Stare a nowe skićeli

Montag, 22. Juni 2015
Artikel bewerten
(0 Stimmen)
Dobra nalada knježeše kónc tydźenja na jewišću w Choćebuskim Puškinowym parku. Tam su we wobłuku měšćanskeho swjedźenja mjeztym wosmy Serbski swjedźeń wotměli. Tradicionalnu polku Hanamarju wězo tež rejwachu.  Foto: Michael Helbig Dobra nalada knježeše kónc tydźenja na jewišću w Choćebuskim Puškinowym parku. Tam su we wobłuku měšćanskeho swjedźenja mjeztym wosmy Serbski swjedźeń wotměli. Tradicionalnu polku Hanamarju wězo tež rejwachu. Foto: Michael Helbig

Wo Serbskim swjedźenju w Choćebuzu

Choćebuz (MH/SN). We wobłuku Choćebuskeho měšćanskeho swjedźenja kónc tydźenja wotměchu tež lětsa na jewišću w Puškinowym parku, mjeztym 8. serbski swjedźeń. Program, kotryž je wyši měšćanosta Holger Kelch (CDU) wosobinsce wotewrěł, sahaše wot ludoweje serbskeje hač k młodej rockowej a popowej hudźbje ze srjedźneje Łužicy. Při tym běchu tež stare serbske instrumenty słyšeć­.

Anne Holzschuhojc a Christian Matthée­, zastupjerjej sćelaka RBB, běštaj dwurěčnu modera­ciju přewzałoj. Pod hesłom­ „Na mosće“ zaklinčachu mjez druhim serbske spěwy z Matthiasom Kießlingom und Peterom Vogtom. Ze sepju pisanych spěwow za­hajichu zjednoćene delnjoserbske chóry pod nawodom Geralda Schöna program. Słyšeć a widźeć pak běchu tež folkowe a rockowe štučki ze skupinu Die Folk­samen, tradicionalne ludowe reje w delnjoserbskej drasće skupiny Stara lubosć kaž tež delnjoserbski dźěćacy ansambl w swojej najmłódšej zestawje. Kapała nAund prezentowaše serbsku popowu hudźbu. Grodkowscy holanscy hercy překwapichu nimo toho ze zwukami na dudach­.

Veröffentlicht in Kultura
Bitte anmelden, um einen Kommentar zu posten

Serbska debata

Neuheiten LND