Wotmołwana minjene hry

Montag, 27. Mai 2019 geschrieben von:

Póst Germania Budyšin – Sokoł Ralbicy/Hórki 0:3 (0:1)

Zestawa hosći: Schöne – K. Matka, Schultz, Bjeńš, Budar (65. Rawš), Šołta, Gloxyn, Korjeńk, M. Matka, Bejmak (83. Materna), Kurjat (58. Wowčerk)

Fanojo Sokoła Ralbicy/Hórki njemějachu w zašłych hrach wjele k smjeću, wšako běchu jeho koparjo hórke poražki přećiwo Bukecam, Radworjej a minjeny tydźeń doma přećiwo Hnašecam-Dobruši poćerpjeli. Tuž ličachu mnozy hižo z tym, zo sobotu pola robustneho přećiwnika w Budyšinje dalša hra bjez dypka k tomu přińdźe. Tam pak hrajachu Sokoljo kaž wuměnjeni. Dwuboje w srjedźnym polu woni najčasćišo dobywachu, spěšnje hrajachu bule do haski. Tak tež po dźesać mjeńšinach, jako so Křesćan Bejmak po rjanej přihrawce do šěsnatki předrě. Tam bu foulowany, a woprawnjenu jědnatku Denny Gloxyn k 0:1 wěsće přetwori. Delanscy koparjo běchu w prěnim połčasu jasnje lěpši a wuhrachu sej dalše dobre składnosće. Měrćin Kurjat bu před wrotami derje nahraty, jeho třělwa pak dźěše k zadźiwanju wšitkich pódla wrotow. Tež Michał Matka na wrotarju zwrěšći. Jenička wulka šansa z wida hosćićela dźěše na zbožo jenož na žerdź.

W Holešowskej Dubrawce je Jězdne a jěchanske towarstwo Njeswačidło wot pjatka hač do wčerawšeho swój třeći třikrajowy skakanski­ turněr za dorostowych sportowcow z Pólskeje, Čěskeje a Němskeje přewjedło. Serbska jěcharka Magdalena Šeferec z Kulowa je na přikład w skakanju klasy M z mustwom třeće městno docpěła, Křesćan Zahrodnik z Chrósćic we wubědźowanjomaj klasy L třeće a štwórte. Lokalna matadorka Hannah Lehderec z kobłu Hansine, tu na skakanskim parcoursu, wubědźowaše so pjatk a njedźelu w dwěmaj skakanjomaj klasy L a M. Dohromady bě so 147 jěcharkow a jěcharjow z 278 konjemi za 365 startow­ zapisało. Foto: Jörg Stephan

Doma zasłužbnje dobyli

Montag, 27. Mai 2019 geschrieben von:

SJ Njebjelčicy – ST Lubuš 2:0 (0:0)

Zestawa domjacych: Matješk – Kral, Hanuza,­ Hoelzel (53. Hrjehor), Pawlik, Hommel, Plaettner, Korjeńk (89. Hahn), Šołta, Čornak (68. Lejnart), Domš

W prěnjej połseriji běchu sej chowancy trenarja Handrija Krawčika z wulkej prócu po 1:1 w Lubušu dypk wuwojowali. Nětko w domjacej partiji při najrjeńšim wjedrje bě lóšt na dobyće tak na tři dypki wězo wulki. Tola hosćo nastupichu z defensiwnym nastajenjom, a za Njebjelčanskich nadběhowarjow bě ćežko dwójne škitne pasmo přewinyć. Wótra třělwa Jakuba Šołty dźěše nimo wrotow (6.) a tež William Plaettner w 19. min. přećiwniske wrota misny. Po přihrawce Olivera Domša běše Daniel Kral w dobrej poziciji, ale hóstny wrotar Danilo Reiche znješkódni třělwu z rjanej paradu (22.). Dźesać mjeńšin pozdźišo posłuži Tomy Hommel Plaettnera, ale tež jeho niski kop wrotarja njepřewiny (32.). Za Njebjelčanow bě tuž ličba šansow w prěnim połčasu wobmjezowana. Tež hosćo so lědma strašnje přesadźichu, a Józef Matješk we wrotach domjacych njeměješe přewjele dźěła. Tak skónči so prěni połčas z mjezywuslědkom 0:0.

