Sport (22.03.24)
Kopańca kónc tydźenja
W Pančicach-Kukowje wočakuje přihladowarjow njedźelu na twjerdym kopanišću napjata hra. Třeći wokrjesneje ligi wočakuje štwórteho. W boju přećiwo zestupej z krajneje klasy chcedźa Chróšćanska SJ a Běłowodźenjo njedźelu w Chrósćicach połnje dypkować.
23.03. 15:00 Rakečanske ST –
ST Wesenitzal
23.03. 15:00 Módro-běli Kulow –
Drohotka Ramnow
23.03. 15:00 SC Großröhrsdorf –
ST Radwor
24.03. 12:30 SJ Chrósćicy II –
ST Wjelećin
24.03. 12:30 HZ Ralbicy/Pančicy II –
Zeleno-běli Sepicy
24.03. 13:30 Łuty II – SJ Njebjelčicy
24.03. 14:00 ST Marijina hwězda –
ST Porchow
24.03. 15:00 Chrósćicy – Běła Woda
24.03. 15:00 Sokoł Ralbicy/Hórki –
ST Hnašecy-Dobruša
Swjatkowny turněr
Sobotu, 18. meje, a njedźelu, 19. meje, wotměje so w Hórnikecach tradicionalny 13. swjatkowny dartowy turněr we „wobydlerskim centrumje Hórnikecy“. Hrajerki a hrajerjo, kaž tež hosćo su wutrobnje witani na woblubowany dartowy sport. Hraje so na štyrjoch elektroniskich dartowych awtomatach a na štyrjoch steelartboardach. Kontakt za přizjewjenja: Mirko Hartwig 0152/05708695. Sobotu hraje so wot 13 hodź. do něhdźe 19 hodź., njedźelu započnu w 12 hodź.
Serbski Sokoł přeprošuje
Znowa so bjez dypka wróćili
ST Ćisk –
Sokoł Ralbicy/Hórki 3:2 (1:2)
Zestawa hosći: Chr. Gloxyn – An. Wałda, Schultz, D. Gloxyn, Woko, Šiman, Rawš, Heidorn, Šołta (50. Bjeńš), Korjenk, Šewc
Letargisce běše wustup w prěnich dwaceći mjeńšinach. Domjacy wojowachu a běžachu po kóždy bul. Sokoljo pak dwuboje najhusćišo přěhrachu. Přiwšěm sebi składnosće wuhrachu. Tak zwrěšći Filip Šiman na žerdźi jako samlutki na wrota smaleše. Łata wuchowa za Ćisk po wótrym róžku, jako spytaše škitar bul wujasnić. W 36. min. bu Dawid Šołta pósłany a běše spěšniši hač škitar. Wón pak ze stroprocentnej šansu na wrotarju zwrěšći. Naslědny róžk domjacy ke konterej wužichu a docpěchu nawjedowanje (38.). Do přestawki pak hosćo hišće hru zwjertnychu. Wólny kop Denny Gloxyn w 43. min. direktnje přetwori. Jenož mjeńšinu pozdźišo přeběža Šołta škit domjacych a docpě nawjedowanje.
Hač do kónca wojowali
ST Radwor –
ST Horni kraj Sprjewja 2:3 (0:2)
Zestawa domjacych: Šěrak – B. Grubert (74. M. Grubert), Schäfer, Schulze, Wjeńka, N. Šnajder, Nuk, Schöne (54. Hetaš), Castejon (66. Wjacławk), Wróbl (71. Reinecke), R. Šnajder
Spočatnje dyrbještej so wobě mustwje do hry namakać a sej wěstotu nadźěłać. Ale hosćo to lěpje zmištrowachu a mějachu wjace hrajnych podźělow. Radworske mustwo bojownisce zakitowaše a wjele njedowoli. W 17. min. a we 38. min. pak hosćo z Hornjeho kraja dwójce trjechichu a tak steješe 0:2. Ale bojowniscy Radworčenjo njedachu so zamylić.
W druhim połčasu běše Radwor časćišo před přećiwniskimi wrotami. Po róžku bě Niklas Šnajder při bulu a trjechi 1:2 (55.). Tola hósć zwyši na 3:1 (71.). Radwor dale jara bojownisce zakitowaše. Nimo toho wuchowa wrotar Christoph Šěrak zaso wjele bulow. W 77. min. bu Richard Šnajder w šěsnatce potorhnjeny a kapitan Tom Schulze zasuny k 2:3. Bohužel njemóžachu hosćićeljo z poslednimi akcijemi hižo wurunanje docpěć, zo bychu sej dypk zawěsćili.
