Lětnje wjesela w elementariju
Kamjenc. Wuhotowane z hódančkowym zešiwkom, lupu a lampu móža so dźěći w elementariju Kamjenskeho Muzeja zapadneje Łužicy w prózdninach podać na pytanje potajnych znamjenjow, kotrež maja tam za nje schowane. Muzej je nimo póndźele wšědnje wot 10 do 18 hodź. přistupny. Hižo jutře, sobotu, su swójby wot 13 do 18 hodź. přeprošene na germanski spektakl, a to na muzejowej zahrodźe.
Čitanje z Jurjom Kochom
Choćebuz. Choćebuski Serbski muzej přeproša zajimcow jutře w 19 hodź. na literarno-hudźbny wječork z Jurjom Kochom a Matthiasom Kießlingom. Titel zarjadowanja rěka „Wětšnik na kšywje/Das Windrad auf dem Dach“. Přitomny budźe tež słowjenski wuměłc Karl Vouk. Hižo we 18 hodź. chce wón hosći po swojej wustajeńcy wodźić.
Z kolesom pućować
Budestecy. Pućowanske towarstwo Biskopicy přeproša njedźelu, 19. julija, na kolesowarsku turu do Hornjeho kraja. Zetkanje je w 9 hodź. w Budestecach na parkowanišću róžk B 96/Dwórnišćowa. Čara je něhdźe 50 kilometrow dołha a wotměnjawa.
Filmy a klankodźiwadło