Tójšto serbskich běharjow

Donnerstag, 04. Januar 2024 geschrieben von:
Po rekordnym wobdźělenju w lěće 2019 z 449 běharkami a běharjemi a negatiwnej ličbu 86 startowacych w lěće 2021, wobdźělichu so na lońšich Budyskich silwesterskich běhach zaso 419 sportowčow a sportowcow. Mjez nimi běchu tójšto Serbowkow a Serbow. Tak na přikład Bosćij Knop, Daniel Měrćink, Martha Měrćinkec, Beno Šołta a Dawid Klieman (wotlěwa). Jakub Čórlich z Němcow doběža na distancy 10,8 kilometrow w starobnej klasy 35-39 jako třeći do cila, Roman Měrćink z Baćonja na čarje 5,4 kilometrow w samsnej starobnej klasy jako druhi a wosom sekundow za Měrćinkom Beno Šołta ze Sernjan jako třeći. Foto: David Klieman

Dobyće w poslednjej domjacej hrě

Mittwoch, 03. Januar 2024 geschrieben von:

Łužiske lodohokejowe liški – Starbulls Rosenheim 4:1 (1:0, 2:1, 1:0)

Liški trjechichu třeći raz w tutej sezonje na zestupnika do DEL2 Starbulls Rosenheim. Dotal móžeše kóždy team partiju za sebje rozsudźić. Tola hižo pjeć hrajnych dnjow dołho je pěsk pod smykačemi Baworčanow. Tak tež njejsu w Běłej Wodźe swoju seriju poražkow zadźeržeć móhli. Pola Łužičanow běžeše w decembrje cyłkownje jara pozitiwnje. Wot wosom partijow móžachu Liški pjeć za sebje rozsudźić a sej tak wažne dypki zawěsćić. Zajimawe pak, při štyrjoch duelach dyrbjachu módro-žołći do podlěšenja respektiwnje do třělenja penaltyjow a wudobychu sej stajnje jenož dwaj dypkaj. Dalši wažny to dopokaz za sportowsce ekstremnje wurunanu ligu.

W prěnjej třećinje mějachu hosćo optisce wjace hrajnych podźělow a mylachu natwar Liškow jara efektiwnje. W 11. min. pak zhubichu Lukáša Valášeka z wočow. Tón dźěše přez prawu stronu do přećiwniskeje třećiny, nawróćeny ka­pitan Clark Breitkreuz steješe złotoprawje a zaměstni puk k 1:0 nawjedowanju w saku.

Wuhódnoćenje połserije sezony

Mittwoch, 03. Januar 2024 geschrieben von:

Prěnja połserija sezony 2023/2024 je za wyšeho ligista Budissu Budyšin nimale zakónčena. Jednu hru dyrbja mjenujcy na zakładźe wjedrowych wuměnjenjow minjenych tydźenjow dla nachwatać. Mustwo trenarja Stefana Richtera hraje prěni kónc tydźenja februara pola stafloweho faworita w Kśišowje.

Městno w tabulce a wuwiće

Prěnje mustwo muži přezymuje na dźesatym městnje w tabulce wyšeje ligi. ­Loni bě to w samsnym času 18. městno, a z tym poslednje. Dźensa maja Budyšenjo štyri dypki předskoka na prěnje zestupne městno, kotrež ma tuchwilu mustwo ST 09 Arnstadt.

Domjaca a wonkowna bilanca

Cyłk z města ma cyłkownje 15 dypkow ze 14 hrow. Loni běše to 12 dypkow z 13 hrow. Štyri króć je Budissa dobyła, trójce njerozsudnje hrała a sydom poražkow přijimała. Na hru přińdźe tak na dypkowe konto Budissy přerěznje 1,07 dypkow (loni: 0,92 dypkow). Wosom li­čakow wudobychu sej Budyšenjo na ­domjacej Młynkec łuce a sydom dypkow na cuzych hrajnišćach. Wobhladaš-li sej přerězki dypkow za domjace a wonkowne hry, poda so hódnota 1,14 dypkow ­na hru na Młynkec łuce a jedyn dypk na cuzych hrajnišćach.

Wrota a wrotowy poměr

Wojerowčenjo dobyli

Mittwoch, 03. Januar 2024 geschrieben von:
Tež na kóncu lěta 2023 wubědźowaše so znowa wosom cyłkow w dwěmaj staflomaj we wjacezaměrowej hali na Budyskim Třělnišću wo wulku trofeju při tak mjenowanym regionalnym cupje firmy Schön, kotrež bě sportowe towarstwo Budissa Budyšin zarjadowało a wuhotowało. Hru wo třeće městno doby zastupnistwo z Bukec 4:0 přećiwo cyłkej z Hornjeho kraja a kónčnu hru koparjo Wojerowskeho FC 4:0 přećiwo mustwu Budissy Budyšin. Tež serbscy hrajerjo běchu na halowym parkeće zastupjeni, tak na přikład Patrick Woko (na wobrazu), kiž hraješe za Rakečanow. Foto: Jörg Stephan

Róžeńčenjo jubilejny turněr dobyli

Dienstag, 02. Januar 2024 geschrieben von:

30. koparski turněr wo pokal CDU we Worklecach

Dźeń do silwestra wojowachu koparjo wjesnych cyłkow zaso raz we Worklečanskej ćěłozwučowarni wo pokal CDU, tónraz hižo 30. raz. Na spočatku jubilejneho turněra witaštaj zapósłanc krajneho sejma Alojs Mikławšk a Elaine Jenčec (wobaj CDU), kiž bě patronka ­tohole woblubowaneho sportoweho ewenta, wšitkich wosom cyłkow do sportownje. Tež André Handrik, nawoda turněra a dr. Beno Wałda, Worklečanski chronikar a na tutym dnju zastupowacy wjesnjanosta, wšitkich hosći powitaštaj. Naposledk mjenowany pokaza před zahajenjom prěnjeje hry hišće raz wobraz loni zemrěteho Paula Šnajdera, tak zo wšitke mustwa wokomik na njeho spominachu.

