Sport (08.06.18)
Koparske derbyje
W Njebjelčicach změja njedźelu dwaj koparskej derbyjej, w Radworju jedyn. We wokrjesnej wyšej lize wočakuja Radworčenjo w 15 hodź. koparjow z Ralbic. W Njebjelčicach hraja w 13 a 15 hodź. Najprjedy rěka přećiwnik tamnišeje rezerwy Natwar Němske Pazlicy II, po tym nastupitej prěnjej mustwje přećiwo sebi.
Dalše koparske hry
09.06. 15:00 LSV Hory II –
Módro-běli Kulow II
09.06. 15:00 SJ Chrósćicy –
LSV Nowe Město
09.06. 15:00 SC Großröhrsdorf –
Módro-běli Kulow
09.06. 15:00 Rakečanske ST –
ST Budyšin
10.06. 13:00 ST Marijina hwězda –
HZ Łaz/Běły Chołmc
10.06. 13:00 SJ Chrósćicy II –
HZ Wulke Ždźary
Klóšterscy koparjo přeprošuja
Prěnje koparske mustwo ST Marijineje hwězdy přeprošuje swojich přiwisnikow na poslednju domjacu dypkowu hru sezony 2017/2018, kotraž budźe njedźelu wot 13 hodź. w Pančicach. Přećiwnik je HZ Łaz/Běły Chołmc. Wo ćělne derjeměće postara so hosćićel sam, wudawki přewozmje mustwowa kasa.
Turněr stareje gardy
Zasłužene dobyće
SV Haselbachtal – ST Marijina hwězda 1:3 (1:2)
Zestawa hosći: O. Schmidt – Wróbl, T. Škoda, Jurš, Lipič, Winkler, Kuring, O. Hawš, P. Schmidt (57. R. Hawš), Eldor (57. A. Škoda), Pakoßnick (82. Peschmann)
Zo dóstanje trenar we wokrjesnej lize přez nóc přidatne běłe włosy, njeje rědka wěc. Erwin Kleinmann, koparski trenar ST Marijineje hwězdy, pak měješe w Rychbachu woprawdźity luksusowy problem. Wšako měješe 19 hrajerjow k dispoziciji. Na zbožo je prawu startowu formaciju namakał. Z angažowanym wukonom poradźi so jeho chowancam dobyće 3:1 pola pjateho tabulki w Haselbachtalu. Akcija Jakobusa Kuringa wjedźeše w 10. min. k 1:0 za hosći. Kuring bě so přez centrum předrěł a posłuži swobodnje stejaceho Jakoba Pakoßnicka, kiž bul ze 14 metrow do syće sadźi. Wotmołwa hosćićela pak njedaše dołho na so čakać. Damian Hommel z mócnej a preciznej třělwu wuruna. Za poměry we wokrjesnej lize bě to dobra hra. Traješe pak hač do 32. min. k dalšim wrotam. Alex Winkler pósła na prawym křidle Pakoßnicka, kiž posłuži Alija Eldora. A tón trjechi ze zdalenosće pjeć metrow k 1:2.
Wuslědki (07.06.18)
Kopańca, NOFV-wyša liga
1. Biskopičanske KT 30 70 : 16 74
2. FC International Lipsk 30 59 : 21 62
3. FC Carl Zeiss Jena II 30 67 : 39 60
4. VFC Plauen 30 55 : 53 55
5. FC Eilenburg 30 50 : 32 50
6. TV Askania Bernburg 30 59 : 38 47
7. FC Einheit Rudolstadt 30 56 : 43 46
8. VfB 1921 Kśišow 30 61 : 64 39
9. VfL 96 Halle 30 28 : 39 37
10. SG Union Sandersdorf 30 54 : 54 36
11. BSG Wismut Gera 30 41 : 54 34
12. 1. FC Lok Stendal 30 36 : 54 33
13. FSV Barleben 30 35 : 54 33
14. SV SCHOTT Jena 30 29 : 61 33
15. Jednota Kamjenc 30 34 : 51 22
16. SV Merseburg 99 30 29 : 90 12
wokrjesna liga, stafla II
Łaz/Běły Chołmc – Něm. Pazlicy 1:1 (1:0)
Wulke Ždźary – Wojerowski FC II 1:2 (0:1)
Ćisk II – Nowe Město II 5:0 (2:0)
FSV Łuty – ST Lubuš2:1 (0:1)
SJ Njebjelčicy – Wulka Dubrawa 1:5 (0:1)
Zeleno-běli Sepicy – Rakecy II 4:2 (1:1)
Nadr. Hrabowka – SJ Chrósćicy II 1:2 (0:0)
Haselbachtal – Marijina hwězda 1:3 (1:2)
1. Natw. Němske Pazlicy 28 95 : 27 67
2. ST Marijina hwězda 28 73 : 29 55
3. SJ Njebjelčicy 28 62 : 45 52
4. ST Lubuš 28 65 : 43 51
5. SV Haselbachtal 28 72 : 53 48
6. HZ Łaz/Běły Chołmc 28 51 : 34 48
