Ralbičanska stara garda druha najlěpša we wokrjesu
Na wokrjesne mišterstwa starych knjezow starobneje klasy nad 35 lětami bě sej Zapadołužiski koparski zwjazk do ćěłozwučowarnje we Wojerowskej Powołanskej šuli Konrada Zusy wosom cyłkow přeprosył. Přijěło je sydom mustwow, Rakečenjo krótkodobnje wotprajichu. Wšitcy hrajachu přećiwo sebi, a to stajnje dźesać mjeńšin. Po lońšej premjerje a tam docpětym štwórtym městnje so nětko tež zaso Sokoljo z Ralbic/Hórkow wobdźělichu.
Wuslědki (12.12.17)
Wokrjesna wyša koparska liga
Rakečanske ST – Ralbicy/Hórki 4:1 (2:0)
Wojerowski FC – Großnaundorf 1:0 (1:0)
Hory – Bukecy3:6 (2:3)
Radwor – Hnašecy-Dobruša 1:2 (1:1)
1. SC Großröhrsdorf 15 29 : 5 37
2. Wojerowski FC 15 30 : 20 30
3. Módro-běli Kulow 14 38 : 13 28
4. Rakečanske ST 15 36 : 22 27
5. SG Großnaundorf 15 31 : 22 25
6. Motor Kumwałd 15 28 : 22 25
7. LSV Hory 15 37 : 34 22
8. ST Hnašecy-Dobruša 15 29 : 29 21
9. Drohotka Ramnow 15 30 : 31 21
10. Sokoł Ralbicy/Hórki 15 19 : 22 21
11. Zeleno-běli Bukecy 15 24 : 40 17
12. Póst German. Budyšin 15 25 : 27 15
13. ST Wjelećin 14 27 : 38 15
14. ST Radwor 15 30 : 36 14
15. ST Kinspork/Łužnica 15 22 : 42 10
16. ST Budyšin 15 14 : 46 7
krajna klasa
Borea Drježdźany – Drježdź. SC 2:1 (1:0)
Neugersdorf II – Mužakow 0:0 (0:0)
1. FSV Nowosólc-Hródk 13 38 : 18 26
2. FSV Oderwitz 13 33 : 22 26
3. LSV Nowe Město 14 38 : 32 24
4. Laubegast 14 34 : 29 24
5. Čerwj.-běli Mužakow 14 34 : 22 21
6. ST Horni kraj-Sprjewja 13 32 : 20 20
7. FC Neugersdorf II 14 30 : 21 20
8. SG Weixdorf 14 27 : 28 20
9. SZ Drježdźany-Strěžin 12 31 : 16 17
10. SJ Chrósćicy 13 20 : 32 15
11. ST Ćisk 13 19 : 30 14
12. SC Borea Drježdźany 14 25 : 46 14
13. ST Trjebin 12 13 : 37 12
14. Drježdźanski SC 13 24 : 45 8
NOFV-wyša liga
Biskopicy – Lok Stendal 3:0 (1:0)
International Lipsk – Halle 4:0 (2:0)
Wismut Gera – Sandersdorf 0:3 (0:1)
1. Biskopičanske KT 15 36 : 6 38
2. FC International Lipsk 15 37 : 7 36
3. VFC Plauen 14 20 : 14 31
4. FC Eilenburg 15 29 : 10 29
5. FC Carl Zeiss Jena II 14 26 : 19 25
6. TV Askania Bernburg 15 25 : 19 23
7. SG Union Sandersdorf 15 29 : 24 21
8. VfL Halle 14 12 : 17 18
Poslednju hru połserije dobyli
VSG Altglieniecke
– FC Energija Choćebuz 0:2 (0:1)
Zestawa hosći: Spahić – Starcew, Matuwila, Stein, Schlüter, Kruse, Zimmer (82. Zickert), Weidlich, Gehrmann (57. de Freitas), Viteritti, Boakye (57. Mamba)
Dźakowano dwěmaj zmylkomaj postupnika, kotrejž je Fabio Viteritti wužił, zakónči FC Energija prěnju połseriju bjez poražki. Hosćo su nimale přez cyłu hru dominowali. Jenož krótko do połčasa a někotre mjeńšiny po přestawce měješe postupnik někotre móžnosće, kotrež pak z přewulkej horliwosću wužić njezamó.
