Specielny wokabular
Čitamy a słyšimy hižo lěta, zo su w Serbach, tež w katolskich kónčinach, nowe rěčne rumy trěbne. Jako tajki je so koparski camp Serbskeho šulskeho towarstwa, kiž je towarstwo tónle tydźeń z podpěru projekta ZARI a projektneje towaršnosće LUCIJE přewjedł, wopokazał. Zamołwići, sobudźěłaćerka serbskeho kubłanskeho srjedźišća LIPA, sportowi trenarjo a wučerjo su młodym hrajerjam serbske wurazy za wšitko to, štož ze kopańcu zwisuje, posrědkowali. A to njeje runjewon mało, hdyž myslimy na zapřijeća hrajnych prawidłow, kopańcy samo na sebi, ćěła kaž tež specielny wokabular, kotryž koparjo na hrajnišću wužiwaja.
Hač sobudźěłaćerjo ZARI swoje dopóznaća z naprašnikow zjawnje spřistupnja a je serbskim sportowym towarstwam posrědkuja? Snadź pak nastanje postupnje nowy digitalny rěčny rum serbskeho sporta – lochkoatletiki, kolesowanja a tak dale, snano tež šacha, dwójneje hłójčki (tež to je sport) a dalšich? Milenka Rječcyna
Sport (05.04.24)
Serbski derby w Njebjelčicach
Na serbski derby we wokrjesnej klasy wočakuja Njebjelčenjo njedźelu cyłk hrajneho zjednoćenstwa Ralbicy/Pančicy. Tež prěnje koparske mustwo SJ Chrósćicy pojědźe sobotu na wokrjesny derby, a to w krajnej klasy do města k Póst Germaniji Budyšin.
06.04. 14:00 VfB Kśišow –
Biskopičanske KT
06.04. 15:00 Póst Germ. Budyšin –
SJ Chrósćicy
06.04. 15:00 ST Ćisk –
Módro-běli Kulow
06.04. 15:00 HZ Frankenthal –
ST Marijina hwězda
07.04. 15:00 SG Großnaundorf –
Sokoł Ralbicy/Hórki
07.04. 15:00 ST Radwor –
FV Ottendorf-Okrilla
07.04. 15:00 Bretnig-Hauswalde –
SJ Chrósćicy II
07.04. 15:00 SJ Njebjelčicy –
HZ Ralbicy II/Pančicy II
Start do sezony w Jaworje
Motorsportowy klub MC Jawora změje njedźelu, 14. apryla, zazběh do sezony. Na tutym dnju přewjedźe so tež prěni trening za dorost, a to wot 9 do 10 hodź. Swobodne městna w Jaworje hižo nimaja. Hinak je to za tradicionelne treningowe lěhwo za motocrossowy dorost 1. meje. Tam maja 21 swobodnych městnow.
Motocrossowe mišterstwa
Energija zaso na druhim městnje
FC Energija Choćebuz –
FC Eilenburg 2:1 (1:1)
Zestawa FC Energija Choćebuz: Bethke – Slamar, Hildebrandt, Kusić, Hasse, Pelivan (77. Putze), Hofmann (77. Juckel), Shcherbakovski. Halbauer (67. Heike), Thiele, Krauß
wrota: 0:1 Baumann (13.), 1:1 Hasse (43.), 2:1 Thiele (63.)
Z wobdźiwanja hódnej ofensiwnej fazu startowaše Choćebuske mustwo do hry. Zo buchu Jan Shcherbakovski a Phil Halbauer zasadźeni FCE widźomnje tyješe. A tohodla přinjese njetrjebawši prěčny pas přećiwnikej prěnje wrota. Sćěhowaše krótka letargiska faza, potom běchu zaso domjacy při tłóčaku. Jonas Hofman třěli z distancy na wrota. Třělwu pak Eilenburgski wrotar wulkotnje parěrowaše. Krótko do přestawki Tobias Hasse tola hišće 1:1 trjechi.
