Awtor dźensa
André Strelow
W prěnim tydźenju nazymskich prózdnin přebywaše naša swójba w Amsterdamje. Nimo polderow – to su rěki –, wětrnikow a twarožkarnjow, wobhladachmy sej tež muzejej Vincenta van Gogha a Anne Frank. Kaž pola domoródnych bě naš pohibowanski srědk koleso. Wužichmy přichilnosć hodźiny a wupožčichmy sej e-kolesa. W susodnym kraju płaća pak hinaše prawidła přizwolenja. Tak jědźeše moje koleso jasnje spěšnišo hač 25 km/h. Pola 40 km/h bu spodźiwne, spěšnišo nochcych jěć, wšako domoródni kolesowarske šćežki derje wužiwaja. Wone su husto jenak šěroke kaž dróhi za awta wutwarjene.
Jako něhdyši kopar wobhladach sej wězo stadion koparskeho kluba Ajax Amsterdam a tamniši dorostowy centrum. Kowarnja Ajaxtalentow, mjenowana „De Toekomst“, štož přełožene „přichod“ rěka, leži direktnje při stadionje. Přistup bě bjez problemow móžny.
Wažna „šěsćdypkowa“ hra
SC Freital a Budissa Budyšin hrajetej dźensa wječor w Freitalu. Jutře su potom mjez druhim zaso Chróšćenjo wužadani. Po wokrjesnym derbyju pojědźe cyłk nětko do Wojerec. Budźe to tak mjenowana šěsćdypkowa hra, dokelž staj wobaj cyłkaj wot zestupa wohroženaj.
06.10. 19:00 SC Freital – Budissa
07.10. 14:00 Biskopičanske KT –
FC Jednota Rudolstadt
07.10. 15:00 Wojerowski FC –
SJ Chrósćicy
07.10. 15:00 VfB Běła Woda –
Rakečanske ST
07.10. 15:00 ST Hnašecy-Dobruša –
Sokoł Ralbicy/Hórki
07.10. 15:00 Arnsdorfske KT –
SJ Chrósćicy II
08.10. 12:30 HZ Ralbicy/Pančicy II –
ST Lubuš II
08.10. 13:00 Jednota Kamjenc –
Módro-běli Njeswačidło
08.10. 14:00 SZ Drjewnica –
ST Marijina hwězda
08.10. 15:00 SJ Njebjelčicy –
Wulka Dubr./Radwor II
08.10. 15:00 ST Radwor –
SC Großröhrsdorf
08.10. 15:00 Drohotka Ramnow –
Módro-běli Kulow
Dołhe a napinace kilometry
SJ Njebjelčicy –
HZ Halštrow/Hlinowc II 3:0 (0:0)
Zestawa domjacych: N. Hahn – S. Schulze, A. Reinecke, C. Reinelt, D. Wagner (46. D. Cyž), R. Hanuza, J. Matješk, J. Wićaz (46. R. Heymann), T. Čornak, N. Rudolf, S. Rachela
Při słónčnym wjedrje witachu koparjo SJ Njebjelčicy k derbyjej hrajne zjednoćenstwo Halštrow/Hlinowc.
Prěni połčas bě poměrnje wurunany. Wobě stronje měještej wjele šansow. Tute pak njemóžeštej k wrotam přetworić. Na stronje domjacych je předewšěm defensiwa nadběhi přećiwnika wotwobarała, štož hosći zadwělowaše.
