Zhromadny zazběh sezony so nimokulił

Mittwoch, 12. September 2018
Artikel bewerten
(0 Stimmen)
Při zakónčacym treningu do prěnjeje dypkoweje hry sezony 2018/2019 su so holcy a žony nowowutworjeneho Hrajneho zjednoćenstwa Pančicy-Worklecy hišće raz porjadnje napinali, zo bychu dosć derje do premjerneje hrajneje doby startowali.  Foto: Jörg Stephan Při zakónčacym treningu do prěnjeje dypkoweje hry sezony 2018/2019 su so holcy a žony nowowutworjeneho Hrajneho zjednoćenstwa Pančicy-Worklecy hišće raz porjadnje napinali, zo bychu dosć derje do premjerneje hrajneje doby startowali. Foto: Jörg Stephan

Módro-běłe Wojerecy – HZ Pančicy-Worklecy 3:1 (23:25, 25:21, 26:24, 25:22)

Po poradźenej generalce w předkole wobwodneho pokala, jako OSC Lubijej z 0:2 podležachu a přećiwo JTVG Koblicam z 2:1 dobychu, běchu volleyballistki Hrajneho zjednoćenstwa Pančicy-Worklecy sobotu tydźenja hósć zastupnistwa Módro-běłe Wojerecy w prěnjej dypkowej hrě sezony. Ze snadnym dobyćom 25:23 dźěše prěnja sadźba na konto Pančičankow-Worklečankow. Tež přichodnej sadźbje běštej napjatej, tej pak zawěsćichu sej hosćićelki z 25:21 a 26:24. Nětko rěkaše za hóstne hrajerki, wšitke mocy mobilizować. Zazběh do štwórteje sadźby pak zaběža hinak hač planowane. Po krótkim času ležachu wone z dźesać dypkami w zastatku. Z mudrymi taktiskimi změnami a ze sylnym mustwowym wukonom pak žony hrajneho zjednoćenstwa dale wojowachu. Přiwšěm njemóžachu so z dobyćom mytować, přetož podle­žachu Wojerowčankam z 22:25.

Veröffentlicht in Sport
Bitte anmelden, um einen Kommentar zu posten

Anzeige