Sport (01.12.17)

Freitag, 01. Dezember 2017 geschrieben von:

Volleyballowe mustwa pohonjeć

Prěnje volleyballowe mustwo ST Viktorije Worklecy budźe jutře hosćićel za cyłkaj z Wojerec a Budyšina. Worklečenjo, kiž su dotal wšitke partije přěhrali, su nuznje na pomoc přiwiska pokazani. Prěnja hra započnje so w 14 hodź., dalša wokoło 16 hodź. Marijine hwězdźički nastupja sobotu 14 hodź. pola VFB Wojerecy. Druhe volleyballowe mustwo muži Worklečanskeje Viktorije hraje njedźelu w 10 hodź. we Wojerecach.

Za turněr so přizjewić

Serbski Sokoł, třěšny zwjazk serbskich sportowčow a sportowcow, namołwja zajimowane mustwa, přizjewić so za 36. sokołski volleyballowy turněr wo pokal Domowiny, kotryž budźe klětu 10. měrca w Budyšinje. Wupisanje steji na internetnej stronje Sokoła.

Hotuja so na koparski derby

W Delanach hotuja so koparjo Sokoła Ralbicy/Hórki na dalšu šlagrowu hru. Po po­kalnym duelu zašły kónc tydźenja wočakuja woni zajutřišim prěni raz ST Ra­dwor. Zakop premjerneho serbskeho derbyja zahwizda sudnik Clemens Mey w 13.30 hodź.

Dalše koparske hry:

2.12. 13:30 Budissa Budyšin

  – Altglienicke

2.12. 13:30 Módro-běli Kulow

  – SC Großröhrsdorf

Hustodosć dominowali ale šansy dosć derje njewužili

Donnerstag, 30. November 2017 geschrieben von:

SJ Chrósćicy

– SZ Drježdźany-Strěžin 2:4 (1:2)

Zestawa domjacych: M. Cyž – Pöpel (66. Domaška), B. Cyž, Hrdlitschka, F. Zahrodnik, M. Zahrodnik, Henčl, Runt (55. Žur), Młynk (66. Teichmann), Věchet, Němec

Chróšćanscy koparjo nastupichu minjenu njedźelu přećiwo direktnemu konkurentej z Drježdźan. Duel so hnydom turbulentnje započa. Po tym zo bě so Michał Młynk na prawym boku přesadźił, dósta Radim Věchet bul a zymnokrejnje k 1:0 trjechi, a to hižo w 5. min. Spěšne wrota pak hosći njemylachu. Koparjo z Drježdźan-Strěžina hrajachu koncentrowanje dale. W 11. min. woni z tróšku zbožom wurunachu. Wólny kop zleća do murje a bu za wrotarja Mateja Cyž njedźeržomnje wotfalšowany. W 13. min. slědowaše hnydom přichodny šok za domjacych. Bul bu wot praweje strony wótrje před wrota třěleny. Tu steješe Drježdźanski nadběhowar cyle swobodny a suny kulowatu kožu do wrotow. Tak steješe hižo 1:2. Po tym hra tróšku na tempje pozhubi. Hosćo koncentrowachu so bóle na defensiwu. Tak drje Chróšćenjo dominowachu, njemóžachu pak sej žane bytostne móžnosće wuhrać.

Wuslědki (30.11.17)

Donnerstag, 30. November 2017 geschrieben von:

Krajna koparska klasa

Horni kraj-Sprjewja – Trjebin 5:0 (3:0)

Nowosólc-Hródk – Nowe Město 5:0 (2:0)

Chrósćicy – Drježdźany-Strěžin 2:4 (1:2)

1. FSV Nowosólc-Hródk 13 38  : 18 26

2. FSV Oderwitz  12 31  : 21 23

3. LSV Nowe Město 13 37  : 31 23

4. Laubegast 13 31  : 28 21

5. Čerwj.-běli Mužakow 12 34  : 21 20

6. ST Horni kraj-Sprjewja 12 31  : 18 20

7. SG Weixdorf 13 26  : 25 20

8. SZ Drježdźany-Strěžin 12 31  : 16 17

9. FC Neugersdorf II 12 26  : 18 16

10. SJ Chrósćicy 13 20  : 32 15

11. ST Ćisk 12 16  : 26 14

12. ST Trjebin 12 13  : 37 12

13. SC Borea Drježdźany 12 22  : 45 8

14. Drježdźanski SC 11 22  : 42 7

wokrjesna liga, stafla II

Lubuš – Łaz/Běły Chołmc 2:1 (1:0)

Njebjelčicy – Sepicy3:0 (2:0)

1. ST Lubuš 14 37  : 14 34

2. Natwar Němske Pazlicy 13 48  : 11 31

3. HZ Łaz/Běły Chołmc 14 35  : 19 29

4. SV Haselbachtal 13 42  : 22 25

5. ST Marijina hwězda 13 34  : 16 25

6. SJ Njebjelčicy 14 23  : 24 23

7. Wojerowski FC II 13 25  : 22 20

8. Nowe Město II 13 24  : 30 17

9. Rakečanske ST II 13 20  : 26 17

10. ST Wulka Dubrawa 13 25  : 32 17

11. FSV Łuty 13 20  : 29 17

12. ST Ćisk II 13 20  : 26 13

13. HZ Wulke Ždźary 13 12  : 25 11

14. ST Nadrózna Hrabowka 13 25  : 37 10

Derje hrali a tola podleželi

Mittwoch, 29. November 2017 geschrieben von:

