Chróšćenjo we wokrjesnym derbyju wuspěšni

Montag, 07. Oktober 2019 geschrieben von:
W krajnej klasy je wčera popołdnju něhdźe 150 ludźi w Chrósćicach wokrjesny koparski derby mjez prěnimaj koparskimaj cyłko­maj z Chrósćic a Rakec widźało. Po prěnim połčasu steješe 0:0, spočatk druheho pak Simon Žur hnydom k 1:0 (46.) za domjacych trjechi. 2:0 (71.) běchu samowrota Andreja Zschuppy a 2:1 (75.) krasne wrota ze zdalenosće 20 metrow Tomaša Bejmy. W tabulce krajneje klasy wostanu Rakečenjo přiwšěm na třećim a Chróšćenjo na předposlednim městnje. Foto: Jan Hrjehor

Irmscher a Stange w rozmołwje

Montag, 07. Oktober 2019 geschrieben von:

Harald Irmscher, něhdyši kopar na­rod­neho mustwa NDR, budźe dźensa wječor zhromadnje z trenarjom Berndom Stangu hósć na forumje sportoweho towar­stwa Budissy Budyšin w hotelu AKZENT w Budyšinje. Z woběmaj je so sportowy reporter Hanspeter Benad rozmołwjał.

Znajeće Budyšin a wokolinu?

H. Irmscher: Bohužel přemało, sym tu raz w NDRskim času był.

B. Stange: Budyšin je moja domizna, sym tu wotrostł, tu mam swoje korjenje. Wjeselu so na nawrót.

Knježe Irmschero, Wy sće 41 króć za narodne koparske mustwo NDR zasadźeny był. Kotra hra bě wosebita?

H. Irmscher: Wšitke wuspěšne boje běchu něšto wosebite. Duel ZRN – NDR na swětowych mišterstwach 1974 pak sym sej najbóle do pomjatka zašćěpił.

Wěstaj da Bernd Stange a Harald Irmscher poprawom něšto wo Serbskimaj koparskimaj wubrankomaj?

B. Stange: Ně, njejsym ničo wo nimaj słyšał a čitał. Přećiwo komu da wonej hra­jetej? A spěwatej do hry serbsku hymnu?

H. Irmscher: Haj, sym hižo něšto wo nimaj słyšał.

Harald Irmscher je Bernda Stangu we wjele krajach jako kotrenar přewodźał. Wobsteji tale dwójka hišće?

Awtorka dźensa Halena Jancyna

Dny póčnu krótše a zymniše być, wonka sportować so tomu abo tamnemu hižo tak prawje njecha. Nazymski čas pak je zdobom zazběh sezony za wolejbulistki. Prěni hrajny dźeń za mustwo Drježdźanskeho SC trenarja Alexandera Waibla skónči so sobotu z rezultatom 1:3 přećiwo SC Podstupimej.

Sport (04.10.19)

Freitag, 04. Oktober 2019 geschrieben von:

Žitawčanki pola Viktorije

Po tym zo njejsu wolejbulistki prěnjeho mustwa Viktorije Worklecy tydźenja pobrachowaceje hrajerki do sezony startować móhli, změja wone swojej zazběhowej partiji jutře wot 14 hodź. w domjacej hali. Tam hraja Worklečanki přećiwo třećemu a druhemu mustwu VV Žitawy. Mužojo Viktorije nastupja w samsnym času pola TSV Niederoderwitza.

Hašerjo so wubědźuja

Wosmy raz přewjedu hašerjo z delnich Sulšec njedźelu tak mjenowany kirbsowy pokal. To je hašenske wubědźowanje, zwjazane z waženjom kirbsow. Přeprošene cyłki njech su w 13.30 hodź. w Sulšecach, wurisanje započnje so w 14 hodź. Mustwa nastupja na dwěmaj čaromaj přećiwo sebi, a to w k.o.-systemje. Wšo dalše zhonja mustwowi nawodźa na městnje. Po wubědźowanju dyrbi kóžde zastupnistwo swójski kirbs wažić dać.

Kónctydźenska kopańca

05.10. 15:00 Traktor Malešecy –

  ST Radwor

05.10. 15:30 ST Horni kraj-Sprjewja –

  Módro-běli Kulow

06.10. 11:00 HZ Rakecy II/Šćeńca –

  SJ Njebjelčicy

06.10. 12:30 SJ Chrósćicy II –

  ST 1896 Wulka Dubrawa

06.10. 15:00 FSV Nowosólc-Hródk –

  Budissa Budyšin

06.10. 15:00 SJ Chrósćicy –

  Rakečanske ST

06.10. 15:00 SG Großnaundorf –

  Sokoł Ralbicy/Hórki

Z přikleskom rozžohnowani

Mittwoch, 02. Oktober 2019 geschrieben von:

Tabulka wokrjesneje ligi, stafle 2

1. ST Hlinowc 7 26 : 11 16

2. HZ Lubuš/Bluń 7 20 : 7 16

3. HZ Łaz/Běły Chołmc 6 18 : 6 15

4. FSV Łuty 6 24 : 18 13

5. ST Radwor 7 13 : 7 13

6. Traktor Malešecy 7 20 : 14 11

7. HZ Wojerowski FC II 6 15 : 11 10

8. SJ Chrósćicy II 7 16 : 19 10

9. ST Wulka Dubrawa 7 14 : 14 9

10. HZ Hórnikečanski jězor 5 16 : 11 8

11. SJ Njebjelčicy 7 14 : 14 7

12. ST Wóslink/Skaskow 7 14 : 16 7

13. SV Haselbachtal 6 12 : 19 5

14. Módro-běli Minakał 7 16 : 22 4

15. ST Nadrózna Hrabowka 7 6 : 24 3

16. HZ Rakecy II/Šćeńca 7 7 : 38 1


HZ Lubuš/Bluń

– SJ Chrósćicy II 4:1 (0:1)

