Aus der aktuellen Ausgabe vom Montag, 30 Januar 2023

Montag, 30 Januar 2023 13:00

Krótkopowěsće (30.01.23)

Gerat Róbl wuznamjenjeny

Razgrad. Gerat Róbl ze Smjerdźaceje je wosebite wuznamjenjenje jako čestny wobydler Razgrada dóstał, najwyše připóznaće bołharskeho města. Wo tym informowaše serbski rozhłós MDR. Z tym komunalni zapósłancy města z 31 000 wobydlerjemi jeho wusahowacy angažement mytuja. Tak je wón w towarstwje swjateje Filomeny na dobro chudych a potrěbnych tež we wukraju skutkował.

Dokumentacija ducy po Łužicy

Mannheim. „Es kommt darauf an das Hoffen zu lernen“, dokumentarny film režiserki Annetty Dorotheje Weber, změje 19. februara premjeru w Mannheimje. Pask wotbłyšćuje „přesydlenske stawizny z brunicoweho rewěra“. Wot 23. februara pokazuja produkciju we wobłuku turneje tež we Łužicy, a to mjez druhim w Choćebuzu, Slepom a we Wojerecach. Trailer je na platformje Youtube přistupny.

Měšćanski budget napjaty

Veröffentlicht in Krótkopowěsće
Jenož poł hodźiny z Budyšina dyrbiš jěć, zo by najkrasnišu zymsku idylu nadešoł. Hnydom za Załomjom nalěwo, do směra tamnišeho sněhakowanskeho cluba, maja tu dźěći swoje zymske wjeselo. Sněhakowanski club Załom z.t. skići móžnosće sněhakowanskeho skakanja na třoch skakanišćach. Foto: SN/Hanka Šěnec

Veröffentlicht in Łužica
Montag, 30 Januar 2023 13:00

„Njemóže ženje zamołwite być“

Policajska kriminalna statistika wujewja za lěto 2021 w Budyskim wokrjesu 58 padow seksualneho znjewužiwanja dźěći. Kwota wujasnjenja wučinješe 91,4 procenty. Tak mjenowana njewotkryta ličba (Dunkelziffer) je njeznata. Silke Richter je so z rěčnikom Zhorjelskeje policajskeje direkcije Marcelom Malchowom rozmołwjała.

Knježe Malchowo, što je po słowach zakonja seksualne znjewužiwanje dźěći?

Veröffentlicht in Rozmołwa
Montag, 30 Januar 2023 13:00

„Tak daloko smy my čisći“

Zwjazkowe předsydstwo dźěłowy wuběrk „załožbowa rada“ zasadźiło

Wojerecy (SN/at). Wuslědk pruwowanja wólbow serbskich čłonow a jich zastupjerjow rady Załožby za serbski lud w sakskim ministerstwje za wědomosć kulturu a turizm hišće njepředleži. Jasne tuž dale njeje, hač je towarstwowe prawo prawy zakład za tele wólby. Wšako wurosće nadawk k tomu ze statneho zrěčenja wo wutworjenju serbskeje załožby.

Veröffentlicht in Towarstwa
Montag, 30 Januar 2023 13:00

Drama w Drježdźanskej radnicy

Měsacy dołho su Drježdźany bjez pjeć měšćanostow-přirjadnikow wušli, dokelž je wyši měšćanosta z frakcijemi wo móc w měsće wojował. Najebać wujednanje wostanje přeco hišće wakanca.

Veröffentlicht in Łužica
Montag, 30 Januar 2023 13:00

Křižerske graty sčasom přepruwować

Hižo wjace hač 40 lět šije a wuporjedźa Handrij Kral w swojej polstrowanskej a sedłarskej dźěłarni w Kamjenej blisko Radworja křižerske graty. Sam běše w lěće 1977 k prěnjemu razej z křižerjom. „To běchu jutry z porjadnje sněhom,“ so wón dopomina. Wšěm lětušim křižerjam doporuči wón, konjace graty hižo nětko z łubje wzać a na škody přepruwować, zo móhł, je-li reparatura trěbna, tutón tež sčasom dokónčić. „Krótko do jutrow wšak je nawal potom zwjetša wulki“ – Handrij Kral doda. Jeho pokiw za hladanje gratu: hnydom po jutrach kožane dźěle włóžnje wurjedźić a po tym z lochkim wolijom pomazać. Foto: SN/Hanka Šěnec

