Sport (12.07.19)
Třeći běh dumperow
W Baćonju přewjedu dumperowcy jutře, 13. julija, swój třeći běh motorsportoweje sezony 2019. Start pola Donatec budźe w 14 hodź., kwalifikaciske běhi su tam hižo wot 11 do 12 hodź. Amtěrowacy němski dumperowy mišter Filip Kral z Róžanta cyłkowny klassement před Pawlom Domšom a Křesćanom Grutku nawjeduje. Dalšej terminaj za štwórty a pjaty běh stej 31. awgusta w Drjowku a 29. septembra w Hórkach.
Marathonowe płuwanje
W přistawje Klětno při Bjerwałdskim jězoru budźe jutře, sobotu, 11. marathonowe płuwanje. Wot 10 hodź. wubědźuja so tam dźěći a dorosćeni na wjacorych distancach w płuwanju a w płuwanju z pjericami. Dalše informacije pod www.baer-service.de.
Přeprošeja na soccer-cup
Wjesny klub Sernjany přeproša wšitkich wólnočasnych kaž tež dalšich koparjow na tak mjenowany soccer-cup. Sobotu, 3. awgusta, hraja tam třo přećiwo třom, a to stajnje wosom mjeńšin. Započatk budźe w 13.30 hodź., maksimalnje dźesać mustwow smě so wobdźělić. Přizjewjenja su móžne pod telefonowym čisłom 01 62 / 7 62 40 29 abo e-mailnje pod .
Captainscup w bičwolejbulu
Samo z Lipska do campa přijěł
Pokalne koło koparjow hižo wulosowali
Koparjo a koparki, kiž budu we wokrjesnych ligach a klasach tež w nowej hrajnej dobje wo dypki hrać, su přeco hišće w zasłuženej lěćnej přestawce. Zamołwići Zapadołužiskeho koparskeho zwjazka pak su hižo prěnje hłowne pokalne koło muži wulosowali.
1. hłowne pokalne koło 2019/2020
Arnsdorfske KT II – ST Marijina hwězda
ST Bart II – SZ Wjelećin
Módro-běli Kulow II – SV Haselbachtal
HZ Bretnig/Ramnow − HZ Łaz/Běły Chołmc
SC Mały Wosyk – ST Radwor
HZ Mały Wosyk/Pančicy – ST Horni kraj Sprjewja II
SZ Drjewnica – SG Großnaundorf
SV Steinigtwolmsdorf – Arnsdorfske KT
SZ Wjelećin II − KT Ottendorf-Okrilla
Łaz/Běły Chołmc II – Biskopičanske KT II
HZ Germania Biskopicy/BFV 08 III – Zeleno-běli Bukecy
Natwar Němske Pazlicy II − LSV Hory
ST Módro-běli Njeswačidło − SC Großröhrsdorf II
Budissa Budyšink – HZ Lubuš/Bluń
ST Mały Wjelkow – ST Kubšicy
HZ Bukecy/Bart − FSV Bretnig-Hauswalde
ST Kinspork/Łužnica II – SJ Njebjelčicy
SV Liegau-Augustusbad – ST Budyšin
TSV Połčnica II – ST Wulka Dubrawa
Zeleno-běli Sepicy – Traktor Malešecy
TSV Wachau II – ST Nadrózna Hrabowka
HZ Rakecy/Šćeńca − TSV Wjazońca
Z čestnej jehłu w złoće počesćeny
Přihotowanski program Łužiskich liškow
Łužiske lodohokejowe liški startuja srjedź awgusta do wobšěrneho přihotowanskeho programa za nowu sezonu. Jenož dwě testowej hrě pak budźetej doma w Běłej Wodźe. Swoju třeću přihotowansku partiju změja Liški 16. awgusta pola mustwa Rytíří Kladno. To je klub legendy NHL Jaromíra Jágra. Jeho cyłk je lětsa do najwyšeje lodohokejoweje ligi Čěskeje postupił.
11.08. 16.00 Łužiske liški –
Mjedwjedźe Berlin
15.08. 18.00 Benátky nad Jizerou –
Łužiske liški
16.08. 15.00 Rytíří Kladno –
Łužiske liški
21.08. 17.30 HC České Budějovice –
Łužiske liški
24.08. 17.00 Crocodiles Hamburg –
Łužiske liški
25.08. 16.00 Łužiske liški –
HC České Budějovice
29.08. 18.00 HC Litoměřice –
Łužiske liški
30.08. 17.00 Ústí nad Labem –
Łužiske liški
06.09. 20.00 Hannover Indians –
Łužiske liški
08.09. 17.00 Icefighters Lipsk –
Łužiske liški
FSGnicy z bronzu a ze slěbrom
Mikswolejbulisća Budyskeje FSG su 29. mišterstwo na hobbyjowej runinje z bronzu a pokalne wurisanje ze slěbrom mjez 6 startowacymi cyłkami skónčili.