7. Wojerowski FC II 28 59 : 50 42
8. Nowe Město II 28 51 : 67 39
9. FSV Łuty 28 52 : 66 38
10. ST Wulka Dubrawa 28 53 : 61 37
11. ST Ćisk II 28 53 : 61 33
12. Nadrózna Hrabowka 28 52 : 68 30
13. Rakečanske ST II 28 36 : 63 27
14. SJ Chrósćicy II 28 45 : 87 27
15. HZ Wulke Ždźary 28 38 : 57 26
16. Zeleno-běli Sepicy 28 28 : 74 18
wokrjesna klasa, stafla IV
Połčnica II – Němske Pazlicy II 2:0 (0:0)
Kinsp./Łužnica II – Hermsdorf II 4:0 (1:0)
Njebjelčicy II – Sepicy II 6:0 (2:0)
Haselbachtal II – Großnaund. II 2:2 (1:1)
Hlinowc – Liegau-Augustusbad 5:6 (5:3)
1. Liegau-Augustusbad 18 69 : 15 48
2. Lom.-Großnaundorf II 18 46 : 18 38
3. ST Hlinowc 18 60 : 25 37
4. TSV Połčnica II 19 46 : 42 34
Derbyjowa generalka so cyle njeporadźiła
ST Budyšin – ST 1922 Radwor 2:2 (2:0)
Zestawa hosći: Kral – Wjeńka, Šěrak, Omran, Zähr, Rachela (80. Kubitz), Nuk, Mark, Glücklich (71. Hetaš), Kurjat, Schulze
Stafloweho konkurenta ST Budyšin znaja Radworscy koparjo hišće ze swojeho časa we wokrjesnej lize. Dobre dopomnjenki na hrajnišćo w sprjewinym měsće a na přećiwnika runjewon žane nimaja. Tak chcychu to změnić.
Wuslědki (06.06.18)
Kopańca, wokrjesna wyša liga
Bukecy – Kulow 3:2 (2:2)
Großröhrsdorf – Kumwałd 1:0 (1:0)
ST Budyšin – ST Radwor 2:2 (2:0)
Hnašecy-Dobruša – Wojerercy 2:1 (1:0)
Kinspork/Łužnica – Rakecy3:1 (0:1)
Drohotka Ramnow – LSV Hory 1:2 (1:0)
SG Großnaundorf – ST Wjelećin 2:2 (2:1)
Sokoł Ralbicy/Hórki – Budyšin 0:4 (0:2)
1. SC Großröhrsdorf 28 57 : 17 64
2. Rakečanske ST 28 68 : 43 54
3. Póst Germania Budyšin 28 64 : 39 47
4. Motor Kumwałd 28 57 : 35 47
5. Wojerowski FC 28 55 : 35 47
6. Drohotka Ramnow 28 59 : 58 42
7. LSV Hory 27 62 : 57 41
8. Módro-běli Kulow 28 55 : 32 40
9. SG Großnaundorf 28 50 : 49 39
10. Sokoł Ralbicy/Hórki 28 42 : 50 37
11. ST Hnašecy-Dobruša 27 52 : 60 32
12. ST Kinspork/Łužnica 28 57 : 57 31
13. ST Wjelećin 28 55 : 83 31
14. ST Radwor 28 54 : 64 30
15. Zeleno-běli Bukecy 28 34 : 81 22
16. ST Budyšin 28 35 : 96 14
wokrjesna liga, stafla I – čoło tabulki
1. TSV Połčnica 28 108 : 26 70
2. ST Porchow 28 67 : 23 62
3. Traktor Malešecy 27 68 : 35 55
4. TSV Wjernarjecy 28 72 : 43 53
Zestupne městna wopušćili
ST Nadrózna Hrabowka – SJ Chrósćicy II 1:2 (0:0)
Zestawa hosći: Matješk – A. Dórnik, Mark, Bětnar, F. Dórnik, Zahrodnik (90. Klimant), Dehn, Domaška, Mohaupt, Liznar, Šmit
Sezona so pomału nachila, tež za koparsku rezerwu Chróšćanskeje SJ. Dobyće w mocyměrjenju z Nadróznej Hrabowku bě za nju tuž jara wažny krok přećiwo zestupej. Na spočatku prěnjeho połčasa koncentrowaštej so mustwje na stabilny škit wrotow. Tak widźachu přihladowarjo tam jenož mało akcijow. Prěnju wulku móžnosć k nawjedowanju mějachu domjacy, jako po wólnym kopje hnydom třo akterojo sami před Matješkom stejachu a bul z pjeć metrow nimo wrotow sunychu. Přirjadowanje w defensiwje Chróšćanow tu scyła njetrjechješe. Po „budźaku“ pak so woni zaso zhrabachu a wuwojowachu sej dale a wjace podźělow. Přiwšěm poradźichu so jim jenož poměrnje njedokładne dołhe třělwy. Druhdy so tola poradźi, hrajny nastroj hač do šěsnatki přećiwnika přinjesć, trělwy na wrota pak běchu přesłabe. Tež pospyty Feliksa Dehna z druheho rynka njewjedźechu k wuspěchej, a tak dźěše bjez wrotow do přestawki.
