Novi Sad 2021– Kulturna stolica Europy

Novi Sad – kulturna stolica Europy, kotraž kulturu k žiwjenskemu stilej wožiwja

Fototekst: Novi Sad je město na sewjeru Serbiskeje na brjoze Dunaja. Twjerdźizna Petrovaradin steji na skale nad rěku a pochadźa we wjetšinje ze 17. a 18. lětstotka. Wona ma sławnu zwóncu a wulku syć tunlow … 	Foto: Aleksandar Milutinovic
Novi Sad je město na sewjeru Serbiskeje na brjoze Dunaja. Twjerdźizna Petrovaradin steji na skale nad rěku a pochadźa we wjetšinje ze 17. a 18. lětstotka. Wona ma sławnu zwóncu a wulku syć tunlow … Foto: Aleksandar Milutinovic

 

43892 kwadratnych metrow za kulturu

Změny w kulturnym ekosystemje Noveho Sada su hižo widźomne, byrnjež hač do lěta 2021 w kotrymž smě město titul “Kulturna stolica Europy” nosyć,  hišće połdra lěta było. Runje tónle titul  pak je wažny nastork k zwoprawdźenju programa pod hesłom „For New Bridges“ z kotrymž zawostaja  projekt Kulturna stolica Europy (ECoC) tež w Novym Sadźe solidne namrěwstwo, kotrež zdobom kulturny image města polěpšeja: nowe programy, nowe procesy, angažowanych ludźi a skónčnje tež nowe městnosće za kulturu.

 

Štyri z wosom planowanych nowych wobłukow su dotal hižo z pomocu ECoC-projekta iniciěrowali.  Wone tworja zakład projekta „Novi Sad 2021 – Kulturna stolica Europy“, w kotrymž wobłuku su dotal wjac hač 500 zarjadowanjow organizowali. Platforma „Twjerdźizna měra“, kotruž su w juniju hižo wotměli, wunjese wurjadne wuměłstwowe wobsahi: Wustajeńcy Andyja Warhola, Henrija de Toulouse-Lautreca a nowe turistiske zaměry – skulptury, stworjene wot swětoznateho wuměłca Yokowa Onowa. Tak kaž su lětsa w juniju temu měr wobjednali, wěnowachu so hižo w meji we wobłuku programa „Přichod Europy“ młodym ludźom cyłeho kontinenta.

 

 

 

Cyłe lěto zhromadźuje stolica Vojvodiny ze wšelakimi projektami a programa wuměłcow regiona. W lětomaj 2019 a 7527 (po wšelakimaj kalendromaj – jónu po julianskima jónu po gregorianskim) je přichodna kulturna stolica Europy ze swojej awtentiskosć dopokazała z wjac hač 50 zarjadowanjemi na kotrychž bě wjac hač 300 wuměłcow ze Serbiskeje, Chorwatskeje, Madźarskeje, Čorneje Hory, Pólskeje, Němskeje, Rumunskeje, Italskeje, Ruskeje, USA, China a Francoskeje – mjez nimi běchu tež wiolinist London Philharmonic Orchestra Roman Simović, ansambl Robyja Lakatosa z Madźarskeje, sławne DJjowe duwo Filatov & Karas z Ruskeje kaž tež mnozy wuměłcy z Balkana.

 

 

 

Dalši dopokaz za to, zo je Novi Sad na dobrym puću so z wurjadnej Kulturnej stolicu Europy stać, su njewotwisni eksperća europskich institucijow – Europskeho parlamenta, Europskeje komisije, Europskeje rady a z Wuběrka regionow. Po druhej dohladowanskej rozprawje, kotryž bě přichodna kulturna stolica Europy lětsa w meji přepołožiła, je  pohódnoćenje wěcywustojnych přewažnje pozitiwne: "Postupy po prěnjej kontroli a wopyće su wjele lubjace", rěka w stejišću. Tuž su projekt pod hesłom "Novi Sad 2021" do rozprawy dohladowanskeho gremija ECoC přiwzali.

Nowe městnosće za Novi Sad
Loni je Novi Sad tohorunja nowe městnosće za kulturu zdobył. Staru židarnju (Seidenfabrik) su restawrowali a kulturnu staciju „Svilara“ wutwarili. W njej kulturne namrěwstwo dale spěchuja.

 Kultuna stanica Svilara 1

Kulturna stanica Svilara 21 1

 

Hižo w lońšim septembru su w měsće rumnosće bywšeje třělcownje na kulturnu staciju „Egység“ přetwarili. Zaměr bě, kulturne poskitki decentralizować kaž tež wobydlerjow a lokalne zhromadźenstwa do programow zapřijeć. Tak su mjeztym hižo tři dalše tajke kulturne stacije planowane, a to měšćanskich dźělach Noveho Sada, kotrež su wot centruma města trochu zdalene.

Eđšeg Kulturna stanica 1

 


Dalšu wulkotnu městnosć kultury – Creative Polis – runje twarja. Wona nastawa na městnje industrijneho kompleksa „Petar Drapšin“, w tak mjenowanej “Kineska-šwtórći”. Přichodnje změja tam kulturne a kreatiwne industrije swój domicil.


Kultur so tež we wobłuku projekta „Kulturna stolica Europy“ wobstajnje “pohibuje”. Tak dóstawa so “kultura na kolesach”  dźakowano mobilnej kulturnej  staciji „Caravan“ do wšěch dźělow města.

mobilna kulturna  stacija „Caravan“
mobilna kulturna stacija „Caravan“

 

 

Kaleidoskop kultury twori srjedźišćo zarjadowanjow města

Cyły Novi Sad stanje hišće tónle měsac na Kaleidoskopje kultury z jewišćom. Nawjazujo na trend minjeneho lěta chcedźa z lětušim kalajdoskopom wjac hač tysac wuměłcow w měsće zhromadźić, kotřiž budu kulturu zhromadnosće we wjac hač 400 programach na awtentiske wašnje zwuraznić  a pokazać, zo Novi Sad kulturu wožiwja a sej ju z pomocu najwšelakorišich wuměłstwowych formow zwuraznjenja k žiwjenskemu stilej sčini. Wšitko to so stawa, zo bychu zamołwići a wobydlerjo wiziju „Novi Sad 2021 – Kulturna stolica Europy“ zwoprawdźili a to pod hesłom: „Spočatk noweho. Nětkole!”

Kaleidoskop2018 svečano otvaranje 1

 

Dalše informacije namakaće pod: www.novisad2021.rs

Anzeige