Remis a dobyće k zazběhej noweje sezony

Mittwoch, 28. August 2019 geschrieben von:

LSV Nowe Město

– FSV Budissa Budyšin 2:2 (1:1)

Zestawa hosći: Zoul – Noack, Patka, Fischer, Lehmann (66. Kubitz), Sidlo, Gärtner (58. Hentsch), Gröschke, Henčl (91. Mühlmann), Rülicke, Hagemann

Z njerozsudnym 2:2 je so Budissa z Noweho Města do Budyšina wróćiła a prěni wonkowny dypk sobu přiwjezła.

Wobaj cyłkaj započeštej partiju před 315 přihladowarjemi wulce koncentrowanej a staještej přećiwnika při hrajnym natwarje pod ćišć. Wosebje Budyscy kopa­rjo so energiskeho wustupowanja domjacych dla dźiwachu. W 12. min. wjedźe­še to k wuspěchej. Michal Gamba steješe po přihrawce do šěsnatki prawje a třěli 1:0. Prěni swójski wuwołak mó­žachu hosćo hakle w 21. min. sadźić. Po wól­nym kopje Toma Hagemanna móžachu škitarjo z Noweho Města hłójčkowany bul Josepha Gröschki w poslednim wokomiku k róžkej wotwobarać. Krótko do połčasa móžachu Budyšenjo wurunać (41.). Z perfektnej přihrawku bu Max Rülicke do směra přećiwniskich wrotow pósłany, wuhra hišće škitarja a suny kulowatu kožu nimo wrotarja do syće.

Wonka dalše dypki žnjeli

Mittwoch, 28. August 2019 geschrieben von:

ST Nadrózna Hrabowka

– ST 1922 Radwor 1:3 (1:2)

Zestawa hosći: Grenzemann – Bauer, Šěrak, Wjeńka, Jendrewski, Robel (61. Paška), Wjacławk, Zähr, Pječak (46. Rachela), Schulze, Hettasch

Přeswědčiwy wukon na domjacym trawniku

Dienstag, 27. August 2019 geschrieben von:

SJ Chrósćicy II

– HZ Rakecy II/Šćeńca 8:1 (5:1)

Zestawa domjacych: Klimant – M. Donat (81.), Kl. Mark, Wowčer, Ki. Mark, Zynda (46. Handrik), Šiman, Matješk, Mohaupt, J. Donat (55. Cyž), Jakubaš

Domjacy słabje wustupowali

Dienstag, 27. August 2019 geschrieben von:

Sokoł Ralbicy/Hórki

– Módro-běli Kulow 1:2 (0:0)

Zestawa domjacych: Schöne – M. Matka, K. Matka, Gloxyn, Šewc, Wałda, G. Kurjat (46. Korjeńk), Bjeńš, Rawš, M. Kurjat (46. Domaška), Šiman (72. Janca)

Zestawa hosći: Horn – Sauer, Hantschke (60. Zablocki), Korch, Koplanski (77. Piatza), Bulang, Wehlan (67. Graf), Kockert, Kubaink, Bergmann, Maywald

Bičtura Satkule zakónčena

Dienstag, 27. August 2019 geschrieben von:

Wčera wotmě so finale wosomtydźenskeje bičwolejbuloweje tury Radija Satku­la. W Miłočanskej Bobkec jěchanskej hali wubědźowaše so dohromady 20 mustwow na dwěmaj hrajnišćomaj.

Lětsa běše tomu prěni raz, zo bě přizjewjenska lisćina hižo po dwěmaj dnjomaj połna. Hižo do toho běše młodźinska redakcija wulkeho mnóstwa přizjewjenjow k wuhotowanju stacije dla připosłucharjow wothłosować dała, dokal sej dojěć. Tak přesadźichu so Worklecy přećiwo Róžantej, Hórki přećiwo Jaseńcy a Pančicy přećiwo Wotrowej. Tydźeń do prózdnin zahaji so bičtura Satkule w Radworju. W prózdninach poby słuchomobil w Njebjelčicach, Hórkach, Pančicach, Kulowje, we Worklecach a Konjecach. A prěnju póndźelu noweho šulskeho lěta přeprosy Škit Budyšin do sprjewineje kupjele. Njewšědnostku lětsa tež mějachu: W Kulowje dyrbjachu turněr po prěnjej wu­syłanskej hodźinje njewjedra dla přetorhnyć. To so dotal hišće stało njebě.

Zasłužene prěnje dobyće

Dienstag, 27. August 2019 geschrieben von:

ST Marijina hwězda

– SZ Motor Kumwałd 3:0 (0:0)

Zestawa domjacych: Hejduška – R. Cyž, Zelnak, Rab, R. Hawš, Šołta, Bělk (46. Pjetaš), O. Hawš, Ch. Cyž (74. Lipič), Eldor, Pakoßnick (36. Winkler)

Na třećim hrajnym dnju wokrjesneje wyšeje ligi wočakowaše koparske mustwo ST Marijineje hwězdy hosća z Kumwałda. Wot wšeho spočatka bě spóznać, zo chcychu chowancy trenarja Erwina Kleinmanna druhu domjacu hru sezony dobyć, a to so jim tež z přeswědčiwym wukonom zešlachći.

