Z dobyćom a poražku do sezony

Dienstag, 10. Oktober 2017 geschrieben von:

ST Marijina hwězda – VV Biskopicy 2:1 (25:18, 22:25, 15:4)

W swójskej hali wočakowachu volleyballisća ST Marijineje hwězdy najprjedy přećiwnika z Biskopic a na to MSV Budyšin IV. Prěni duel přećiwo Biskopicam bě kaž hižo minjene lěta stajnje wurunany, a to hač do 10:10. Norbert Wahlicht postara so w dobrej formje wo tójšto dypkow za Marijinu hwězdu. Gerald Bachmann, nowopřichad Marko Smoła (naposledk pola ST Viktorije Worklecy) a Metod Šołta swoje šansy zymnokrejnje wužiwachu a přećiwniski nadběh derje blokowachu. Pančičenjo so wosrjedź prěnjeje sadźby wotsadźichu a ju z 25:18 dobychu. Druha sadźba bě kopija prěnjeje, jeno zo nětko akterojo z Biskopic lěpje blokowachu a swójske nadběhi mócnje do Pančičanskeho pola bijachu. Zasłužbnje dźěše tuž druha sadźba na hosća (25:22). W tiebreaku bě spěšnje wšitko jasne. Po sylnych nadawkach Marka Smoły hosćićeljo z 9:1 wjedźechu a předskok hač do kónca (15:4) tež zakitowachu. Wjeselo bě wulke.

ST Marijina hwězda – MSV Budyšin IV 1:2 (21:25, 25:22, 12:15)

Dramatiska derbyjowa hra

Dienstag, 10. Oktober 2017 geschrieben von:

TTV 97 Kamjenc

– DJK TTV Konjecy 7:9

W prěnjej wokrjesnej lize dyrbješe prěnje blidotenisowe mustwo DJK Konjecy přećiwo sylnemu mustwu TTV Kamjenc nastupić. Derby njehodźeše so na drama­tice přetrjechić a blidotenisća z Delan radowachu­ so skónčnje nad snadnym dobyćom 9:7.

Pola dwójkow móžeše jeničce duwo Matijas Kokla/Alojs Ćóška dypkować. W hrach jednotliwcow běštaj tónkróć na Konječanskej stronje Pětr Bejma a Michał Elstner najlěpšej a dobyštaj wobě hrě. Jedyn dobyty duel w kategoriji jednotliwcow zapisachu sej Dierk Šewc, Matijas Kokla a Alojs Ćóška. Tuž dyrbješe při stawje 8:7 za Konjecy štwórta dwójka derby rozsudźić. Tu měješe­ duwo Kokla/Čóška lěpše čuwy hač Kamjenčanskej hrajerjej a duel jasnje z 3:1 doby. Tak móžachu so serbscy blidotenisća nad snadnym dobyćom wje­selić.

Někotre dalše wuslědki z wokrjesnych klasow: Worklecy III – Radwor II 4:10, Radwor IV – Njeswačidło V 4:10 a Radwor III – Bukecy II 7:7. W dorosće dźělichu so Worklečenjo a Njeswačanscy blidotenisća njerozsudnje 7:7. Franc Nowak

Sylny bojownski wukon po čerwjenej karće

Dienstag, 10. Oktober 2017 geschrieben von:

Budissa Budyšin

– Berlinski AK 1:1 (1:1)

Zestawa domjacych: Ebersbach – Barnickel, Hoßmang, Patka, Kunze, Krauwčik (36. Mack), Pfanne, Weiß, Gehrmann, Bönisch (63. Milde), Schmidt

Po poražce 0:5 pola Berlinskeho FC chcyše Budissa doma zaso dypkować. Hrajersce sylny Berlinski AK z něhdyšim wrotarjom Budissy Jakubom Jakubovom pak chcyše tomu zadźěwać a sej ličaki sobu domoj wzać. Berlinjenjo započachu chětro koncentrowani a nadźěłachu sej někotre šansy. Třělwa ze zdalenosće prasny do łaty wrotow Maika Ebersbacha (8.), na to hosćo ćišć zwyšachu. Enes Küc pruwowaše Ebersbacha, tón pak njeda so přewinyć. Po dwaceći mjeńšinach bě prěni wulki nadběh hosći zakónčeny. To wuži Max Gehrmann z dalokej třělwu do třiróžka wrotow k 1:0 (26.). Jenož tři mjeńšiny pozdźišo wuruna Küc. Po tym dyrbješe Jonas Krawčik hrajnišćo zranjenja dla wopušćić.