Koparjo Energije Choćebuz maja w prěnjej połseriji pjatnaće dobyćow a wulki komfortabelny předskok 14 dypkow před prěnim přesćěharjom BFC Dynamom. Georg Zielonkowski
Derbyjowe dobyće a rewanša
Budissa Budyšin
– FC Hornja Łužica Neugersdorf 3:0 (0:0)
Zestawa domjacych: Ebersbach – Kunze, Patka, Hoßmang, Mack, Krawčik (79. Heppner), Müller (72. Kloß), Pfanne, Milde (89. Barnickel), Bönisch, Schmidt
Minjeny pjatk je regionalna koparska liga sewjerowuchod do druheje połserije startowała. Z hosćom Budissy Budyšin bě FC Hornja Łužica Neugersdorf (FCO). Prěnju hru w Neugersdorfje běchu domjacy 0:3 přěhrali. Hosćićel chcyše rewanšu a hnydom porjadnje započa. Hižo prěnja akcija bě wjele lubjaca. Kevin Bönisch suny so do třělwy Jonasa Krawčika, misny pak hrajny nastroj (1.). Prěni połčas bě chětro wurunany z mało šansami na woběmaj stronomaj. FCO měješe dwě tajkej přez Josefa Mareka. Prěnju wotwobara Maik Ebersbach (7.), při druhej dźěše hłójčkowany bul wyše wrotow (14.). Najlěpša šansa skićeše so Paulej Mildźe (17.), kiž přihrawku Bönischa snadnje wyše wrotow třěli. Wulki derbyjowy woheń w prěnim połčasu hišće wudyrił njebě.
Widźał,słyšał, napisał (11.12.17)
Awtor dźensa
Jurij Bjeńš
Šulerjow na to dopominać, zo so stajnje prawje dźakuja abo we wěstych situacijach so zamołwjeja, słuša wězo k mojim nadawkam jako wučer. Dźensa pak chcu so sam zamołwić a podźakować.
Bojowniske derbyjowe dobyće 2:1 přećiwo ST Radworjej ze swojimi sobukoparjemi Sokoła Ralbicy/Hórki sym wězo njesměrnje swjećił. Hnydom po hrě pak naš nan, kiž po tajkim wuspěchu poprawom aplawděruje, pokazowak zběhny, jako by rjec chcył: „To ty hišće jónu nječiń!“ Tróšku špatne swědomje wšak na to mějach.
Bjez idejow přećiwnikej podleželi
FC Viktoria Berlin
–Budissa Budyšin 3:0 (2:0)
Zestawa hosći: Ebersbach – Kunze, Patka, Hoßmang, Heppner (67. Milde), Krawčik (46. Bönisch), Kloß, Pfanne, Mack, Müller, Gehrmann (46. Schmidt)
W krótkodobnje postajenej nachwatanskej hrě dyrbjachu koparjo Budissy Budyšin minjenu wutoru pola Viktorije Berlin nastupić. Za mustwo z amaterami bě to wězo njezbožowne postajenje. Najebać to chcychu so Budyšenjo tež w Berlinje wuspěšnje prezentować. A hosćićeljo z něhdyšim hrajerjom Budissy Chrisom Reherom so runje tak wo wuspěch a tři dypki prócowachu. Hosćo pak mějachu njezbožowny start, jako Viktoria hižo po pjeć mjeńšinach přez wrota Marca Karima Benyamina z 1:0 nawjedowaše (5.). Budyšenjo mějachu přez Jonasa Krawčika dobru móžnosć k wurunanju, wrotar Pascal Kühn pak k róžkej wotwobara (11.). Tež Josef Müller sam před wrotami zwrěšći (28.). Krótko po tym Pavel Patka w šěsnatce Abuwa Bakarra Kargbowa połoži, a postajenu jědnatku kapitan Ümit Ergirdi přetwori (31.). Tak skónči so prěni połčas před 187 přihladowarjemi z 2:0 za domjacych.