OSC Lubij

– Viktoria Worklecy 3:1

(25:23, 15:25, 25:19, 25:19)

Zestawa hosći: Milan Budar, Ludwig Eckert­, Stefan Gedik, Jurij Lipič, Marcel Rjelka, Daniel Wałda a Stephan Wjeńka; poradźowar: Mato Eckert

Njeby-li to volleyballowa wobwodna liga, ale zwjazkowa koparska liga była, by trenar zastojnstwo złožić dyrbjał. Tři hry – jedyn dypk – nětko su nowe ideje trěbne. Mato Eckert, poradźowar Worklečanskeho prěnjeho volleyballoweho mustwa, by městno hnydom rumował, bychu-li alternatiwy byli. Słaby kader z wosom do dźewjeć hrajerjemi a k tomu hišće z dwěmaj zranjenymaj njehodźi so prosće kompensować.

Tónkróć je Milan Budar zaskočił a na poziciji diagonalneho nadběhowarja wupomhał. Derje, zo njebě dołha treningowa přestawka spóznajomna, wón bě w Lubiju samo jedyn z najlěpšich.

Wuslědki (29.11.17)

Mittwoch, 29. November 2017 geschrieben von:

Wobwodna volleyballowa liga – mužojo

1. ST Kupoj Nowa Łuka   5 15  : 4 15

2. TSV Kundraćicy   7 16 : 10 15

3. OSC Lubij   6 14 : 11 11

4. Módro-běli Wojerecy II   6 12 : 11 9

5. CVJM Zhorjelc   6 13 : 13 9

6. MSV Budyšin 04 II   6 7 : 16 3

7. Viktoria Worklecy   3 3 : 9 1

8.  Traktor Mittelherwigsdorf  3 3 : 9 0

regionalna koparska liga

Nordhausen – Auerbach 3:1 (3:0)

Neugersdorf – Neustrelitz 2:1 (0:0)

Luckenwalde – Meuselwitz 0:2 (0:1)

Fürstenwalde – Halberstadt 1:1 (0:1)

1. Energija Choćebuz 15 39  :  4 41

2. BFC Dynamo 16 38  : 20 30

3. Nordhausen 16 19  :  8 28

4. Fürstenwalde 16 33  :  23 28

5. Lok Lipsk 15 18  : 11 24

6. Meuselwitz 15 23  : 16 23

7. Neugersdorf 16 27  : 27 23

8. Babelsberg  16 19  : 18 22

9. Berlinski AK 15 24  : 26 22

10. FC Viktoria 15 28  : 26 21

11. Hertha BSC II 16 20  : 22 21

12. Halberstadt 16 26  : 30 19

13. Altglienicke 15 12  : 15 18

14. Budissa Budyšin 15 11  : 19 18

15. Auerbach 16 19  : 27 14

16. Chemija Lipsk 17 8  : 28 13

17. Neustrelitz 16 14  : 33 10

Wokrjesny mišter seniorow

Dienstag, 28. November 2017 geschrieben von:

Na wokrjesnych volleyballowych mišterstwach seniorow, staršich hač 50 lět, doby ST Marijina hwězda wšitke partije z 2:0 a tak prěni raz titul wo­krjesneho mištra. Budyska FSG je po słabym starće nětko druha mjez štyrjomi startowacymi cyłkami.

Pjatnaty raz wuhrachu minjenu sobotu w Budyskim wokrjesu volleyballowe mišterstwa seniorow­ nad 50 lětami. Štyri cyłki su přeprošenje wokrjesneho sportoweho zwjazka do hale Serbskeho šulskeho a zetkawanskeho centruma Budyšin sćěhowali. Wulosowanje chcyše, zo trjechi­štej w prěnjej hrě najsylnišej mustwje na so. Senioram ST Marijineje hwězdy poradźi so přećiwo Budyskej FSG optimalny start, nawjedowachu po štyrjoch mjeńšinach 8:2 a pozdźišo jasnje 16:8. Wšitko, štož sej Budyšenjo předewzachu, so nimokuli. Tak padachu nadaća do saka a nadběhej falowaše trěbna móc, dokelž bě přijimanje nadaćow njedokładne. Pančičenjo so nad 25:16 wjeselachu.