Zestawa hosći: Klimant – Brězan, Wowčer, Dórnik, Mohaupt, Jakubaš, Cyž, Šołta, Donat

Pod komplikowanymi wuměnjenjemi poda so minjenu sobotu druhe koparske mustwo Chróšćanskeje SJ na hru do Lubuša. Dokelž nastupi runočasnje prěnje mustwo SJC w Rěčicach a dokelž prěkowachu tón dźeń druhe terminy koparskej hrě, njebě hosćom móžno jědnaće hrajerjow nastupić dać. Tak hotowachu so jeno dźewjećo do boja přećiwo hosćićelej, kotryž so nadźiješe z dobyćom tabulku zaso nawjedować móc.

Remis w poslednjej mjeńšinje

Mittwoch, 02. Oktober 2019 geschrieben von:

SJ Njebjelčicy

– ST Hlinowc 1:1 (0:1)

Zestawa domjacych: Hahn – Kral, Hanuza, Gödig, Pawlik, Čornak (53. Hrjehor, 69. Wagner), Domš (62. Lejnart), Plaettner, Hölzel, Haška, Korjeńk

Do stadiona při Jaworskej rěčce dojědźechu sej minjeny kónc tydźenja ko­parjo ST Hlinowca na derby susodow. Woni stejachu do partije na čole tabulki, Njebjelčenjo na 10. městnje. Z plakatami wokoło hrajneho areala běchu susodźa w nocy na njedźelu hižo horcy bój při­powědźili.

Wuspěšna domjaca partija

Dienstag, 01. Oktober 2019 geschrieben von:
Ze Sulšečanom Frankom Popjelu (naprawo, Kulow) mějachu hosćo z Wachauwa sobo­tu tójšto starosćow. Přeco zaso zaběraše wón přećiwniskich hrajerjow a staraše so tak wo wjele njeměra. Partija skónči so 4:3 za Kulowčanow. Foto: Werner Müller

Hišće ženje tajke napjate finale

Dienstag, 01. Oktober 2019 geschrieben von:

5. běh wo němske dumperowe mišterstwa w Hórkach přewjedli

Snano sej Pawl Domš dźensa, dwaj dnjej po wulkim finalu, praji, zo by šerpatka rizi­ka mjenje njedźelu w Hórkach wu­bědźowanskej taktice lěpje tyła. Zejičan měješe na pjatym běhu němskich dumperowych mišterstwow, kotryž bě zdobom finalny, mjenujcy nanajlěpše šansy, serijoweho dobyćerja Filipa Krala z Róžanta z dumperoweho tróna storčić.

Po sobotnym kwalifikaciskim běhu, kotryž hižo hódnoćachu, ležeštaj kontrahentaj jeničce sydom­ stoćinow rózno. Woběmaj bě so dźeń do finalneho běha pod swětłomjetakami perfektne koło pora­dźiło. Domš bě za nje 58,08 sekundow trjebał, Kral 58,01 sek. Wobručow na čarje njeběštaj so wobaj dótknyłoj. Tuž bě jasne, zo budźe zakónčaca jězba lětušich mišterstwow chětro napjata w stawiznach dumpersporta, wšako Róžeńčan cyłkowny klasement po štyrjoch běhach z jenož dwěmaj dypkomaj na­wjedowaše.

Jenož dypk sej sobu domoj wzali

Dienstag, 01. Oktober 2019 geschrieben von:

FC Wocl Rěčicy

– SJ Chrósćicy 2:2 (1:1)

Zestawa hosći: Králíček – Cyž, Mark, Sentivan, L. Zahrodnik, G. Zahrodnik, Henzl, Špitank (60. Žur), F. Zahrodnik, Zynda (75. Matješk), M. Zahrodnik

Koparjo Chróšćanskeje SJ nastupichu w Rěčicach chětro optimistiscy, wšako bě postupnik FC Wocl Rěčicy doma hišće bjez dypka. Chowancy trenarja Detlefa Panica chcychu sej skónčnje prěnje tři dypki w sezonje zawěsćić.

Kapitan Stani Šewc zastatk wurunał

Dienstag, 01. Oktober 2019 geschrieben von:

Sokoł Ralbicy/Hórki

– ST Horni kraj/Sprjewja 2:2 (1:2)

Zestawa domjacych: Schöne – M. Matka (86. Materna), Gloxyn, Šewc, Wałda, Korjeńk (45. G. Kurjat), Bjeńš, Rawš, Domaška, Šiman (79. K. Matka), Schultz

Na Sokołow čakaše minjenu njedźelu načolna hra. Druhi wokrjesneje wyšeje ligi­ hraješe přećiwo štwórtemu. Hosćo z Hornjeho kraja běchu před lětom hišće klasu wyše nastupili a dobrowólnje klasu zestupili. Tak čakaše nazhonity a sylny kontrahent na Ralbičanow. Trenar So­kołow Chrystof Gloxyn žadaše sej połne zasadźenje a koncentraciju, wšako wočakowachu sylnu ofensiwu.

Anzeige