Radwor (SN). Njedźelu wusyłatej Serbski rozhłós a jednotliwc serbske kemše z Radworja přez rozhłós, DAB+, přez livestream a zdobom tež na internetnej platformje Youtube. Farar Beno Jakubaš wita słucharjow a přihladowarjow doma při kompjuterach dypkownje w dźewjećich. Cyrkej pak wostanje zawrjena.
Za Youtube budźe wosadny z Radworja Božu mšu wusyłać. Jeho Budyske studijo SAEK „zdaloka poradźuje“, rjekny našemu wječornikej na naprašowanje nawoda studija Michał Cyž. „Škitne naprawy hladajo na coronawirus su přiběrali a mjeztym tak krute, zo njesměmy hižo z teamom dźěłać.“ Nadawk, kemše z kameru natočić a runočasnje wusyłać, ma tuž na městnje jenož jenička wosoba sama zmištrować. Wšako su po wukazu sakskeho knježerstwa, kotryž wot wčerawšeho hač do 20. apryla płaći, wšitke zhromadźizny, njehladajo na ličbu wobdźělnikow, zakazane a cyrkej zawrjena. W Chrósćicach budźe cyrkej njedźelu tohorunja začinjena a wottam tež žane kemše njewusyłaja.
Budyšin (SN/JaW). Jedna struchła powěsć tele dny tamnu honi, a to wšo małeho wirusa z mjenom corona dla. Nětko je tež Budyski Serbski muzej wot škitnych naprawow přećiwo rozpřestrěwanju coronawirusa potrjecheny a je hač do 19. apryla za wšo wopytowarstwo zawrjeny. Wo tym informuje nawodnistwo muzeja Christina Boguszowa naš wječornik w nowinskej zdźělence.
„Prosymy wo zrozumjenje, hdyž so tuchwilneho wohroženja přez coronawirus dla zarjadowanja w Serbskim muzeju njewotměwaja. To potrjechi w prěnim rjedźe wosebitu wustajeńcu ‚Jutry w Serbach‘“, rěka w zdźělence. Nimo toho su wšitke wustajeńcu přewodźace programowe dypki kaž wodźenja, dźěłarnički debjenja jutrownych jejkow, kaž tež kompletny jutrowny program wotprajene.
Wodorunje: 3 dojutrowny čas, 5 podwólny słužownik, 6 bóh lubosće, 7 rubježnik na morju, 10 dołhi sylny kadla, 13 nalětni měsac, 14 twjerda twaršćizna, 15 hłuboka dźěra
Padorunje: 1 modernje: špatny wuslědk, 2 rěka w Smolinach, přitok rěki Aller, 3 dźěl nohi, 4 njewjesta ptačeho kwasa, 8 myslička, 9 kopar FC Bayern, 11 grjekski pismik, 12 roman Zole
Zarjadowanja žane njejsu!
Coronapandemije dla njemóžemy tuchwilu žane zarjadowanja připowědźić. Wšako su statne instancy wšitkežkuli zjawne zetkanja zakazali! Tak su mjeztym nimale wšitke zarjadowanja hač do znajmjeńša 9. apryla, někotre samo hač do 19. apryla, wotprajene. Hač SLA, NSLDź, Wojerowska Łužiska hala abo Čornochołmčanski Krabatowy młyn, wšudźe pod aktualnej situaciju ćerpja. Tak namołwjamy tež my sobudźěłaćerjo a sobudźěłaćerki redakcije Serbskich Nowin wšitkich čitarjow a wšitke čitarki našeho wječornika, po předpisach zarjadow so měć, doma wostać a so socialnych zwiskow wzdać, byrnjež to tomu abo tamnemu ćežko było. Čim lěpje rozpřestrěwanju wirusa zadźěwamy, ćim prjedy móžemy so zaso zetkawać.
njedźelu hornjoserbsce
9:00 Kemše z fararjom Benom Jakubašom live z Radworja
11:00 Łužica tutón tydźeń – powěsće tydźenja a aktualki
11:20 Jan Michał Budar – prěnja serbska załožba
12:00 Nabožne wusyłanje
(Christoph Rummel)
po tym zbožopřeća
delnjoserbsce
12:30 Aktualny magacin, mjez druhim nowosće wo połoženju coronawirusa dla
13:00 Nekrolog Dieter Redo
13:40 Nabožne wusyłanje
(Christiana Piniekowa)
po tym zbožopřeća
Kulturu wuměny pěstować
Njebjelčicy. „Demoslam“ mjenuje so zarjadowanje, kotrež móža zajimcy jutře, sobotu, w 19 hodź. w Njebjelčanskej „Bjesadźe“ dožiwić. Tam chcedźa młodźi ludźo pokazać, kak móžeš so dźensa wo temach domizna, klimowa změna, kapitalizm a dalšich rozmołwjeć a sej rozdźělne nahlady wuměnjeć. Inowatiwna forma diskusije měješe spočatk měrca w Drježdźanskim hygienowym muzeju premjeru. Zarjadowanje budźe w němskej rěči.
Wustajeńca wo domiznje
Budyšin. Načasne fotografije a archiwne wobrazy swojeje etiopiskeje domizny pokaza fotografka Maheder Haileselassie wot jutřišeje soboty w Muzeju Budyšin. Jeje přehladku, kotruž wotewru w 15 hodź., je muzej přewzał wot Goethoweho instituta w etiopiskej stolicy Addis Abebje. Čućiwe fotografije wjedu wopytowarja do wotměnjateho a pola nas skerje njeznateho swěta, hdźež je jedna z najwuznamnišich kónčin Afriki za plahowanje kofeja.
Přeprošeja na paslenje