Tři wažne dypki sej wudobyli

Dienstag, 28. November 2017 geschrieben von:

Jednota Kamjenc

– Wismut Gera 3:0 (0:0)

Zestawa domjacych: Wochnik – Woko, Langr (84. Am Ende), Ranninger, Sobe (70. Schmidt), Höer, Vrabec, Häfner, Prentki, Schidun, Tänzer (86. Berg)

Prěnje poł hodźiny sobotneje koparskeje hry słušeše hosćom. Koparjo Jednoty móžachu jeno zrědka přećiwnisku šěsnatku docpěć. Mustwo z Gery třěleše husto na wrota wrotarja Jednoty Kamjenc Rona Wochnika, přeco zaso pak bě noha hrajerja domjacych na puću. Hosćićel bě w tej fazy po zdaću nerwozny, wšako běše to tak mjenowana šěsćdypkowa partija přećiwo tabulkowemu susodej. Po třiceći minutach so chowancy trenarja Franka Ričela pomału wuswobodźichu. Hosćo z Gery běchu wjele běhali a při tym tójšto mocow zhubili.

W druhim połčasu bě hra wurunana a Karel Vrabec postara so po róžku wo 1:0 (68.). Wotnětka so Wismutej hižo wjele njeporadźi a Stefan Höer a Alexander Schidun měještaj 2:0 na noze. Höer bě sam na wrotarja běžał a Schidun so dwaj metraj před wrotami z bulom kopolił. 2:0 třěli štwórć hodźiny do kónca Franz Häfner a 3:0 Eric Prentki z pomocu jědnatki (89.). Jörg Stephan

Domjacu partiju jasnje dominowali

Dienstag, 28. November 2017 geschrieben von:

SJ Njebjelčicy

– Zeleno-běli Sepicy 3:0 (2:0)

Zestawa domjacych: Hahn – Hoelzel, Hanuza, Deleńk, Hrjehor, Kral, Čornak (77. Ričel), Lejnart, Haška, Schulze, Korjeńk (72. Domš)

W poslednjej domjacej hrě tohole lěta pokazachu koparjo Njebjelčanskeje SJ přeswědčiwy wukon. Wobaj cyłkaj běštej so na to dojednałoj, přewjesć partiju hižo zawčerawšim, njedźelu, a nic hakle, kaž předwidźane, 10. decembra. Hižo po wosom mjeńšinach móhła hra předrozsudźena być, ale Robert Lejnart smokny wótru třělwu snadnje nimo žerdźe (3.). Tež Stefanej Kralej ze zadnjeho rynka so pjeć mjeńšin pozdźišo 1:0 njeporadźi. Po hratej štwórć hodźinje zaklinka prěni raz w klětce hosći. Kral posłuži Lejnarta, a tón suny bul mudrje přez liniju. W 25. min. zwrěšći Handrij Korjeńk hišće před wrotarjom, sčini pak to w 39. min. po přihrawce kapitana Jurja Haški lěpje. Wuhra hóstneho wrotarja a sadźi kulowatu kožu k 2:0 do saka.

Wučerjo-volleyballisća Serbskeho gymnazija Budyšin (SGB) su 51. sezonu wokrjesnych mišterstwow při wysokim saku z dobyćomaj zahajili. Woni steja nětko na druhim městnje tabulki šěsć startowacych šulow hač k druhemu hrajnemu dnjej w měrcu 2018.

Po zakónčenju jubilejneje 50. sezony wokrjesnych mišterstwow pedagogow we volleyballu w meji je so nětko znowa šěsć cyłkow na prěnim hrajnym dnju w Lubiju wubědźowało. Hłowny orga­nizator turněra, wučer Dirk Beckert z Wyšeje šule Malešecy, powita w sportowni Lubijskeje Pestalozzijoweje šule nimo muskich kolegow tež dźesać volleyballistkow, štož jara zwjesela. Na třoch hrajnišćach zahajichu zahorići sportowcy najdlěši čas eksistowacy volleyballowy turněr Sakskeje, a to bjez sudnika. To je móžne a za wšitkich akterow při wysokim saku chwalbyhódne.

Ludowa banka šek přepodała

Dienstag, 28. November 2017 geschrieben von:
Minjeny štwórtk pobyštaj Maik Brězan a Jurij Bjeńš (wotlěwa) w Budyšinje na hłownej zhromadźiznje Ludoweje banki Drježdźany-Budyšin a dóstaštaj tam wot Hagena Eberta (nalěwo) šek w hódnoće 1 000 eurow. Delanaj přiwzaštaj jón w mjenje serbskeho sportoweho towarstwa Sokoł Ralbicy/Hórki. Kóžde lěto dari Ludowa banka Drježdźany-Budyšin pjenjezy zjednoćenstwam, kotrež su sej je w minjenych lětach wuspěcha abo wosebitych akcijow dla zasłužili. W narěči mjenowaše Ebert hnydom tójšto přičin, čehodla su Sokoljo šek dóstali. Wosebje pak wuzběhny wón dwójne dobyće wokrjesneho pokala w minjenymaj lětomaj z domoródnymi koparjemi kaž tež podpěru wosebiteje akcije Tura nadźije, kotruž běchu Sokoljo w lěće 2014 podpěrali. Brězan a Bjeńš dźakujetaj so wuraznje Ludowej bance w mjenje wšěch čłonow a čestnohamtskich akterow delanskeho towarstwa. Foto: Simone Hollstein

Serbska debata

Neuheiten LND