Wupisanje za 36. Sokołski volleyballowy turněr

Dienstag, 10. Oktober 2017 geschrieben von:

termin turněra: 10. měrca 2018

městnosć: Sportowa hala

  na Budyskim Třělnišću

čas:   8 do 16 hodź.

zarjadowar:  Serbski Sokoł z.t.

wuhotowar:  Sokoł Budyšin z.t.,

  Škit Budyšin,

  Mustwo 1296

kontaktna adresa:

zaměr turněra: Pod sokołskim hesłom „Sportej a narodej – zdar!“ chcemy so zetkać k lóštnemu sportowanju a wjesołej zabawje. Zdobom chcemy styki mjez serbskimi volleyballistkami a volleyballistami a dalšimi sportowčemi a sportowcami skrućić a k popularizowanju Serbskeho Sokoła přinošować.

přeprošene mustwa: Na turněr su witani mustwa dotalnych turněrow a nowačcy. Volleyballowe cyłki z wukraja pře­prosyć njebudźemy. Kóždy volleyballist, kotryž so do jednoho mustwa zarjaduje, njech so w swójbje sportowcow derje čuje­.

Wuslědki (10.10.17)

Dienstag, 10. Oktober 2017 geschrieben von:

Krajny pokal

FSV Krostitz – Budissa Budyšin 0:4 (0:2)

Lok Lipsk – FV Eintracht Niesky 7:2 (5:1)

ST Ćisk – Chemija Lipsk 1:4 (0:0)

Taucha – FC International Lipsk 1:2 (1:1)

Radebeuler BC – VFC Plauen 2:0 (0:0)

Concordia Schneeberg – Lößnitz 1:3 (0:1)

For. Chemnitz – Hohenstein-E. 1:4 (0:2)

SG Weixdorf – Auerbach 0:4 (0:2)

SV Naunhof – Neugersdorf 0:9 (0:7)

SV Olbernhau – VfB Zwenkau 4:3 (2:2)

Lok Zwickau – Chemnitzer FC 0:3 (0:2)

FC Eilenburg – Jednota Kamjenc 1:0 (1:0)

SJ Chrósćicy – FSV Zwickau 0:5 (0:3)

Nowosólc-Hródk – Biskopicy II 1:3 (1:1)

SV Bannewitz – FC Stollberg 3:2 (3:1)

BSC Freiberg – FSV Oderwitz 3:5 (1:2)

W historiskej hrě faworitej podleželi

Montag, 09. Oktober 2017 geschrieben von:

SJ Chrósćicy – FSV Zwickau 0:5 (0:3)

Zestawa domjacych: Králíček – Pöpel, Hrdlitschka, Cyž, Bětnar, Teichmann, M. Zahrodnik, Henčel, F. Zahrodnik (55. Młynk), Žur (63. Domaška), Věchet (76. Bogusz)

Zestawa FSV Zwickau: Cichos – Bahn, Öztürk, Könnecke, Wachsmuth, Schröter (46. Barylla), Frick (60. Eisele), Lange, Antonitsch, Koch (46. Mauersberger), König

Awtor dźensa Toni Ryćer

Ničo njeje tak wobstajne kaž změna. W žiwjenju so tele přisłowo přeco zaso wobkruća. W lěće 2000 wotewrjene Łužiske koło njedaloko braniborskich Klěśišćow (Klettwitz) přestanje kónc oktobra jako motorsportowa wubědźowanska čara eksistować. Nowy mějićel, pruwowanska organizacija DEKRA, nima žane ambicije, tu w přichodźe aktiwity sportoweho razu přewjesć. Hladajo na krótku, ale intensiwnu dobu wobhospodarjenja motodroma mje wutroba boli. Přetož tam započach tež ja aktiwnje w motorsporće skutkować. Prěnje ideje za twar běchu hižo za čas NDR wulahnyli, jako zakótwi so wotpowědny naćisk 1986 w pjećlětnym planje. Po přewróće zapo­čachu jón zwoprawdźeć. Historisku čaru w Berlinje, znatu jako AVUS, dyrbjachu wěstotnych a wobchadnych přičin dla zawrěć a pytachu za wotpowědnej swobodnej ležownosću. A to bě płonina něhdyšeje brunicoweje jamy na juhu Braniborskeje.

17. běh po Biskopičanskej Butrowej horje lětsa posledni był

Sydomnaty běh po 385 metrow wysokej Butrowej horje pola Biskopic bě po tradiciji zaso posledni z cyłkownje 15 lětušeho Wopačanskeho cupa a kaž tež posledni z cyłkownje jenož jědnaće lětušeje Drježdźanskeje wobwodneje rjadneje lisćiny, kotryž bu hódnoćeny.