Tež po přestawce Energija energisce wrota přećiwnika nadběhowaše, prjedy hač Timmy Thiele zmylk hosći wuži a suwerenje nawjedowanje docpě. Bohužel njepadny hišće 3:1, tak zo dyrbjachu Choćebuženjo hač do přidatneho hrajneho časa kedźbliwy być, zo njeby kónčny staw na hrački stajił.
Georg Zielonkowski
Wopyt sportopolitiskeho rěčnika
Wuslědki (04.04.24)
Kopańca, wokrjesna liga stafla I
1. Arnsdorfske KT 18 62 : 24 43
2. Bretnig-Hauswalde 18 65 : 30 40
3. ST Marijina hwězda 18 54 : 31 33
4. ST Porchow 17 45 : 26 33
5. SZ Steinigtwolmsdorf 18 53 : 43 28
6. TSV Wjazońca 18 41 : 33 27
7. Motor Kumwałd 18 54 : 49 24
8. ST Wjelećin 18 40 : 46 24
9. HZ Huska/Hodźij 18 36 : 32 23
10. SJ Chrósćicy II 17 27 : 40 22
11. TSV Wjernarjecy 18 37 : 48 20
12. HZ Frankenthal 18 23 : 51 17
13. HZ Rakecy/Minakał II 18 26 : 73 16
14. SZ Drjewnica 18 16 : 53 9
Krajna klasa
1. FV Přezjednota Niska 17 61 : 9 43
2. Drježdźanski SC 17 40 : 25 36
3. FSC Wódrjeńca 17 51 : 38 30
4. SZ Drježdźany Strěžin 17 37 : 30 29
5. FSV Nowosólc-Hródk 17 30 : 22 26
6. TSV Rotacija Drježdźany 17 29 : 30 26
7. ST Wesenitzal 17 28 : 30 24
8. Radebergerske ST 17 30 : 36 23
9. SG Weixdorf 17 30 : 28 21
10. Póst German. Budyšin 17 26 : 41 21
11. BSV Sebnitz 17 27 : 27 20
12. Wojerowski FC 17 26 : 33 18
13. SJ Chrósćicy 17 18 : 35 18
14. VfB Běła Woda 17 32 : 47 17
15. Rakečanske ST 17 26 : 50 17
16. Mód.-běli Zschachwitz 17 32 : 42 14
Wokrjesna wyša liga
1. Biskopičanske KT II 22 87 : 15 54
2. ST Horni kraj-Sprjewja 22 77 : 23 53
3. ST Hnašecy-Dobruša 22 86 : 41 45
4. Sokoł Ralbicy/Hórki 22 57 : 35 45
5. SC Großröhrsdorf 23 57 : 37 42
6. SG Großnaundorf 21 41 : 36 40
7. Natwar Němske Pazlicy 22 61 : 51 37
8. Módro-běli Kulow 22 44 : 38 35
9. Drohotka Ramnow 21 52 : 33 32
10. TSV Połčnica 22 33 : 40 32
11. FV Ottendorf-Okrilla 22 36 : 56 20
12. HZ Łaz/Běły Chołmc 22 21 : 63 18
13. TSV Wachau 22 34 : 64 17
14. Hlinowski SK 22 32 : 58 13
15. ST Radwor 22 33 : 76 13
16. ST Ćisk 23 28 : 113 6
Wěsty wustup na twjerdym hrajnišću
Sokoł Ralbicy/Hórki –
TSV Wachau 5:0 (4:0)
Zestawa domjacych: Wróbl – Rawš, Heidorn (83. Hrjehor), Schultz, Woko (71. Mjechela), D. Gloxyn (79. Šiman), Šewc (54. An. Wałda), Korjeńk, Šołta, Rachela, Bejmak
W februarje chcychu Sokoljo poprawom doma přećiwo TSV Wachau k wróćohrě nastupić. Dokelž pak njemějachu hosćo tehdy dosć hrajerjow k dispoziciji, prošachu woni Sokołow, hač njemóhli hru přesunyć. Ralbičenjo tomu přihłosowachu. Tuž partiju zeleny štwórtk wječor 18.30 hodź. nachwatachu. K njezwučenemu terminej je něhdźe sto přihladowarjow přichwatało.
