Budyšin (SN/CoR). Hudźbnu akademiju za dorost wutworić bě jedne z hłownych předewzaćow koncepta, z kotrymž bě Milena Vettrainowa 2010 jako indendantka Serbskeho ludoweho ansambla nastupiła. 2011 załoženej akademiji pak, hrožeše hnydom strach, zo financnych ćežow dla zwrěšći. Tomu pak tak njebě. Hačrunjež rěka dźensa prosće dorostowe studijo, so wone derje wuwiwa. Něhdźe 250 dźěći wukubłuje SLA dźensa na polu spěwa, reje a hudźby.