Widźał,słyšał, napisał (03.04.17)
Awtor dźensa
Stefan Šmit
Dokal powjedźe jenož puć regionalneho koparskeho ligista Budissa Budyšin? To so zawěsće jenož ja njeprašam. Sym sej wěsty, zo tež jenož ja sej woprawnjene starosće wo přichodźe tamnišeho prěnjeho mustwa nječinju. Z tučasnje hakle dwěmaj dobyćomaj, dźewjeć remisami a pjatnaće poražkami steji Budyšin mjenujcy hižo někotre tydźenje na předposlednim a tak na jednym z dweju zestupneju městnow w štwórtej najwyšej koparskej lize Němskeje. Tež trenar, znaty něhdyši nadběhowar Dynama Drježdźan Torsten Gütschow, hišće ničo na sportowej situaciji Budissy změnił njeje. Tola kak póńdźe dale?
Hač do kónca hry so njepodali
SC Großröhrsdorf II
– ST Marijina hwězda 4:0 (2:0)
Zestawa hosći: Schmidt – Wróbl, Škoda, Jurš, Bejmak, F. Peschmann, Hawš, Pakoßnick, T. Peschmann, Schulz, Sćapan
Trenar koparjow ST Marijineje hwězdy Tobias Škoda měješe za hru w Großröhrsdorfje runje jědnaćoch k dispoziciji, dokelž je lisćina zranjenych hrajerjow přeco hišće chětro dołha. Nimo toho běchu někotři na dźěle abo na dalekubłanju. Tež někotři z klóšterskeje koparskeje rezerwy dyrbjachu wupomhać. Přiwšěm chcychu so z dypkom nawróćić.
Po kapitalnym zmylku w škiće hosći pak reagowaše Hans-Jürgen Eckart najspěšnišo a přetwori k 1:0 (6.). Zažny zastatk postara so wo njewěstosć w rjadach Pančičanskich koparjow, a domjacy cyłk přewza iniciatiwu. Nadźěłajo sej šansu po šansy zwyši hosćićel krótko do přestawki po rjanej akciji na 2:0 (43.).
Wuslědki (03.04.17)
Wokrjesna koparska liga, stafla III
Großröhrsdorf II – Mar. hwězda 4:0 (2:0)
Frankenthal – Němske Pazlicy 0:1 (0:0)
Liegau-Augustusbad – Njebjelčicy 0:4 (0:2)
1. SG Großnaundorf 17 56 : 15 42
2. Natw. Němske Pazlicy 17 42 : 21 38
3. TSV Wachau 16 57 : 22 35
4. SJ Njebjelčicy 17 32 : 27 30
5. SV Haselbachtal 17 40 : 26 28
6. SG Frankenthal 17 36 : 26 26
7. Zeleno-běli Sepicy 17 40 : 34 26
8. SC Großröhrsdorf II 17 36 : 32 25
9. Arnsdorfske KT 17 22 : 25 22
10. ST Marijina hwězda 15 23 : 26 18
11. SV Hermsdorf 17 24 : 45 16
12. SZ Wóslink/Skaskow 17 17 : 49 11
13. ST Drjewnica 17 13 : 52 10
14. Liegau-Augustusbad 16 17 : 55 5
krajna klasa
Zschachwitz – Mužakow 3:5 (2:3)
Chrósćicy – Biskopicy II 4:0 (1:0)
1. Radebeul 17 40 : 11 46
2. Laubegast 15 44 : 20 34
3. Mužakow 16 41 : 24 33
4. Neugersdorf II 16 41 : 17 31
5. Nowosólc-Hródk 16 31 : 32 23
6. Drježdźanski SC 16 31 : 29 21
7. Chrósćicy 16 26 : 25 21
8. Horni kraj Sprjewja 14 35 : 35 18
9. Nowe Město 15 26 : 32 18
Sport (31.03.17)
Volleyballowy turněr Sokoła
Serbski Sokoł wuhotuje jutře, zhromadnje z cyłkomaj Škit Budyšin a Mustwo 1296 35. sokołski volleyballowy turněr wo pokal Domowiny. Za njón je so cyłkownje 18 cyłkow přizjewiło. Wubědźować budu so wone na štyrjoch hrajnišćach w hali na Budyskim Třělnišću. Sćoplić móža so mustwa wot 8 hodź., nastup je za 8.15 hodź. planowany a prěnje hry započnu so we 8.30 hodź. Finalnej dwubojej wo městnje 3 a 1 wotmějetej so wot 14.10 hodź. na wulkim volleyballnišću.
Překwapjenka hišće móžna
We wobwodnej volleyballowej lize wuchodneje Sakskeje hraje prěnje mustwo Viktorije Worklecy jutře pola OSC Lubija wo mišterstwo. Serbscy volleyballisća dyrbja prěni duel dnja z 3:0 dobyć. Jeli domjacy cyłk druhu partiju dnja tež 3:0 přećiwo načolnikej tabulki JTVG Fitnes Koblicy z 3:0 dobudźe, maja Kobličenjo a Worklečenjo samsnu ličbu wulkich dypkow a samsny sadźbowy poměr.
