsće
Mittwoch, 28 Juli 2021 14:00

Muzej wobnowja

Pančicy-Kukow (SN/JaW). Gmejna Pančicy-Kukow a Domowina chcetej w Muzej Ćišinskeho, kotryž je w Pančičansko-Kukowskej šuli zaměstnjeny, ponowić a zno­wa wuhotować. Wčera su sej wjesnjanosta Markus Kreuz (CDU) a zastupnicy Domowiny – přitomni běchu županka Kamjenskeje župy „Michał Hórnik“ Diana Wowčerjowa, předsyda Pančičansko-Kukowskeje Domowinskeje skupiny Pětr Korjeńk, projektna wobdźěłarka Trudla Kuringowa, regionalna rěčnica Domowiny za Kamjenski region Katharina Jurkowa a referent Domowiny za kulturu a wukraj Clemens Škoda – trěbne podpisane zrěčenje wuměnili. Wo tym informuje medijowy rěčnik třěšneho zwjazka Marcel Brauman.

Veröffentlicht in Towarstwa
Mittwoch, 28 Juli 2021 14:00

Zetkawać so a nakupować (1)

Na wsy wobchod měć dźensniši dźeń wjace samozrozumliwe njeje. We wobłuku lětušeho lětnjeho seriala smy so na­ wsach rozhladowali, zo bychmy swojim čitarjam tón abo tamny wjesny wobchod předstajili.

Před lětami pytachu w Njebjelčicach zajimca, kiž chcył wjesny wobchod přewzać. Na zbožo njeje dołho trało a pola wjesnjanosty Tomaša Čornaka (CDU) tajki wo durje klepaše. Wuměnjenje wobchod přewzać běše, zo stanje so tón předa­warnja biologisce plahowanych tworow a zdobom wjesne zetkanišćo. Spěšnje běchu­ sej wšitcy přezjedni, zo wotpowěduje tajki wotmysł předstawam gmejny, kotraž ma ekologiske a socialne wuwiće za wažne. Mjeztym je wobchod wosrjedź wsy z mjenom „Łužiska dworowa předawarnja“ ­daloko znaty. Mnozy kupcy pak mjenuja jón dale „wjesny wobchod“.

Veröffentlicht in Łužica
Mittwoch, 28 Juli 2021 14:00

W LIPJE zaso ze zapalom sportuja

Nětko zaso, stajnje srjedu dopołdnja, chwataja žony we wuměnkarskej starobje po dołhej, korony dla napołoženej přestawce zaso do Smjerdźečanskeje LIPY­ na sportowu zaběru. Tam nańdźechu wšitko tak kaž do pandemije. Jeničce mjezwočo nazwučowarki běše nowe. Před nimi steješe z wjesołym posměwkom młoda nazwučowarka a jich přećelnje serbsce postrowi.

Veröffentlicht in Towarstwa

Wotrow (ŽU/SN). YOUCAT za dźěći bu wčera wjac hač 30 wobdźělnikam nabožneho tydźenja we Wotrowskej cyrkwi předstajeny. W tamnišej wosadźe bydlacy, jako wučer na Serbskim gymnaziju Budyšin mjez druhim předmjet nabožinu podawacy Měrko Pohonč bě knihu do hornjoserbšćiny přełožił. Tydźenja je wona w Ludowym nakładnistwje Domowina wušła. Lektorka LND Weronika Žurowa přepoda přełožerjej dokładowe eksemplary a dźakowaše so jemu za wšu nałoženu prócu a dokładnosć při přełožowanju a slědowacym wobdźěłanju.

Veröffentlicht in Kultura
Mittwoch, 28 Juli 2021 14:00

Unija hłosy zhubja

Berlin (dpa/SN). Hladajo na nowe naprašowanje instituta Forsa k wólbam zwjazkoweho sejma wuchadźa, zo by uniju jenož hišće 26 procentow ludźi woliło. Tež SPD je jedyn procentny dypk zhubiła a leži pola 15 proc. Jenož dwaj dypkaj za njej steji FDP. Zeleni bychu sylne 21 proc. hłosow žnjeli. AfD přińdźe na dźesać a Lěwica na sydom proc. Tři koalicije bychu móžne byli: unija/Zeleni, unija/SPD/FDP kaž tež Zeleni/SPD/FDP.

Namołwa w zwisku z róčnicu

Genf (dpa/SN). Wysoki komisar UNO za ćěkancow Filippo Grandi wjacore kraje namołwja, principije Genfskeje konwencije za ćěkancow zakitować. Wón so starosći, dokelž europske a tamne kraje dale a časćišo spytaja zamołwitosć njepřewzać. To praji Grandi hladajo na dźensnišu 70. róčnicu podpisanja mjenowaneje konwencije. Dokument je zakładny stołp azyloweje politiki po cyłym swěće. Podpisarjo měli škit ludźom zmóžnić, kotrymž w domiznje přesćěhanje hrozy. Jich njeměli tuž tam wróćo pósłać.