Mjeztym 29. sezona w mikswolejbulu zahaji so kónc oktobra 2018 w Budyskim wokrjesu. Budyska FSG je 25 lět pódla a wostanje z jědnaće wokrjesnymi titulemi dale najwuspěšniše měšane mustwo.
Dypkowe hry 2018/2019 zahajichu FSGnicy z poražkomaj, dokelž njemějachu dosć žonow k dispoziciji (stajnje tři dyrbja na hrajnišću stać). Nimo partije přećiwo amtěrowacemu a nowemu wokrjesnemu mištrej ST Wjazońca hrajerki a hrajerjo wokoło kapitana Petera Blümela wšitke tamne dobychu. Znowa pak běštej sej swětło a sćin w jednotliwych rozestajenjach jara bliskej. Wosebje w přijimanju nadaćow a w pólnym škiće mějachu mikswolejbulisća swoje ćeže. Kak dołho budu strašne nadaća a wjelelětna rutina najstaršemu wšěch měšanych mustwow Budyskeho wokrjesa hišće pomhać, pokaza potom jubilejna 30. sezona wot lětušeje nazymy.
We Łutach za bulom honili
Serbska bičwolejbulowa liga 2019
Aktualna tabulka 2019
hry/sadźby/dypki
1. Hančik/Jurack/Krawc 4 8 : 2 8
2. Mieth/Spiesec/Lipič 4 7 : 3 6
3. Wahlicht/Smoła/
Pakoßnik/Bětnar 2 4 : 0 4
4. Škit Budyšin 3 4 : 4 2
5. Hanuza/Langa 4 2 : 7 2
6. Cyž/Zelnak 5 1 : 10 0
7. Smoła/Šołta 0 0 : 0 0
7. Gedik/Bjeńš/Rawšec 0 0 : 0 0
dotalne hry
Škit Budyšin – Hančik/Jurack/Krawc 1:2 (22:20; 12:21; 6:15)
Škit Budyšin – Cyž/Zelnak 2:0 (21:15; 21:18)
Škit Budyšin – Mieth/Spiesec/Lipič 1:2 (21:18; 12:21; 14:16)
Hanuza/Langa – Hančik/Jurack/Krawc 0:2 (16:21; 17:21)
Hanuza/Langa – Cyž/Zelnak 2:1 (21:12; 20:22; 18:16)
Hanuza/Langa – Mieth/Spiesec/Lipič 0:2 (20:22; 11:21)
Hanuza/Langa – Wahlicht/Smoła/Pakoßnik/Bětnar 0:2 (19:21; 17:21)
Hančik/Jurack/Krawc – Cyž/Zelnak 2:0 (21:18; 21:10)
Hančik/Jurack/Krawc – Mieth/Spiesec/Lipič 2:1 (20:22; 21:18; 15:11)
Cyž/Zelnak – Mieth/Spiesec/Lipič 0:2 (12:21; 16:21)
Cyž/Zelnak – Wahlicht/Smoła/Pakoßnik/Bětnar 0:2 (14:21; 20:22)
Jurij Bjeńš
30. Kulow-cup wospjet wuspěšny
Pućowanski pokal měnja wobsedźerja. Němsko-serbska frakcija (DSF) přesadźi so w Kulowje w třělenju jědnatkow přećiwo lońšemu dobyćerjej Kulowminatijam.
K zazběhej lětušeho 30. Kulow-cupa swjećachu pjatk wječor při Kulowskim měšćanskim haće party „Fiesta Mexikaner“. Sobotu přewjedźe wosom wjesnych a měšćanskich cyłkow 30. lětni Kulow-cup: Běchu to cyłki Dołha garda, Wjesni hłupacy, Söffnerojo, Gutkickerz, DSF, nowačk Kulow Section kaž tež hosćićelej Kulowminatije a WD-40. Dwě stajnej zastupnistwje pak pobrachowaštej. Mustwo COK (Company of Kulow) bě hižo na lětnim dowolu, Zelena garda pobrachowaše kwasa dla.
Po dołhim turněrowym popołdnju běchu dobyćerjo postajeni. W kónčnej hrě wojowachu Kulowminatije a DSF. Dokelž pak skónči so finale 0:0, dyrbjachu kopy z dźewjeć metrow duel rozsudźić. DSF je třělenje z 3:2 dobyła a dyrbi tuž klětu 31. Kulow-cup wuhotować.
