Janoš Nuk – wulki talent za zelenym blidom

Dienstag, 28. Dezember 2021
Artikel bewerten
(0 Stimmen)
Janoš Nuk z Budyšina je při lětušich Němskich billardowych mišterstwach w hrě na dźewjatku, to je billardowa warianta z 9 kulemi, hač do štwórćfinala postupił. To bě za 17lětneho šulerja Serbskeho gymnazija Budyšin wulki wuspěch.  Foto: Helga Ackermann Janoš Nuk z Budyšina je při lětušich Němskich billardowych mišterstwach w hrě na dźewjatku, to je billardowa warianta z 9 kulemi, hač do štwórćfinala postupił. To bě za 17lětneho šulerja Serbskeho gymnazija Budyšin wulki wuspěch. Foto: Helga Ackermann

Pola Nukec w Budyšinje hraje nětko hižo někotre lěta billard wulku rólu. Nan Michał hraje hromadźe ze synom Janošom w towarstwje. 17lětny talent je w swojich młodych lětach hižo tójšto wuspěchow žnjał a z nanowej podpěru dale na jara wuspěšnym puću. Jurij Bjeńš je so z woběmaj wo nakromnej sportowej družinje rozmołwjał.

Janošo, kak dołho hraješ hižo billard a kak sy k tomu přišoł?

J. Nuk: Hraju nětko hižo šěsć lět billard. Poprawom běch lochkoatlet, nažel pak mějach ćeže z nohu a po wjacorych operacijach sym za druhim sportom pytał. Mój nan hladaše stajnje rady Snooker w telewiziji a to sym rady raz sobu hladał. Nimo toho mějachmy w horće małe billardowe blido, na kotrymž nimale wšědnje kule suwach. Njetraješe dołho a přizamknych so w Budyšinje towar­stwje „Biga99“.

Za wjetšinu ludźi nima Snooker žadyn wuznam. Čehodla so Wy za to tak horiće?

M. Nuk: Jako młodostni hrajachmy w Budyskich lokalach husto billard. A jako so potom jendźelska warianta Snooker w telewizoru wusyłaše, je mje to někak hrabnyło. Hač do dźensnišeho to rady hladam a sym runja swojemu synej tež čłon Biga99.

Veröffentlicht in Sport

Galerie

dalši wobraz (1) Michał Nuk je poprawom wutrajnosportowc na kolesu, kaž tu spočatk awgusta w Dolomitach po puću horje na Passo Sella. Hižo dlěši čas pak trenuje Nuk tež swojeho syna Janoša w sportowej družinje billard. Foto: Michał Nuk
Bitte anmelden, um einen Kommentar zu posten

Anzeige