Přiwšěm bě to porjadny wukon cyłeho mustwa přećiwo druhemu tabulki. Julien Glücklich
Zazběh playoff přěhrali
EC Kassel Huskies –
Łužiske lodohokejowe liški 5:1
(1:1, 3:0, 1:0)
Najrjeńši čas lěta za přiwisnikow lodohokeja w DEL 2 započa so z wrotami za Łužiske liški. W štwórćfinalnej seriji přećiwo Kassel Huskies měještej wobaj cyłkaj šansu za prěnje wrota. Na zbožo pak docpěchu tute hosćo z Łužicy, a to z hrajerjom wjac na lodźe. Jake Coughler přinjese puk před přećiwniske wrota. Mjeztym zo chcyštaj dwaj hrajerjej domjacych situaciju wujasnić, zdokonja Lane Scheidl puk přez wrotowu liniju sunyć. To bě 1:0 w pjatej mjeńšinje za hosći z Běłeje Wody. Kassel po tym šwarnje ćišć na wrota Liškow wukonješe. W jědnatej mjeńšinje ležeše hrajny nastroj hižo nimale we wrotach a tola móžachu so Łužičenjo wuswobodźić. Liški stejachu wěsće w defensiwje a dyrbjachu 12 sekundow do kónca prěnjeje třećiny tola hišće wurunanje přiwzać.
Srjedźny wotrězk chcyše faworit z Kassela tak spěšnje kaž móžno rozsudźić. To poradźi so jemu tež z trojimi wrotami přez Ryana Olsena (23.), Aleca Ahlrotha (26.) a Joela Lowryja (40.). Tuž dźěše z jasnym předskokom 4:1 do poslednjeje třećiny.
Přećiwnik strašniši před wrotami
TSV Wjazońca –
ST Marijina hwězda 3:0 (1:0)
Zestawa hosći: Matik – Wróbl, R. Cyž, K. Pakoßnick, Zynda (80. Schmidt), Bulank, Ch. Cyž, J. P. Kurink, Ladewig (46. Mazalla), J. Pakoßnick, Eldor (46. Wünsche)
Sobotu podachu so koparjo Marijineje hwězdy do Hornjeho kraja, do Wjazońcy.
Dobyćerska serija so torhnyła
FC Energija Choćebuz –
VSG Altglienicke 0:0
Zestawa domjacych: Bethke – Slamar, Campulka, Hildebrandt (46. Kusić), Hasse, Hofmann, Pelivan (79. Juckel), Proničew (46. Shcherbakovski), Heike (66. Halbauer), Thiele, Krauß
To bě překwapjace, zo daše Energija hosćom z jich sylnymi jednotliwcami w prěnjej štwórć hodźinje swobodnje zahrać. Tuž bě wažne, zo měješe wrotar Elias Bethke znowa jara dobry dźeń. Wón hnydom tři šansy VSG wotwobara. Po tym pak so hra hosćićela polěpši. FCE přińdźe husto strašnje před wrota hosći. Tola Tim Heike swobodnje před wrotami dwě wulkošansy (17., 22.) wužić njemóžeše.
FCE hraješe nětko ofensiwnišo. Z tym nastachu dźakowano agilnemu Janej Shcherbakovskemu tež někotre šansy, kotrež pak njekoncentrowanje wotedachu. Choćebuz skomdźi z tym sedme dobyće za sobu. Georg Zielonkowski
Wuslědki (19.03.24)
Kopańca, wokrjesna wyša liga
TSV Wachau – TSV Połčnica 0:1 (0:0)
Biskopičanske KT II – Kulow 6:1 (4:0)
ST Ćisk – Sokoł Ralbicy/Hórki 3:2 (1:2)
Łaz/Běły Chołmc – Otte.-Okrilla 3:1 (1:0)
Ramnow – Němske Pazlicy 4:1 (2:0)
Großnaund. – Hnašecy-Dobruša 2:3 (1:3)
Hlinowski SK – Großröhrsdorf 1:2 (0:1)
Radwor – Horni kraj-Sprjewja 2:3 (0:2)
1. Biskopičanske KT II 21 83 : 15 51
2. ST Horni kraj-Sprjewja 21 69 : 23 50
3. ST Hnašecy-Dobruša 21 84 : 38 45
4. Sokoł Ralbicy/Hórki 20 49 : 33 39
5. SG Großnaundorf 20 38 : 34 37
6. SC Großröhrsdorf 21 47 : 36 36
7. Natwar Němske Pazlicy 21 56 : 51 34
8. Drohotka Ramnow 20 51 : 30 32
9. Módro-běli Kulow 21 41 : 37 32
10. TSV Połčnica 21 33 : 36 32
11. HZ Łaz/Běły Chołmc 21 19 : 60 18
12. TSV Wachau 20 34 : 51 17
13. FV Ottendorf-Okrilla 21 31 : 55 17
