RCW pyta pomocnikow
Budyšin. Rěčny centrum WITAJ pyta serbskich młodostnych wot 16 lět, kotřiž chcyli we wubranych pěstowarnjach dwaj tydźenjej prózdninske dźěło wukonjeć. Nadawk prózdninskich pomocnikow je, so z dźěćimi serbskeje skupiny w serbskej rěči zaběrać. Dźěło budźe zarunane. Zajimcy njech so hač do pjatka, 19. junija, w RCW pod telefonowym čisłom 03591/55 04 00 přizjewja.
Brigada z duchownej hudźbu
Chrósćicy. Na swój duchowny koncert přeproša chór 1. serbskeje kulturneje brigady sobotu, 13. junija, w 19.30 hodź. do Chróšćanskeje cyrkwje. Zaklinča stare a načasne twórby duchowneje chóroweje hudźby. Wuměłski nawod změje Friedemann Böhme. Na pišćelach hrajetaj Johannes Kral a Michał Donat, klawěrny přewod přewozmje Gina Henčowa.
Na dźěćacy swjedźeń