W prěnich mjeńšinach so wobaj cyłkaj najprjedy raz wobčuchaštej a suwaštej sej bul w swójskich rjadach tam a sem. Tak traješe hač do 14. min., zo mějachu domjacy prěnju wulku šansu. Po flance Richarda Hawša třěli Christoph Cyž bul z pjeć metrow na klětku, Kumwałdski škit pak jón na wrotowej liniji wotwobara. Jako so Oskar Hawš w 32. min. jara derje w srjedźnym polu přesadźi a ze zdalenosće 21 metrow na wrota třěli, prasny kulowata koža jenož do žerdźe. Swoju prěnju móžnosć mějachu hosćo šěsć mjeńšin do přestawki. Wotzamknjenje pak běše přesłabe, tak zo wrotar Fabian Hejduška z třělwu žane ćeže njeměješe.

Wuslědki (27.08.19)

Dienstag, 27. August 2019 geschrieben von:

Kopańca, wokrjesna wyša liga

1. Módro-běli Kulow 3 7 :4  7

2. Sokoł Ralbicy/Hórki 3 9 :3  6

3. Drohotka Ramnow 3 8 :5  6

4. Natwar Němske Pazlicy 3 7 :4  6

5. Póst Germania Budyšin 3 10 :8  6

6. ST Horni kraj-Sprjewja 3 8 :6  6

7. LSV Hory 3 8 :8  6

8. TSV Połčnica 3 10 :12  6

9. ST Marijina hwězda 3 6 :7  4

10. TSV Wachau 2 8 :4  3

11. Wojerowski FC 3 9 :10  3

12. SG Großnaundorf 3 6 :7  3

12. ST Hnašecy-Dobruša 2 6 :7  3

14. ST Kinspork/Łužnica 3 2 :5  1

15. Motor Kumwałd 3 3 :8  1

16. ST Porchow 3 1 :10  0

Tabulka krajneje klasy

1. TSV Rotacija Drježdźany 2 7 :2  6

2. SZ Drježdźany-Strěžin 2 6 :1  6

3. Drježdźanski SC 1898 2 3 :1  4

4. ST Trjebin 2 3 :2  4

5. VfB Běła Woda 1909 2 4 :3  3

6. Drježdźany-Laubegast 2 5 :5  3

7. SG Weixdorf 2 4 :5  3

8. ST Ćisk 2 3 :3  2

9. FSV Oderwitz 02 1 2 :2  1

10. SC Großröhrsdorf 2 2 :3  1

11. SJ Chrósćicy 2 1 :3  1

12. Rakečanske ST 2 2 :5  1

13. FC Wocl Rěčicy 2 1 :4  0

14. SC Borea Drježdźany 1 1 :5  0


SJ Chrósćicy

– SC 1911 Großröhrsdorf 1:1 (0:0)

Zestawa domjacych: Králíček – F. Cyž (84. Matješk), B. Cyž, Sentivan, Püschel, M. Zahrodnik, Runt, Špitank (56. Žur), G. Zahrodnik (77. Zynda), Henzl, Bogusz

Toni Ryćer ze Šunowa (druhi wotlěwa), zamołwity za wukubłanje čarowych stražnikow motorsportoweho zwjazka DMSB, smědźe­še sej sobotu a njedźelu wjacorych sportowych dopisowarjow Serbskich Nowin na Łužiske koło přeprosyć. Tam je jim wubědźowanski direktor DTM Sven Stoppe (nalěwo) mjez druhim rozkładł, kak jězdźerjow a teamy chłostaja, hdyž wopak startuja. Foto: Jan Hrjehor

Awtor dźensa

André Strelow

Na sportnišćach mustwa zaso za bulom honja, a kaž kóžde lěto je so zaso­ raz něšto na koparskich prawidłach změ­ni­ło. To wězo tež za nas sudnikow płaći. Wšako dyrbimy nowosće konsekwentnje nałožować a je trenarjam, hrajerjam a zamołwitym rozjasnić. Ně­ko­tre nowe prawidła su za mnje zmy­sła­połne. Dalše zdźěla z prašakom zwjazuju. Chcu tu někotre tróšku bliže předstajić.

1. Na spočatku hry je při wólbje stronow a zakopa nětko móžno sebi wuzwolić, hač chce mustwo zakop abo wotlěwa doprawa abo wotprawa dolěwa hrać.

2. Při wuměnje ma wotchadźacy hrajer nětko najkrótši puć z kopanišća wužiwać. Z tutej kročelu ma so zdobom brojenju časa­ zadźěwać. Dobry to rozsud, hladajo na kónčnu fazu hry.

3. Dalše nowe prawidło je, zo njesmědźa so přećiwniscy koparjo do škitneje murje stupić, jeli tajka z wjac hač třoch hrajerjow wobsteji. Tołkanja a storkanja su tak jenož hišće sportowe stawizny.

Anzeige