14. Hlinowski SK 21 31 : 53 13
15. ST Radwor 21 32 : 72 13
16. ST Ćisk 21 28 : 102 6
Wokrjesna liga stafla I
Wjazońca – ST Marijina hwězda 3:0 (1:0)
Rak./Minakał II – Bretnig-Haus. 1:8 (1:6)
SZ Drjewnica – HZ Huska/Hodźij 0:4 (0:2)
Steinigtwolmsd. – SJ Chrósćicy II 6:1 (4:0)
ST Porchow – Motor Kumwałd 1:2 (0:1)
HZ Frankenthal – Wjernarjecy 5:3 (3:1)
ST Wjelećin – Arnsdorfske KT 0:3 (0:1)
1. Bretnig-Hauswalde 17 65 : 28 40
2. Arnsdorfske KT 17 60 : 24 40
3. ST Marijina hwězda 17 54 : 27 33
4. ST Porchow 16 41 : 26 30
5. SZ Steinigtwolmsdorf 17 51 : 42 25
6. TSV Wjazońca 17 36 : 33 24
7. ST Wjelećin 17 39 : 44 24
8. Motor Kumwałd 17 48 : 49 21
9. HZ Huska/Hodźij 16 33 : 30 20
10. SJ Chrósćicy II 16 25 : 39 19
11. TSV Wjernarjecy 17 34 : 47 17
12. HZ Frankenthal 16 23 : 43 17
13. HZ Rakecy/Minakał II 17 26 : 68 16
14. SZ Drjewnica 17 15 : 50 9
Z podlěšenjom do połfinala
VfB 1921 Kśišow –
FC Energija Choćebuz 2:3 (0:1)
Zestawa hosći: Sebald – Slamar, Campulka, Kusic, Hasse (77. Milde), Shcherbakovski (46. Oesterhelweg), Pelivan (91. Juckel), Hofmann - Halbauer (77. Ndualu), Heike, Krauß (88. Thiele)
slěd wrotow: 0:1 Hasse (15.), 0:2 Oesterhelweg (51.), 1:2 Stanese (54.), 2:2 Felgenträger (90.+3), Juckel (97.)
Tež w štwórtym pokalnym duelu wobeju susodow přesadźi so štwórty zwjazkowy ligist Energija Choćebuz přećiwo zastupjerjej wyšeje ligi VfB Kśišow. To pak hakle po boju přećiwo hosćićelej, kiž so wot zastatka 0:2 zatrašić njeda a w přidatnym hrajnym času k wurunanju přińdźe.
W trěbnym podlěšenju prezentowaštej wobě mustwje wurunanu partiju, w kotrejž móžeše zaměnjeny Janis Juckel z preciznej třělwu z kromy šěsnatki dobyćerske wrota docpěć.
Wšitcy hrajerjo Energije inkluziwnje trenarja Claus Dietera Wollitza chwalachu zamołwitych hosćićelow za přewjedźenje hry a tež wukon domjaceho mustwa namaka najwjetše připóznaće. W połfinalu 23. měrca trjechi FC Energija na SJ Union Klosterfelde, tuchwilneho třećeho braniborskeje ligi.
Ze snadnym dobyćom na poziciju dwaj
ZFC Meuselwitz –
FC Energija Choćebuz 0:1 (0:1)
We wokrjesnej wyšej lize su Sokoljo sobotu w Ćisku po poražce 2:3 ...
Dalša poražka za SJC
BSV Sebnicy –
SJ Chrósćicy 2:1 (1:0)
Zestawa hosći: Králíček – Mark (79. Wencl), B. Cyž, F. Cyž, Černohorský, L. Zahrodnik (59. Handrik), Hawš (72. Kreuz), M. Zahrodnik, Graf (64. Matik), Młynk (59. Bogusz), Marx
Sobotu nastupichu Chróšćenjo na kumštnym trawniku w Sebnicach. Po třoch poražkach dyrbjachu hosćo zaso raz dypkować.
Hosćo lěpje do hry startowachu a domjacych derje wot swójskeje šěsnatki wotdźeržachu. Hačrunjež SJC hru postajowachu, sej mało šansow wuhrachu. Po róžku měješe Młynk móžnosć na wrota, ale hłójčkowany bul padnje wrotarjej do rukow. Sebničenjo spytachu sej přez spěšnu a direktnu hru šansy wuhrać. Tak nastachu tež prěnje wrota. Domjacy spěšnje srjedźne polo přehrachu a po přihrawce přezběhny Sich bul wyše Králíčeka k nawjedowanju 1:0 (27.). Tak docpěchu domjacy z prěnjej prawej šansu hnydom nawjedowanje. Hra so potom neutralizowaše a wobaj cyłkaj měještej někotre šansy. Krótko do połčasa měješe Cyž móžnosć na wurunanje. Po róžku dósta zakitowar SJC znowa bul, ale jeho třělwa wrota misny.