Přećiwnik klasu lěpši był
Sokoł Ralbicy/Hórki – Póst Budyšin 0:4 (0:2)
Zestawa domjacych: Ch. Gloxyn – Rawš, Šewc, Zynda, Materna, S. Bjeńš, Domaška, Kurjat (69. Kobalc), Janca (46. K. Matka), M. Matka, Korjeńk
Duel přećiwo koparjam Pósta Budyšin skónči so za Sokoł z jasnej poražku – a to bě w porjadku tak. Wot spočatka běchu hosćo robustniši, agilniši a wuhrachu sej dobre składnosće. Sokoljo mějachu wulke ćeže, bul w swójskich rjadach dźeržeć. W 6. min. docpě dołha třělwa Budyskeho nadběhowarja. Wrotar Sokoła Chrystof Gloxyn pak wosta na liniji stejo, a tak njeměješe přećiwnik ćeže, z pjeć metrow do čorneho trjechić. Hosćo wuhrachu sej dalše móžnosće, kiž pak dźěchu wšě pódla wrotow. Po poł hodźinje steješe 0:2, jako dalši kopar Pósta Budyšin po kombinaciji ze zdalenosće dwanaće metrow nisko trjechi.
Titul wicemištra sej wubědźili
Pjeć dobyćow, jedyn remis a jenička poražka postarachu so wo wulkotne druhe městno Worklečanskich koparskich přećelow na 14. fanowych mišterstwach FC Energije Choćebuz. Přećiwo Choćebuskim kickeram 2016 su woni 3:0 dobyli. Wrota docpěchu Dawid Matik, Tomaš Čornak a Tobias Hejduška. Wrota Tomaša Cuški a Richarda Kmjeća přećiwo teamej VKL Soccer Choćebuz zawěsćichu jim dalše tři dypki po dobyću 2:1. Jeničce pozdźišemu dobyćerjej wubědźowanja Collettivo Bianco Rosso serbscy hrajerjo z 0:2 podležachu. A to bě jich jenička poražka w běhu turněra.
Dalši wuspěch 1:0 wokoło najlěpšeho třělca dnja Tomaša Cuški zaručichu sej čornokošlacy přez wrota Cuški přećiwo kolektiwej Frontside. Samsny wuslědk docpěchu přećiwo Južnobraniborskim kadlam (Čornak). Z dobyćom 2:1 skónči so šeste zetkanje. Za chowancow Handrija Bjedricha trjechištaj Matik a Hejduška. K zakónčenju hrajachu 1:1 přećiwo Fanowemu klubej Delnja Łužica (Kmjeć).
Njekoncentrowanosć k poražce wjedła
ST Ćisk – SJ Chrósćicy 5:2 (2:1)
Zestawa SJC: Králíček – Cyž, Sentiwan, Hrdlitschka, Šiman, M. Zahrodnik, Henčl, Runt, Žur, G. Zahrodnik (65. Młynk), Němec (83. Bogusz)
33. Hušćanski parkowy běh wotměty
Serbscy starterojo sobu na prědnich městnach
W lěće 1986 přewjedźe Sportowe zjednoćenstwo Huska prěni króć wurisanje běharjow, kotrež njeje wot toho časa ženje wupadnyło. Kóžde lěto wubědźowachu so tam serbscy atleća sobu, a to přeco dosć wuspěšnje.
Na 33. Hušćanskich parkowych běhach je tež dźesatk Serbow mjez cyłkownje 282 atletami swoju spěšnosć a wutrajnosć z brawuru měriło. Wubědźowanja hódnoćachu tam za rjadnu lisćinu Wopačanski cup běharjow.
Jednotliwe čary běchu 1,0/2,0/6,5 a 13 km. Na 1,0 km a 2,0 km wubědźowaše so cyłkownje 122 młódšich a staršich šulerjow, a k tomu tři předšulske dźěći. Wuběrnje wobstali su na běhu 1,0 km pod wosom lětami hnydom třo Bejmakec hólcy z Radworja: Caspar-Dominik (rodź. 2013 – 7:50 min), Benjamin (rodź. 2016) a Julian (rodź. 2011), wobaj běštaj po 8:12 min w cilu! Gratulaciju!
