Pokiw gymnaziastam

Budyšin. Přijimanje nowačkow noweho šulskeho lěta w internaće Budyskeho Serbskeho gymnazija je zajutřišim, 23. awgusta, wot 18 do 21 hodź.

Hosćo z Kolína při haće

Němske Pazlicy. We wobłuku Kamjenskeje Boršće, kotraž wot dźensnišeho do štwórtka, 27. awgusta, traje, zahudźa tež dujerscy muzikanća z čěskeho Kolína. Wosebity koncert pak budźe njedźelu, 23. awgusta, w 17 hodź. w sportowym a wólnočasnym centrumje při Němskopazličanskim wulkohaće. 13. zarjadowanje tohole razu započnje so kaž přeco w 15 hodź. za wšitkich wopytowarjow ze zhromadnym kofejpićom.

Kritizuje „dengliščinu“

Budyšin. Pod hesłom „Wěcam mjeno dać“ porěči na rěčzachowanskim klubowym wječorku dr. Reiner Pogarelli z Paderborna, čłon předsydstwa Towarstwa němska rěč, wo tym, kak su města, wunamakanki a kraje k swojim mjenam přišli. Při tym wón wótrje „dengliščinu“ kritizuje. Přednošk wotměje so wutoru, 25. awgusta, w 19 hodź., w Budyskej Sprjewinej pensiji. Zastup je darmotny.

Pěstowarnja 60 lět