Wuspěšne prěnje koło we wokrjesnym pokalu
Sokoł Ralbicy/Hórki –
Natwar Němske Pazlicy 5:0 (2:0)
Zestawa domjacych: Wróbl – Statnik, B. Bjeńš, Schultz, M. Žur (20. Brězan), Jakubaš (70. Obst), Lulak, Zynda, D. Krawc (65. Brückner), S. Bjeńš, S. Žur (35. R. Krawc; 60. Kutter)
Tydźeń do jutrow bě so za staru gardu Sokoła Ralbicy/Hórki zaso sezona z winowatostnymi hrami započała. Do prěnjeje dypkoweje hry wotmě pak so prěnje koło wokrjesneho pokala. Přećiwnik běše mustwo z Němskich Pazlic. Tydźeń do toho přihotowachu so Ralbičenjo z přećelskej hru přećiwo starym knjezam z Budyšina. Hra skónči so njerozsudnje 1:1.
19. wotběhanje jutrownych jejkow
Energija z rekordnej poražku w nachwatanskej hrě
Chemija Lipsk –
FC Energija Choćebuz 3:0 (2:0)
Zestawa Energije Choćebuz: Bethke – Hasse, Kusić (46. Campulka), Hildebrandt, Bretschneider (59. Milde), Hofmann, Pelivan, Putze (46. Shcherbakovski), Heike, Thiele, Krauß
slěd wrotow: 1:0 Kirstein (1.), 2:0 Jäpel (15.), 3:0 Surek (77.)
Cil jězby do Lipšćanskeho sportoweho parka Alfreda Kunzeho bě wotstawk na načolnika jasnje pomjeńšić. Wot tutoho zaměra pak běchu daloko zdaleni.
W grawoćiwej hrě, w kotrejž njemějachu Choćebuženjo najmjeńšu šansu, kasěrowaše Energija najwyšu poražku swojeje přisłušnosće regionalnej lize. Zawěsće stopnjowachu nawjedowanske wrota Chemije po 56 sekundach wolu na dobyće, ale tež druhe wrota spožčichu Lipšćanam přidatnu wěstotu. Na druhim boku FCE woprawdźe kóždy dwubój přěhra a škitanje rumow ženje njefungowaše.
Po wšěm zdaću falowaše zmužitosć rizikowu přihrawku hrać. W cyłku wupadaše kompletny wustup dospołnje bjezmócny.
Wosom hrow hač do kónca sezony ma so hišće přewjesć, tola zakazuje so po tutej njepřijomnosći kóžda spekulacija wo „městno při słóncu“, kotrež zwisuje z direktnym postupom. Georg Zielonkowski
Widźał, słyšał, napisał (03.04.24)
Awtor dźensa
Elias Bětka
Za mnohich nastanu při zapřijeću sněhakowarske tury a skitury prašaki, dokelž tutón sport w Sakskej tež njedosahaceje topografije dla skerje jako nakromny zjaw wobhladujemy.
Tola w zašłych lětach je so tutón sport k dźeń a woblubowanišej wólnočasnej aktiwiće wuwił, kotraž jenož lubowarjow zymskeho sporta magisce njepřićahuje, ale tež nowačkow. Přez koronapandemiju so sport sylnišo etablěrowaše a tuž bu absolutny trend sport.
Při sněhakowarskich turach njeńdźe wo wotjězdźenje preparowanych pistow, ale skerje wo dožiwjenje přirody zboka wuteptanych pućow a masow turistow. Sněhakowanje zmóžnja sportowcam, sej daloko wot tołka sněhakowarskich kónčin husto njedótknjenu rjanosć horow lubić dać. Wuhotowani ze specielnymi sněhakami, wjazbami a kožuchami za postup, běža a suwaja so sportowcy na wjerški, zo bychu potom zboka masow njedótknjene skłoniny wotjěli.