Zjawne etaty z wulkim dołhom

Veröffentlicht in Kraj a swět
Po hrózbnym njezbožu w Leverkusenskej chemijowej fabrice wohnjowa wobora hišće za pjeć zhubjenymi pyta. Cyłu nóc su tam dźěłali a stajnje zaso woheń po rozbuchnjenjach hašeli. Zasadźenje ma tak dołho trać, doniž njeje wšitko wujasnjene. Něhdźe 360 wobornikow bě tam wčera po rozbuchu w tankowym składźe zasadźenych. Po dotalnych informacijach stej znajmjeńša dwě wosobje žiwjenje přisadźiłoj, 31 ludźi so zrani. Foto: dpa/Oliver Berg

Veröffentlicht in Kraj a swět
Mittwoch, 28 Juli 2021 14:00

To a tamne (28.07.21)

Winicar njesmě sekt bjez folije wokoło zatyčki w blešach předawać. To rozsudźi zarjadniske sudnistwo w Trierje a wotwobara skóržbu winicarja. Jemu běchu loni předań 1 300 blešow družiny Riesling falowaceje folijoweje kapsle dla zakazali. Muž skoržeše na to mjez druhim z argumentom přirodoškita. Sudnicy pak skóržbu wotpokazachu skedźbnjejo na to, zo sektowe bleše hižo dlěje hač 100 lět tak předawaja. Nimo toho zazyglowana bleša kupcej zawěsća, zo hišće wočinjena njeje.

Zhubjeny krokodil znjeměrnja tučasnje wobydlerjow čěskeho města Ostravy. Pjećlětny reptil je spěšny a kmany kóčku abo mjeńšeho psa popadnyć. Hižo wot minjeneje soboty mějićel za twochnjenym krokodilom pyta, štož pak je hakle dny pozdźišo zdźělił. Wón wšak ma so nětko na rozestajenje ze zarjadami nastajić.

Veröffentlicht in To a tamne
Mittwoch, 28 Juli 2021 14:00

Chłostanski wukaz teoloze

Waršawa/Köln (dpa/SN). W Pólskej je rozsud němskeho sudnistwa kedźbnosć zbudźił. Kaž medije susodneho kraja rozprawjeja, dósta profesor katolskeje teologije Dariusz Oko z Krakowa němski chłostanski wukaz našćuwanja ludu dla. Přičina je přinošk w Kölnskim časopisu „Theologisches“, w kotrymž je pólski duchowny homoseksualnych w cyrkwi jako „parazitow“, „rakowinu“, „homo-mafiju“ a „homoseksualnu kwaklu“ wothódnoćejo woznamjenił. Rěčnica Kölnskeho hamtskeho sudnistwa powěsćerni dpa wčera wobkrući, zo chłostanski wukaz wobsteji. Přećiwo njemu pak je prawiznik wobwinowaneho mjeztym znapřećiwjenje zapodał. Chłostanje předwidźi pjenježnu pokutu 4 500 eurow.

Veröffentlicht in Kraj a swět
Mittwoch, 28 Juli 2021 14:00

Testy po dowolu winowatostne?

Berlin/Mnichow (dpa/SN). Dowolnicy maja so hižo wot noweho měsaca na rozšěrjenu winowatosć nastajić, so při nawróće do Němskeje testować dać. Zwjazk je přilubił so hač do 1. awgusta wo to prócować, jednotnu winowatosć testowanja zawjesć „nic jeno za lěty, ale na přikład za wšěch, kotřiž po normalnym puću z awtom abo železnicu přichadźeja“, rjekny bayerski ministerski prezident Markus Söder (CSU) wčera wječor we wusyłanju ARD „Tagesthemen“. Popołdnju bě zhonił, zo tworja prawniski zakład, kiž ma so wot 1. awgusta zeskutkownić.

Po słowach Södera je rjadowanje dosć jednore. Kóždy, kiž z awtom, ćahom abo lětadłom zaso zapućuje, trjeba test. Dotal płaći winowatosć testowanja jeničce za ludźi, kotřiž z lětadłom do kraja přińdu.

Söder pak njeje so wo tym wuprajił, kak přichodnje ze šćěpjenymi a wustrowjenymi wobchadźeć. Zwjazkowy minister nutřkowneho Horst Seehofer (CSU) bě nowinje Bild (dźensniše wudaće) prajił: „Štóž je dopokazujomnje šćěpjeny abo wustrowjeny, wězo žadyn test njetrjeba.“

Veröffentlicht in Kraj a swět

Serbska debata

Neuheiten LND