Kopańca, wokrjesna klasa stafla II
1. TSV Połčnica II 4 21 : 2 12
2. Lomnitz-Großnaund. II 6 15 : 12 10
3. FV Ottendorf-Okrilla II 5 14 : 7 9
4. ST Haselbachtal 5 16 : 10 8
5. ST Liegau-Augustusbad 5 13 : 9 8
6. SC Großröhrsdorf II 3 6 : 4 7
7. TSV Wachau II 6 8 : 13 7
8. Arnsdorfske KT II 5 13 : 14 5
9. HZ Bretnid-Hauswalde II 4 8 : 8 4
10. Großhart./Porchow II 6 7 : 20 2
11.SG Frankenthal II 5 4 : 26 1
wokrjesna klasa stafla III
Njeswačidło – Ralbicy II/Panč. II 1:1 (1:1)
HZ Halštrow/Hlinowc II –
HZ Wulka Dubrawa II/Radwor II 2:3 (0:1)
Jednota Kamjenc – SJ Njebjelčicy 1:1 (0:1)
1. Zeleno-běli Sepicy 5 18 : 6 12
2. Wul. Dubrawa/Radwor II 5 20 : 12 12
3. HZ Běła/Cunnersdorf/Něm. Pazlicy III
5 24 : 13 10
4. ST Lubuš II 4 15 : 5 10
5. Módro-běli Njeswačidło 5 10 : 11 7
6. SJ Njebjelčicy 6 13 : 15 7
7. HZ Ralbicy II/Pančicy II 5 9 : 11 7
8. Wujězd/Łaz/Běł. Chołmc 6 18 : 16 6
9. HZ Halštrow/Hlinowc II 6 8 : 13 6
10. Jednota Kamjenc 5 11 : 13 5
11. FSV Łuty II 6 1 : 32 0
Za Worklecy hrajachu: Beno a Jakub Bobka, Marko Brězan, Ludwig Eckert, Stephan Gedik, Elias Kummer, Marcel Rjelka, Józef Šnajder, Daniel Wałda a Šćěpan Wjeńka (runočasnje trenar mustwa)
Kejžorske wjedro spočatk nazymy, nimale 70 přihladowarjow, wjele swójbow z dźěćimi, wospjetna pjenježna zběrka wolejbulistow za dźěćace hospicne dźěło, wulka tombola ze sportowym fotografom Jörgom Stephanom jako dobyćerjom, kiž swoje myto tohorunja za dobry zaměr k dispoziciji staji, a na kóncu tři dypki za hosćićelow – prěni domjacy hrajny dźeń w sakskej klasy bě za Worklecy wulkotny a wuspěšny „event“.
Viktoria Worklecy –
VfL Pirna-Copitz 0:3 (28:30, 25:27, 15:25)
ST Horni kraj Sprjewja –
ST Radwor 5:0 (3:0)
Zestawa hosći: Ehrlich – M. Grubert, Schäfer, Glücklich, Paška, Reinecke, Pěčak, Schöne (52. B. Grubert), Castejon (73. Dej), Schulze, Šnajder (54. Seiler)
Wosrjedź serije poražkow steješe za Radworskich koparjow dalše wulke wužadanje před durjemi – načolnik z Hornjeho kraja. Hosćo běchu najebać toho chětro motiwowani.
Spočatny ćišć hosćićela móžachu so cyle derje wotwobarać. Tež někotre rjane přihrawki nastachu. Tola njedorozumjenje w 14. min. wužichu koparjo z Hornjeho kraja k 1:0. To šokowaše hosći z Radworja. Jenož dwě mjeńšinje pozdźišo njeběchu hosćo po róžku domjacych prawje přirjadowani a tak steješe 0:2 (16.). Po tym móžach so hosćo tróšku stabilizować. Tež doprědka mějachu někotre akcije, při čimž pak njemóžachu so mytować. Faworizowany domjacy cyłk přeco zaso z agresiwnymi dwubojemi překwapješe a sej bule zdobywaše. Krótko do kónca połčasa połoži nadběhowar bul před wrota a hižo steješe 3:0.
