BMWje w klóštrje

Pančicy-Kukow. Štóž chce sej BMWje 8. serije, kotrež běchu w lěće 1989 prěni króć na wikach, cyle blisko wobhladać, ma k tomu jutře sobotu, 8. awgusta, přiležnosć. Wobsedźerjo tychle wosobnych awtow, čłonojo kluba 31, su tele dny po cyłej­ Němskej po puću. Jutře pak zastanu woni w Pančičansko-Kukowskim klóštrje Marijinej hwězdźe a su tam wot 11 do 14 hodź. k rěčam. Zawěsće wuda so za toho abo tamneho zajimca tež mała „tura po kraju“.

JANKAHANKA za dźěći

Smječkecy. We wobłuku Smječkečanskeho wjesneho swjedźenja tónle kónc tydźenja změja tam jutře, sobotu, wosebitu překwapjenku. Pod hesłom „White night openair“ přeprošeja na jónkrótny hudźbny wječor z kapału JANKAHANKA. Regularny zastup je w 20 hodź. Dokelž je to­ lětsa posledni koncert kapały a dokelž maja mjeztym tež wjele młódšich fanow, poskića hižo wot 18 hodź wosebity koncert jeno za dźěći. Tohodla přeprošeja wšitke młode swójby z dźěćimi na tónle jónkrótny mały dźěćacy koncert, hdźež změja tež najmjeńši fanojo ­składnosć, serbsku kapału raz live dožiwić.

Do prazwěrjenca