Pokalne duele w štwórćfinalu
Mustwo pytane
Znowa tójšto sej předewzali a tola podleželi
ST Lubuš
– Sokoł Ralbicy/Hórki II 3:0 (2:0)
Zestawa hosći: Cyž – Bogusz, M. Matka, Šnajder, Kobalc, Serbin, Čórlich, Gerlich, Jakubaš, J. Matka, Wowčerk (46. T. Matka)
Po domjacej poražce přećiwo Łutam wjedźeše jězba koparskeje rezerwy Sokoła do susodstwa Łutowčanow, a to do Lubuša, kotryž bě swoje zašłe tři hry přěhrał. Šansa, duel dobyć, za nju potajkim wobsteješe. Wšitke předewzaća pak so dospołnje nimokulichu. Ralbičenjo dachu sej troje wrota napraskać a přisadźichu nimo toho hišće hrajerja.
Wjedro běše wuběrne a trawnik derje spřihotowany. Jenož hra běše špatna. Prěnju móžnosć wrota docpěć mějachu Sokoljo. Handrij Jakubaš zhłójčkowa bul snadnje pódla wrotow. W 20. min na tamnej stronje klinkaše. Srjedźopólny hrajer bě so z dołhej přihrawku hač na zakładnu liniju předrěł, a wróćohraty bul Matthias Stoyan k 1:0 přetwori. W 39. min. dóńdźe k předrozsudej. Gabriel Čórlich zawini jědnatku, dokelž bě swojemu wrotarjej pomhać chcył. Sudnik pokaza jemu na to čerwjenu kartu. Tak budźe Konječan znajmjeńša dwě hrě pobrachować. Jědnatku Marco Schneider wěsće přetwori.
Wjele prócy a potu a samo kreje za tři dypki
Drohotka Ramnow
– Sokoł Ralbicy/Hórki 1:3 (1:0)
Zestawa hosći: Ch. Gloxyn – Rawš (9. Schultz), B. Bjeńš, Šewc, Bejma (93. Zynda), Korjeńk, Wałda (46. S. Bjeńš), D. Gloxyn, Domaška, Kurjat
Wuslědki (30.03.17)
Wokrjesna wyša koparska liga
Kulow – Póst Germania Budyšin 1:1 (1:1)
Ćisk – Hnašecy-Dobruša 2:0 (0:0)
Ramnow – Ralbicy/Hórki 1:3 (1:0)
1. ST Ćisk 21 76 : 14 51
2. Rakečanske ST 20 53 : 30 43
3. Sokoł Ralbicy/Hórki 20 51 : 27 37
4. ST Hnašecy-Dobruša 20 40 : 33 35
5. SC Großröhrsdorf 20 28 : 20 31
Na 27. Wostrowski nalětni běh
Njedźelu, 2. apryla, budźe we Wostrowcu nad Nysu tradicionalny nalětni běh, mjeztym hižo 27. raz. Po njedawnym Mužakowskim parkowym běhu je to druhe wurisanje a hódnoćenje za rjadnu lisćinu Wopačanski cup běharjow, kotraž so hižo 14 lět přewjeduje. Tale rjadna lisćina z regionalnym hódnoćenjom skići lětsa 15 wubědźowanjow.
Serbscy lubowarjo běhanja su přeco rady a přewšo wuspěšnje we Wostrowcu startowali. Jednotliwe distancy wurisanjow budu 0,8 km, 2 km, 4 km a 12 km. Wone powjedu po rjanym dole Nysy a po dworje znateho klóštra Marijineho doła. Start a cil wšitkich běhow je při wulkej sportowni njedaloko tamnišeho sportoweho areala. W 9.45 hodź. započnje so prěnje wurisanje na 0,8 km za mjeńše dźěći. Hłownej běhaj budźetej w 10.30 hodź. na 4 km a 12 km.
Wostrowski nalětni běh je wot lěta 2011 zdobom wopomnjenski běh za załožićela, předsydu tamnišeho sportoweho zjednoćenstwa a hłowneho organizatora tohole wurisanja Rolanda Pietscha, kiž je 2010 jako 53lětny při treningu dźěći-lochkoatletow njejapcy zemrěł. Jurij Nuk
Doma dale z běłym lacom
ST Radwor
– ST Nadrózna Hrabowka 2:0 (0:0)
Zestawa domjacych: Ch. Šěrak – Henka, F. Šěrak, Zähr, Schild (60. von Karwin), Zimmermann, Nuk, Omran, Winar (68. Šram), Buša (46. Kurjat), Schulze
Po wupadnjenej prěnjej domjacej dypkowej hrě, jako wočakowachu Radworscy koparjo Hrajne zjednoćenstwo Łaz/Běły Chołmc, móžachu woni skónčnje zaso při „Zelenej hałžce“ za bulom honić – a to při najrjeńšim nalětnim wjedrje. Hladajo na tabulku wokrjesneje ligi, stafle II chcychu sej chowancy Pětra Bejmaka dalše tři dypki zawěsćić a sej doma běły lac wobchować. Wot wšeho spočatka woni hru postajachu a wubědźichu sej hižo w prěnich mjeńšinach wjacore wulke móžnosće. W 2. min. pak trjechi Paul Zimmermann jeno žerdź a tři mjeńšiny pozdźišo Tom Schulze łatu. Tež dalše šansy přez Schulzu, Nica Bušu a dalšich njewjedźechu k wuspěchej, byrnjež to hra na jenož jedne wrota była. Hosćo pak njerozsudne 0:0 hač do přestawki ze wšej bojownosću zakitowachu.