Tradicionalny běh

Montag, 27. Mai 2019 geschrieben von:

Stajnje srjedu do Božeho spěća wotměwa so po tradiciji běh po Krakečanskich hórkach. A tak budźe tomu tež zajutřišim, 29. meje, mjeztym hižo 32. króć. Wubědźowanje organizuje zaso Módro-běłe sportowe zjednoćenstwo Krakecy.

Přizjewjenja su móžne pod www.baer-service.de.

Awtor dźensa Jan Hrjehor

„Maći Boža Róžeńčanska ...“, bě to fatalna situacija za mnje, jako sudźach duel koparjow-starych knjezow Sokoła Ralbicy/Hórki a Hrajneho zjednoćenstwa Rakecy/Šćeńca. Hižo w 11. min. bě so to stało, štož so ći we winowatostnej hrě jako wukubłanemu refereejej stać njesmě. Sym wobě karće zabył, žołtu kaž tež čerwjenu! Pytnych to hakle w tym wokomiku, jako hraješe kopar Sokoła w škiće wotpohladnje z ruku. Jako prěnje započachu mje hosćo ze wšěch kónc wob­wliwować a žadachu sej čerwjenu kartu, dokelž bě Ralbičanski hrajer po měnjenju Rakečanow posledni muž. To pak tak njewidźach a doběžach sej k asistentej, kiž běše tohorunja z lěhwa Ralbičanow. W tym wokomiku ani hišće njewědźach, zo wobě karće nimam. Dojednachmoj so z asistentom na žołty kartonk, dokelž njebě škitar Sokoła bul jako posledni muž z ruku hrał. Hakle nětko bě mi jasne: „Sym wobě karće zabył!“ Dokelž pak běch připadnje žołty trikot zdrasćeny, pokazach na njón a so tak wuchowach. Do toho běch so wězo pola wšitkich hrajerjow zamołwił a jim swój problem rozkładł.

Sport (24.05.19)

Freitag, 24. Mai 2019 geschrieben von:

Třeći turněr třoch krajow

W Holešowskej Dubrawce wubědźuja so dźensa, jutře a njedźelu dorostowi konjacy sportowcy z Pólskeje, Čěskeje a Němskeje. Mjez nimi su tež wjacori Serbja, tak na přikład Hannah Lehderec, Magdalena Šeferec, Sarah Krječmarjec a Křesćan Zahrodnik. Prěnje wubědźowanja su so hižo zahajili. Poslednje wurisanje dźensa budźe wot 17.20 do 18.40 hodź. skakanje klasy M. Jutře jěchaja a skakaja wot 8 do 18.30 hodź. a njedźelu wot 8.30 do 16.30 hodź. Njedźelny wjeršk budźe w 15.45 hodź. wubědźowanje konjacych zapřahow.

Na XXL-kickerowy turněr

Znowa dobylia juskać móhli

Donnerstag, 23. Mai 2019 geschrieben von:

ST 1922 Radwor – Motor Kumwałd 4:1 (2:0)

Zestawa domjacych: Jendrewski – Petschak (53. Hantschick), Bauer, Wjacławk, Šěrak, Měrćink, Glücklich (58. Paška), Henke, Nuk, Wjeńka, Reineke (86. Hettasch)

Po tym zo běchu Radworscy koparjo w pinčnym duelu Bukecy ze 7:1 porazyli, mějachu zašły kónc tydźenja Motor Kumwałd pohosćić. Wšelakich zranjenjow a druhich přičin dla maja tuchwilu tež w Kumwałdźe – kaž druhdźe – problemy z hrajerjemi. Tak nastupichu hosćo jeno z dźesaćomi. Hinak hač hewak poradźi so domjacym dobry start do hry. Kumwałdźenjo koncentrowachu so mjenujcy wot spočatka na škitanje. To hosćićeljo wužichu, přewzachu režiju a postajachu tempo. W prěnim połčasu měješe Julius Jendrewski we wrotach tuž mało dźěła. W 9. min. trjechi Fabian Šěrak z wótreho kuta łatu. Prěni raz juskać móžachu młodźi koparjo z Radworja w 14. min., a to po dobrej přihrawce Johannesa Wjacławka. Stephan Reineke skoči najwyše a zhłójčkowa bul k nawjedowanju do přećiwniskich wrotow. Radwor dominowaše a nadźěła sej dalše móžnosće. W 24. min. přewiny Reineke dweju škitarjow a přetwori ze 16 metrow k 2:0.

