Pokiwy (09.10.15)

Freitag, 09. Oktober 2015
Artikel bewerten
(0 Stimmen)

Prěnje nazymske koncerty

Slepo. „Ha widźu-li ptačata ćahnyć“ ­zaklinči wotnětka, hdyž so na wjacorych městnach zaso nazymske koncerty ­wotměja. Prěnjej budźetej zajutřišim, njedźelu. W Slepjanskim Serbskim kulturnym centrumje zaspěwa wot 15.30 hodź. chór Łužyca. Popołdnjo w Radworskim hosćencu „Meja“ wuhotujetej wot 16 hodź. Serbski folklorny ansambl Wu­dwor a skupina Přezpólni. Hižo wot 15 hodź. poskićuja tam kofej a tykanc. Dalše koncerty budu 18. oktobra w Chrósćicach z Ćiskowskej rejwanskej skupinu (15.30 hodź.), w Njebjelčicach z chórom Lilija (15.30 hodź.) a w Lubinje ze zhromadnymi delnjoserbskimi chórami (16 hodź.).

Wustajeńca wo hrodźišćach

Budyšin. Z časom nastaća słowjanskich hrodźišćow w Hornjej Łužicy zaběra so nowa wustajeńca „Hrody, črjopy, spanjowe pjeršćenje – regionalna archeologija srjedźowěka“, kotruž wotewru jutře, sobotu, w 15 hodź. w Budyskim Měšćanskim muzeju. Po postrownych słowach wyšeho měšćanosty Alexandera Ahrensa (njestronjan) poda nawoda muzeja dr. Jürgen Vollbrecht dohlad do wob- jednaneje temy. K tomu zaklinči hudźba srjedźowěka, renesansy a baroka.

Veröffentlicht in Pokiwy
Bitte anmelden, um einen Kommentar zu posten

Serbska debata

Neuheiten LND