Veröffentlicht in Hospodarstwo
Montag, 30 Januar 2023 13:00

Ličba załoženych firmow woteběra

Drježdźany (SN/at). Wo 668 na dohromady 21 327 je ličba zawodow we wobłuku Drježdźanskeje rjemjeslniskeje komory 2022 porno lětušemu woteběrała. Najwjetši spad zwěsćachu ze 154 pola kładźerjow kachlicow, platow a mozaikow. Dźewjeć nowozałoženym firmam steji 163 zawrjenjow napřećo. „Jedna přičina tutoho wuwića tči we wulkej potrjebje fachowcow w rjemjesle kaž tež w njewěstych wuhladach konjunkturu nastupajo“, rozłoži Andreas Brzezinski, hłowny jednaćel Drježdźanskeje rjemjeslniskeje komory. Wón skedźbni na přikład na to, zo dotal solosamostatni kachlicykładźerjo do kruteho přistajenja přeńdu.

Rjemjesło we wuchodnej Sakskej je dale šěroke nastajene. Najwjetši přirost firmow bě loni pola fotografow kaž tež w přemysle rjedźerjow twarjenjow. W tudyšej rjemjeslniskej roli, oficialnym zapisku rjemjeslniskich zawodow w regionje, je aktualnje 687 fotografow zapisanych, 48 wjace hač 2021. Pola rjedźerjow twarjenjow naliči statistika 794 předewzaćow, 51 wjace hač před lětom. Loni běše 1 245 nowych zapisowanjow do rjemjeslniskeje role, załoženja pak tež tu woteběraja.

Veröffentlicht in Hospodarstwo
Montag, 30 Januar 2023 13:00

Njemóža deklaraciju wotedać

Drježdźany (dpa/SN). Sakska njebudźe jutře swoju deklaraciju za ležownostny dawk swójskich imobilijow wotedać móc. Tež statny zawod Sachsenforst tole njezdokonja. Hač do jutřišeho maja so podłožki financnym zarjadam wotedać. Krajny financny minister Hartmut Vorjohann (CDU) je wuzběhnył, zo njebudźe so čas podlěšić. Zakład za noworjadowanje ležownostneho dawka bě wusud Zwjazkoweho wustawoweho sudnistwa. Nowy ležownostny dawk maja wobsedźerjo imobilijow a ležownosćow potom wot 1. januara 2025 płaćić.

Diskusiju Scholz kritizuje

Santiago/Kijew (dpa/SN). Zwjazkowy kancler Olaf Scholz (SPD) je diskusiju wo dodawanju wojerskich lětadłow do Ukrainy kritizował. W běhu wopyta w Chile wón wuzběhny, zo dyrbi so de­bata serioznje wjesć. Dale wón měni, zo njeměli so kraje nastupajo pomoc za Ukrainu mjez sobu wubědźować. Šefina SPD Saskia Esken njeje dodawanje ­wuraznje wuzamknyła. „Rozsudnje dźe wo to, zo so Němska a NATO na wójnje njewobdźělitej.“

Solidarny popłatk wostanje

Veröffentlicht in Kraj a swět
Najebać teroristiske nadpady su w Israelu znowa dźesaćitysacy ludźi štwórtu sobotu pospochi w Tel Avivje a druhich ­městach přećiwo nowemu knježerstwu protestowali. K wopominanju woporow nadpadow demonstranća swěčki zaswěćichu. Protest měrješe so zaso přećiwo planam knježerstwa wokoło ministerskeho prezidenta Benjamina Netanjahuwa, kotrež chce ­justicny system w kraju změnić a tak wosłabić. Foto: pa/AP/Tsafrir Abayov

Veröffentlicht in Kraj a swět
Montag, 30 Januar 2023 13:00

To a tamne (30.01.23)

Hladajo na pokradnjene juwele ze Zeleneho wjelba w Drježdźanach chce Sakska zarunanje škody we wobjimje nimale 89 milionow eurow. Zastupjerka Krajneho zarjada za dawki a financy mjenowaše minjeny pjatk na procesu w Drježdźanskim krajnym sudnistwje dokładnu sumu 88 863 750 eurow. Debjenki su zdźěla wobškodźene a maja so reparować a někotre z juwelow samo pobrachuja. Tež wobškodźene witriny a škody na twa­rjenju muzeja su w mjenowanej sumje sobu zakótwjene. Nastupajo zarunanje złožuje so Krajny zarjad na hódnoty, ­kotrež su w zawěsćenju podate. Jelizo to sudnistwu njedosaha móhł so wěcy­wustojny z tematiku zaběrać. Tak namjetuje zarjad fachowca ze znateho awkciskeho domu Christies.

Veröffentlicht in To a tamne

Serbska debata

Neuheiten LND