Na pjeć hórskich distancach 0,6 / 1,2 / 2,5 / 5 a 9,5 km, kotrychž start kaž tež cil běchu při hosćencu na wjeršku Butroweje hory, wubědźowaše so 430 wobdźělnikow.

Na 0,6 km je něhdźe 150 šulerjow zakładnych šulow něhdyšeho Biskopičanskeho wokrjesa po tradiciji wo pokal swojeho wyšeho měšćanosty wo­jowało. Na 2,5 km za młodostnych U14 a U16 docpě Oskar Krawc (Serbski gymnazij Budyšin) w skupinje U16 rjane 3. městno (9:15 min).

Na 5 km (60 w cilu, z tych 26 žónskich) běštaj cyłkownaj dobyćerjej Georg Bär (Drježdźany/19:56 min) a Kathrin Tanzmann (Wjelećin/26:56 min). Budyski młodostny Leo Čórlich wubědźi sej w skupinje U 18 bronzowe podestne městno w 26:59 min. Lubowarka walkinga Corinna Měrćinkowa z Chelna wobsadźi mjez sydom konkurentkami cyłkowne 2. městno w spěšnych 40:40 min. na tejle distancy.

Sport (06.10.17)

Freitag, 06. Oktober 2017 geschrieben von:

Wubědźuja so w kehelowanju

We wjesnym dźělu Bukec w Rodecach změja jutře a njedźelu 19. Rodečanski młynski cup, wubědźowanje w kehelowanju. Jutře keheluja wot 14 do 23.30 hodź. a njedźelu wot 8 do 18.30 hodź.

Kónctydźenska kopańca

Rozeznawać dyrbimy dźensa, jutře a njedźelu mjez pokalnymi hrami w třećim kole wo sakski koparski pokal a mjez dypkowymi na wokrjesnej runinje. Partije Budissy Budyšin, Chróšćanskeje SJ, Jednoty Kamjenc a ST Ćiska su pokalne.

6.10. 19:00 FSV Krostitz

  – Budissa Budyšin

7.10. 14:00 ST Ćisk – Chemija Lipsk

7.10. 14:00 Rakečanske ST

  – Póst Germania Budyšin

8.10. 11:00 Rakečanske ST II

  – SJ Chrósćicy II

8.10. 14:00 SJ Chrósćicy

  – FSV Zwickau

8.10. 14:00 FC Eilenburg

  – Jednota Kamjenc

8.10. 14:00 SZ Wóslink/Skaskow

  – Módro-běli Kulow II

8.10. 15:00 ST Radwor

  – Módro-běli Kulow

8.10. 15:00 Sokoł Ralbicy/Hórki

  – SZ Großnaundorf

8.10. 15:00 SJ Njebjelčicy – ST Lubuš

8.10. 15:00 Zeleno-běli Sepicy

  – ST Marijina hwězda

Běh přez zadźěwki

Pod kolesa přišli

Donnerstag, 05. Oktober 2017 geschrieben von:

SJ Chrósćicy – FC Hornja Łužica Neugersdorf II 0:8 (0:2)

Zestawa domjacych: Králíček (46. M. Cyž) – Dórnik, B. Cyž, Sentivan, Pöpel, Runt, Bětnar (61. Młynk), Domaška (61. Žur), Henčl, Věchet, Němec

Njedźelu nastupichu koparjo Chróšćanskeje SJ přećiwo druhemu mustwu FC Hornjeje Łužicy z Neugersdorfa. Hru chcedźa woni kaž tež přihladowarjo najradšo spěšnje zabyć. Přez cyłe 90 mjeńšin njemějachu žanu porjadnu móžnosć. Pola hosći wupadaše to cyle hinak. Dokelž wustupowachu dosć ofensiwnje, mějachu woni tajku nimale w mjeńši­nowym takće.

Prěnju wulku składnosć w prěnim połčasu móžeše wrotar Petr Králíček wulkotnje wotwobarać. Na to slědowacy róžk pak hosćo strašnje do šěsnatki kopnychu. Tu steješe nadběhowar cyle swobodnje a zhłójčkowa bul do praweho kuta. Tak běchu Chróšćenjo hižo po 10 mjeńšinach w zastatku 0:1. Zhrabachu pak so a spytachu wurunanje docpěć, ale­ bytostne šansy njemóžachu sej nadźěłać. W 42. min. móžachu hosćo potom na 0:2 zwyšić. Chróšćanscy přiwisnicy so přeco hišće na dypk nadźijachu, njewědźo wšak w tym wokomiku hišće, kak so hra skónči.

Serbska debata

Neuheiten LND