Njedźelu budźe posledni dźeń nalětnika. Njezabudźće tuž swoje časniki, błudźaki a dalše čas pokazowace nastroje, kotrež to hišće­ awtomatisce nječinja, na lětni čas přestajić. Kóžde lěto znowa pak rěka prašenje: hodźinu wróćo abo doprědka? Chceće-li njedźelu w prawym času na někajkim zarjadowanju być, přestajće swój časnik w nocy na njedźelu wot dwěmaj na třoch, potajkim­ wo hodźinu dale. Potom žane wažne terminy njeskomdźiće. Fotomontaža: SN/Hanka Šěnec

Čitajće w nowym rozhledźe (29.03.19)

Freitag, 29. März 2019 geschrieben von:

Přichodny Rozhlad budźe wotměnjawy kaž aprylske wjedro, ale wězo w pozitiwnym zmysle. „Sobu činić“ je jedna z temow. Měrćin Wjenk wěnuje so přidatnym pje­njezam za dwurěčnosć w sakskich komunach serbskeho sydlenskeho ruma a namołwja wobydlerjow, gmejnam pomhać naprawy zwoprawdźić, kotrež su woprawdźe na dobro serbšćiny.

Lěto 2019 je Mjezynarodne lěto indigenych rěčow. Ielyzaveta Waltherowa z Lipšćanskeho Instituta za sorabistiku rozprawja wo jeho wotewrjenju w januarje w Parisu. Wona měni, zo zmóžnja projektne lěto­ Serbam, na swoju dźěławosć skedźbnjeć a so z druhimi mjeńšinami, na přikład wo wuspěchach a njewuspěchach kubłanskich naprawow, wuměnjeć. To praji tež Rejzka Lipičec, kotraž lěto indigenych rěčow jako sobudźěłaćerka UNESCO sobu organizuje. Wona powěda wo pozadku a naprawach projekta UNO a ma konkretny namjet, kak móhli so Serbja wobdźělić.

Křižowka (29.03.19)

Freitag, 29. März 2019 geschrieben von:

Wodorunje: 1 surowizna za woblubo­wany tykanc, 3 afriska antilopa, 5 wi­kowanišćo twaršćiznow a podobne, 7 funkcija w Domowinje, 10 zwada, 14 škitna barba, 15 wone dźerža cholowy, 16 alfabet

Padorunje: 1 nic žona, 2 třělwa, 3 alkoholiski napoj, 4 Zjednoćene staty Ameriki, 6 luto­warnja, 8 njeznaty objekt w swětnišću, 9 dym, 10 Słowjan, 11 hubjenje, špatnje, 12 přitok Wolgi, 13 ... de Triomphe w Parisu

„Jutry w Serbach“ rěka nowa wosebita wustajeńca Budyskeho Serbskeho muzeja. Mónika Ošikowa a Rebecca Wöppelowa (wot­lěwa) staratej so tuchwilu wo poslednje přihoty. Wot zajutřišeho přistupna přehladka je modularnje koncipowana. Při­chodnje budźe tuž móžno, jednotliwe ćežišća – kaž su to křižerjo, nałožki, nabožne tradicije póstneho časa kaž tež jutrowne jejka – po po­trjebje kombinować. Paralelnje k wustajeńcy zaběži rjad dźěłarničkow kołowokoło debjenja jejkow. Foto: SN/Maćij Bulank

„Mała rejwana stawizna“ rěka wosebity program Serbskeho ludoweho ansambla, z kotrymž balet tuchwilu předewšěm w šulach wustupuje. Njedźelu SLA produkciju zjawnje pokaza, a to w 16 hodź. na swojej žurli w Budyšinje. Program rysuje stawizny reje wot barok­neho menueta přez folkloru hač k modernym dźensnišim rytmam. Foto: Toni Lehder

Budyšin. Kaž kóžde lěto přewjeduje Spěchowanski kruh za serbsku ludowu kulturu stajnje druhi kónc tydźenja póstneho časa jutrowne wiki w Budyskim Serbskim domje.

Mjeztym 26. zarjadowanje tajkeho razu je jutře a njedźelu wot 10 do 18 hodź. přistupne. Zastup płaći 2,50 eurow za dorosćenych, dźěći hač do 16 lět płaća 50 centow. Wopytowarjo móža tam debjerjam jutrownych jejkow při dźěle přihladować, so sami w pisanjenju pospytać a sej dobyćerske kolekcije lětušeho wubědźowanja wo najrjeńše jutrowne jejko wobhladać. Kóždemu 500. abo 1 000. wopytowarjej darja debjene jutrowne jejko.

Přichodny měsac zahaja přesydlenski proces w Miłorazu (na foće). Rozšěrjenja Wochožanskeje wuhloweje dla je mjeztym jasne, zo holansku wjes wotbagruja. Wjetšina wobydlerjow bě so hižo dawno za přesydlenje do Slepoho wuprajiła. Póndźelu wječor na wobydlerskej zhromadźiznje woni zhonja, kak budźe w přesydlenskim procesu postupowane. Foto: Jens Kaczmarek

Płastowka (08.03.19)

Freitag, 08. März 2019 geschrieben von:
Spočatk pytanych słowow 1–12 je wupokazany. 1 delnjoserbski zymski nałožk, 2 nic hakle druha, ale ..., 3 wodźěće na hłowu, 4 přewšo rjana­, 5 w NDR běštej HO a ..., 6 streicheln serbsce, 7 nic daloka, 8 krajina a horiny južneje Europy, 9 nic konsonanty, 10 nadpadnicy na morju, 11 krejne zajědojćenje, 12 žónske předmjeno

Kamjenska ludowa uniwersita poskića pohibowanske kursy pod hesłom hula-hoop. To rěka, zo wjerća wobdźělnicy specialne rynki wokoło talje, mjetaja je dowysoka a wukonjeja tak zdobom akrobatiske triki. Štóž ma zajim, móže so hišće na 2. kursu, kotryž­ so wot 11. februara wotměwa, pod telefonowym čisłom 03578/ 30 96 30 přizjewić. Foto: SN/Hanka Šěnec

Křižowka (01.03.19)

Freitag, 01. März 2019 geschrieben von:

Wodorunje: 3 hłuboka dźěra, 5 nic bratr, 6 cyłk słowow, 7 sudobjo, 10 ličba, 13 domjace zwěrjata, 14 dlěše powědančko, 15 rumnosć bydlenja

Padorunje: 1 pos, 2 znaty wuměłc, sportowc, 3 přewidny, ­swětły, 4 srědk hygieny, 8 skromnje žiworjacy, 9 satelit, 11 demonstracija, 12 nic stereo

Anzeige