Lochkoatleća Budyskeho towarstwa OSLV podachu so minjenu sobotu do Lößnitzoweho stadiona w Radebeulu. Na sportowym swjedźenju wojowachu tam stafle starobnych klasow U 10 do U 14 na čarje 3 x 800 m wo wobwodne mišterstwo. Hižo w ramikowych wubědźowanjach pokazachu Elias Kummer (staroba M 9) ze Serbskeje zakładneje šule Budyšin, Larissa Měrćinkec (W 12) a Jadwiga Bujnowska (W 13) ze Serbskeho gymnazija w dalokoskoku a mjetanju bulika sylne wukony, při čimž je Elias ze skokom na 3,66 m jeno snadnje prěnje městno misnył.