Z wječornikom do cirkusa

Dienstag, 08. März 2016
Artikel bewerten
(0 Stimmen)
Jedna z atrakcijow cirkusa William, kotryž  budźe wot štwórtka do njedźele w Malešecach, je přehladka rubježnych kóčkow.  Foto: Cirkus William Jedna z atrakcijow cirkusa William, kotryž budźe wot štwórtka do njedźele w Malešecach, je přehladka rubježnych kóčkow. Foto: Cirkus William

Malešecy (SN/MWj). „Rewolucija manežoweho wuměłstwa“ rěka program, z kotrymž přijědźe cirkus William z Mün­cheberga, městačka wuchodnje Berlina, přichodne dny do Malešec. Na tamni­šim sportnišću při Hućinjanskej dróze natwarja swój wulki cirkusowy stan a w nim­ wot štwórtka hač do njedźele wjacore razy swoje pokazki prezentuja.

Cirkus „William“ zjednoća moderne kaž tež tradicionalne dźěle cirkusoweho wuměłstwa a kombinuje dresury zwě­rjatow z naročnymi artistiskimi poskićenjemi. Tak dožiwja wopytowarjo kumšty dźesać swětłych kamelow runje tak kaž swětłych a ćmowych konjow. Jedyn z wjerškow zwěrjećich pokazkow budźe prezentacija wulkich kóčkow, w kotrejž budu lawy a tigry zhromadnje w maneži widźeć. Ale tež artistisce ma cirkus „William“ někotre wosebitostki w programje, kotrež su samo jónkrótne w Němskej. Tak prezentuje Deniro Wille postoj na rukomaj (Handstand), a to na powjazu. Dale změja w programje smjertne koło, westernsku show a wězo klawna. Mjez wuhotowarjemi programa su tohorunja čěscy artisća.

Veröffentlicht in Serwis
Bitte anmelden, um einen Kommentar zu posten

Serbska debata

Neuheiten LND