FC Energija Choćebuz – ZFC Meuselwitz 2:1 (1:0)
Zestawa Energija: Sebald – Slamar, Hildebrandt (68. Milde), Campulka, Borgmann, Hofmann (39. Juckel), Putze (46. Pelivan), Hasse (81. Oesterhelweg), Heike, Thiele, Euschen (68. Bornemann)
Choćebuz jako druhi tabulki měješe při partiji přećiwo Meuselwitzej zbožo, jako krótko po wrotach hosći k 2:1 pokutny kop za ZFC sydaše. Šansu pak hosćo wuwostajichu a třělichu na łatu. Podobnje wjele zboža mějachu w 90. min., jako wrotar Sebald bul k přećiwnikej wotwobara. Sebald pak dodatnje blisko žerdźe wobhladanjahódnje dalši pospyt wotwobara.
Wot Heike třěleny róžk w 13. min. namaka Campulku, kiž móžeše zlochka z hłowu 1:0 třělić. 19lětnemu Janisej Jucklej poradźichu so spočatk druheho połčasa swoje druhe sezonowe wrota. Zo so po wrotach 1:2 hosći zaso raz wulke třepotanje započa, zaležeše na zmužićišich hosćoch, ale tež na njewěstosći FC Energije. Na kóncu pak knježeše tola spokojnosć pola Choćebuskich fanow, přetož z tutym wuspěchom je so FCE hišće bóle načolnikej z Greifswalda přibližił. Georg Zielonkowski
Sokoł Ralbicy/Hórki – ST Ćisk 5:0 (2:0)
Zestawa domjacych: Ch. Gloxyn – Woko, Heidorn, Al. Wałda, Matka, D. Gloxyn, Mjechela (85. Budar), Schultz (57. Korjeńk), Rachela, Šołta (71. An. Wałda), Domaška (71. Šiman)
Sokoljo hraja tuchwilu jara dobru a zasadźitu kopańcu a su tuž za kóžde mustwo njepřijomny přećiwnik. Přiwisnicy delanskeho mustwa ničo druhe njewočakowachu hač jasne domjace dobyće.
Wot spočatka Sokoljo tole tež pokazachu a hižo po 8 mjeńšinach nawjedowachu. Hosćo z Ćiska stejachu přewysoko, tak zo Paul Rachela po dołhej přihrawce wot srjedźneje linije sam na wrota běžeše a lesćiwje k nawjedowanju přetwori. W slědowacych mjeńšinach mějachu Pětr Domaška, Denny Gloxyn, Dawid Šołta, Aleksander Wałda kaž tež Andy Schultz dalše móžnosće, nawjedowanje wutwarić, tola kulowata koža nochcyše prosće přez wrotowu liniju. Paul Rachela pak měješe njedźelu złotu nóžku a po znowa sylnym wuhratym nadběhu na 2:0 zwyši (30.).
Kopańca, wokrjesna wyša liga
Kulow – Biskopičanske KT II 0:3 (0:2)
Horni kraj-Sprjewja – Radwor 5:0 (3:0)
Němske Pazlicy – Ramnow 2:0 (2:0)
Sokoł Ralbicy/Hórki - ST Ćisk 5:0 (2:0)
1. ST Horni kraj-Sprjewja 6 23 : 1 18
2. Biskopičanske KT II 6 21 : 3 15
3. Sokoł Ralbicy/Hórki 6 17 : 5 15
4. TSV Połčnica 6 14 : 9 15
5. ST Hnašecy-Dobruša 6 30 : 10 13
6. Módro-běli Kulow 6 13 : 9 11
7. SG Großnaundorf 6 12 : 16 10
8. Natwar Němske Pazlicy 6 14 : 23 8
9. SC Großröhrsdorf 6 11 : 9 7
10. HZ Łaz/Běły Chołmc 6 4 : 12 6
11. Drohotka Ramnow 6 14 : 14 5
12. TSV Wachau 6 17 : 21 5
13. Hlinowski SK 6 12 : 17 4
14. ST Radwor 6 6 : 24 4
15. FV Ottendorf-Okrilla 6 4 : 14 1
16. ST Ćisk 6 6 : 31 0