Awtor dźensa Beno Šołta

Nowe lěto, nowe sportowe wužadanja! Tak to wšak kóždy znaje – tón jedyn abo druhi sej tež něšto dobreho přede-wza, snano so wjace hibać. Ale sprawnje prajene, je tajke šěre, chłódne nowe lěto wšo druhe hač dobra motiwacija. Radšo potom w nalěću, mojedla w meji sej hnydom plan zestajeć, kak móžeš wšědnje něšto za ćělnu strowotu činić. A najwažniši tip, kiž njesměće zabyć: radšo husćišo so hibać a krótšo, hač jenož jónu wob tydźeń a potom dołho. To sy dny po tym sprócny a lóšt tajke něšto zaso činić spěšnje zańdźe. Ale to jenož připódla, pohladamy raz na dwaj wjerškaj tutoho lěta.

Sport (29.12.23)

Freitag, 29. Dezember 2023 geschrieben von:

Motocross w Jaworje

Motocross na mjezynarodnej runinje změja w Jaworje klětu 31. awgusta a 1. septembra. Potom wubědźuje so tam najwoblubowaniša motocrossowa serija Europy: ADAC MX Masters na motocrossowej čarje Kaponica. Hač do jutřišeje soboty dóstanu kupcy na tikety hišće hodowny rabat.

Nowolětny turněr w Pančicach

Na předposlednim dnju lěta, 30. decembra, hraje so wot 13 hodź. w sportowni w Pančicach-Kukowje wólnočasny wolejbul. Přizjewiło je so dźesać mustwow, na přikład z Wotrowa, Kašec, Swinarnje kaž tež z Pančic-Kukowa.

Silwesterske běhi w Budyšinje

Přez 200 běharkow a běharjow je so hižo přizjewiło, Budyske lochkoatletiske towarstwo Čerwjeno-běli Budyšin 90 pak da dźensa hišće hač do połnocy chwile so pod www.baer-service.de za 56. Budyske silwesterske běhi bjez přidatnych kóštow přizjewić. Štóž so po tym online abo na městnje přizjewi, dyrbi přidatnje 3 eurow zapłaćić. Start a cil budźetej w stadionje Młynkec łuka, běha so w Humbodtowym haju. 9.30 hodź. započnjetej so hłownej běhaj na distancomaj 5,4 km a 10,8 km, dźesać mjeńšinow pozdźišo wubědźowanje na čarje 2,6 km.

Dypkaj na druhim hodownym swjatym dnju

Donnerstag, 28. Dezember 2023 geschrieben von:

EV Landshut – Łužiske lodohokejowe liški 0:1 p.tř.p. (0:0,0:0, 0:0 - 0:1)

Na druhim hodownym swjatym dnju dźěše jězba za Łužiske lodohokejowe ­liški do delnjeje Bayerskeje k EV Landshut. Překwapjenkow w zestawje Liškow žanych njebě. Matthew Galajda dósta we wrotach předstup před Nikitu ­Quappom a Sam Dove-McFalls suny so zaso do zestawy. Landshut startowaše spěšnje do hry a Matthew Galajda smědźeše hnydom prěni wutřěl dźeržeć. Ale tež Liški běchu wot spočatka sem wo­tućene. Sam Dove-McFalls skedźbni z prěnjej dobrej móžnosću po dwě a poł mjeńšinje na so. Potom kwalita hry ­trochu spadny. Wjele misnjenjow a njedokładnych přihrawkow běše widźeć. ­Tola Landshut bě mustwo z mjeńšej kwotu zmylkow. Wone měješe tež wjace wobsydstwa puka, ale defensiwa Liškow bě kóždy čas kedźbliwa. W 15. min. ­sydaše prěnje chłostanje přećiwo Landshutej. Tak nasta šansa za Liški w po­werplayju. Hobersku móžnosć měješe krótko do přestawki hišće raz Sam Dove-McFalls, tola wrotar Jonas Langmann bě na městnje (20.). Tak wosta při 0:0.

Nócny wolejbulowy turněr serbskeho młodźinskeho towarstwa PAWK zašły pjatk w Radworju z dwanaće mustwami je cyłk z mjenom „Truskalcowy dwór“ dobył. To bě zastupnistwo z hrajerkami a hrajerjemi Serbskeho gymnazija Budyšin. Mjez wobdźělnikami běštej tež studentskej zastupnistwje z Lipska a Drježdźan. Foto: Konstantin Hrjehor

Zasłužene dobyće Běłowodźanow

Mittwoch, 27. Dezember 2023 geschrieben von:

Łužiske lodohokejowe liški –

Bietigheim Steelers 3:1

(1:0, 0:0, 2:1)

To bě napjata a zabawna hra Łužiskich liškow přećiwo Bietigheimej Steelers. Ně­hdźe 50 do 60 fanow bě z Bietigheima přijěło a wótře swoje mustwo podpěrało. Tež fanojo Běłowodźanow činjachu porjadnje balet.

Najprjedy popřeještej sej wobě mustwje krótku fazu wottasanja. Pola hosći dyrbi so přispomnić, zo chcychu mocy lutować, přetož z rjadom mjenje běše jenož prašenje časa hdy su mocy hrajerjow přetrjebane. Genialna přihrawka Roope Mäkitala na sobuběžaceho Sebastiana Zaunera wobradźi Liškam zasłužene nawjedowanje 1:0 w 16. min.

Serbska debata

Neuheiten LND