Na kongresu FUEN wobjednawaja połoženje Turkow w Grjekskej

Komotini (SN/at). 60. kongres Federalistiskeje unije narodnych mjeńšin (FUEN) je so wčera w zapadotrakiskim měsće Komotiniju (Grjekska) zahajił. Porno do­tal­nemu wašnju pak njeje so na nim žadyn wysokorjadny zastupjer wjetšino­weho wobydlerstwa ze stata, regiona abo města wobdźělił. Hačkuli Komotini róčnicu swojeho přirjadowanja z Bołhar­skeje ke Grjekskej 14. meje 1920 swjećił, by FUEN zwólniwa ke kompromisej była, zo reprezentanća na woběmaj zarjadowanjomaj wustupja. Z jasnymi słowami kritizowaše prezident FUEN, Hans-Heinrich Hansen, we wotewrjenskej narěči: „Klaca woprawdźe na česćownosći a respekće, dokelž njemějachu ani trjeba, na na­še přeprošenja wotmołwić.“ Hladajo na połoženje turkowskeje mjeńšiny zapadneje Trakiskeje w Grjekskej wuwabi to jako kongresowe ćežišćo mjez nimale 150 wobdźělnikami, reprezentowacymi wjace hač 30 mjeńšin z 20 krajow, zadźiwanje.