Wuslědki (23.05.19)

Donnerstag, 23. Mai 2019 geschrieben von:

Kopańca muži, 3. liga

1. VfL Osnabrück 38 56 : 31 76

2. Karlsruheski SC 38 64 : 38 71

3. SV Wehen Wiesbaden 38 71 : 47 70

4. Halleski FC 38 47 : 34 66

5. FC Würzburger Kickers 38 56 : 45 57

6. F.C. Hansa Rostock 38 47 : 46 55

7. FSV Zwickau 38 49 : 47 52

8. SC Preußen Münster 38 48 : 50 52

9. 1. FC Kaiserslautern 38 49 : 51 51

10. SpVgg Unterhaching 38 53 : 46 48

11. KFC Uerdingen 05 38 47 : 62 48

12. TSV 1860 Mnichow 38 48 : 52 47

13. SV Meppen 38 48 : 53 47

14. FC Carl Zeiss Jena 38 48 : 57 46

15. Sonnenhof Großaspach 38 38 : 39 45

16. Eintracht Braunschweig 38 48 : 54 45

17. FC Energija Choćebuz 38 51 : 58 45

18. Přećeljo sporta Lotte 38 31 : 46 40

19. SC Fortuna Köln 38 38 : 64 39

20. VfR Aalen 38 45 : 62 31

regionalna liga muži

1. Kamjeničanski FC 34 82 : 36 77

2. Berlinski AK 34 64 : 36 70

3. Wacker Nordhausen 34 59 : 38 64

4. Hertha BSC II 34 60 : 43 57

5. Čerwjeno-běli Erfurt 34 57 : 42 54

6. Lok Lipsk 34 51 : 41 50

7. SV Babelsberg 34 53 : 44 46

8. Germania Halberstadt 34 46 : 38 46

9. VfB Auerbach 34 47 : 53 46

10. ZFC Meuselwitz 34 52 : 55 44

11. FC Viktoria Berlin 34 50 : 38 43

12. BFC Dynamo 34 38 : 61 42

13. Union Fürstenwalde 34 43 : 60 40

14. VSG Altglienicke 34 54 : 59 39

15. HŁ Neugersdorf 34 40 : 64 37

16. Biskopičanske KT 34 29 : 58 34

17. Optik Rathenow 34 36 : 65 28

18. Budissa Budyšin 34 21 : 51 26

W druhim połčasuso stopnjowali

Mittwoch, 22. Mai 2019 geschrieben von:

Sokoł Ralbicy/Hórki – HZ Rakecy/Šćeńca 3:1 (0:1)

Zestawa domjacych: Mjetaš-Wowčer – Brězan, Schultz, Jakubaš, M. Žur, Čornak (41. Zynda), Šołta, Lulak, Šwejda, S. Žur (41. Krawc), Hrjehor

Na sedmym hrajnym dnju witachu stari knježa-koparjo Sokoła Ralbicy/Hórki susodow z Rakec, kotřiž stejachu w tabulce do hry před domjacymi. Přećiwo sylnemu cyłkej dyrbjachu so woni tuž mócnje stopnjować, wšako běchu tydźeń do toho pola nowačka Hermsdorfa prěnju poražku poćerpjeli.

Pytaja hrajerjow za młodźinu

Mittwoch, 22. Mai 2019 geschrieben von:
Sportowe towarstwo FSV Budissa Budyšin pyta za nowu hrajnu dobu koparjow lětnikow 2001/2002/2003 a 2004, a to za młodźinu A a młodźinu B. Trening za młodźinu A je wutoru, štwórtk a pjatk wot 17.30 do 19 hodź. w Humbold­towym haju a za młodźinu B póndźelu, wutoru a štwórtk wot 17.30 do 19 hodź., tohorunja tam. Štóž ma zajim, njech­ so pola­ Martina Kolana pod sportleiter@­budissa-bautzen.de abo pod tel. čo. 0 35 91 / 27 22 88 11 přizjewi.

Anzeige