Wuslědki (11.12.17)
Regionalna koparska liga muži
Budissa Budyšin – Neugersdorf 3:0 (0:0)
Hertha BSC II – Babelsberg 2:1 (0:0)
Energija Choćebuz – Neustrelitz 4:1 (3:0)
Meuselwitz – FC Viktoria 0:2 (0:0)
Halberstadt – Nordhausen 0:0 (0:0)
BFC Dynamo – Luckenwalde 5:0 (3:0)
1. Energija Choćebuz 18 47 : 5 50
2. BFC Dynamo 18 47 : 20 36
3. Nordhausen 18 21 : 10 30
4. Fürstenwalde 18 33 : 30 28
5. Lok Lipsk 16 21 : 13 27
6. FC Viktoria 18 33 : 27 27
7. Berlinski AK 17 28 : 27 26
8. Meuselwitz 17 25 : 20 24
9. Hertha BSC II 18 24 : 26 24
10. Budissa Budyšin 18 17 : 23 24
11. Halberstadt 18 30 : 30 23
12. Babelsberg 18 21 : 21 23
13. Neugersdorf 18 27 : 32 23
14. Altglienicke 18 14 : 21 19
15. Auerbach 18 21 : 28 18
16. Neustrelitz 18 18 : 37 13
17. Chemija Lipsk 18 8 : 31 13
18. Luckenwalde 18 14 : 48 5
regionalna liga žonow
Rostock – BSC Marzahn 3:2 (0:1)
RB Lipsk – Neubrandenburg 4:2 (2:2)
Drježdźany – Magdeburg 1:4 (0:1)
Steglitz – Union Berlin 2:3 (1:2)
1. Magdeburgski FFC 13 62 : 10 36
2. FC Viktoria Berlin 12 49 : 8 31
3. FC Union Berlin 13 38 : 13 31
4. RB Lipsk 13 26 : 24 25
5. Steglitzski FC Stern 13 34 : 17 20
6. BSC Marzahn 13 35 : 32 20
7. Fortuna Drježdźany 13 16 : 28 13
8. FC Rudne horiny Aue 12 15 : 29 13
9. FC Neubrandenburg 12 16 : 35 9
10. Rostockski FC 13 14 : 53 7
11. Biskopičanske KT 12 12 : 32 6
12. SZ Módro-běli Beelitz 11 1 : 37 2
Sport (08.12.17)
Wulka ćěłozwučowanska show
Jednota Kamjenc wuhotuje njedźelu, 10. decembra, w sportowej hali Kamjenskeho Lessingoweho gymnazija dohodownu sportowu show, kotruž pokaza wotrjad ćěłozwučowanje. Započatk je w 14.30 hodź. z kofejpićom. Wot 15 hodź. do 17.30 hodź. tam sportuja.
Mikławšowa kopańca
Tradicionalny Mikławšowy halowy koparski turněr zarjaduje a wuhotuje ST 1922 Radwor jutře wot 9 hodź. w Radworskej „Slaviji“. Zakitowar pokala je cyłk chóra Meja.
Mikławšowy volleyball
Volleyballisća SJ Chrósćicy přewjedu póndźelu, 11. decembra, tradicionalny Mikławšowy volleyballowy turněr. Přeprošene mustwa zetkaja so we 18 hodź., hry započnu so poł hodźiny pozdźišo.
Kónctydźenska kopańca
8.12. 19:00 Budissa Budyšin
– Neugersdorf
9.12. 13:30 Rakečanske ST
– Sokoł Ralbicy/Hórki
(w Kamjencu)
9.12. 13:30 Energija Choćebuz
– TSG Neustrelitz
10.12. 11:30 SJ Chrósćicy II
– FSV Łuty
10.12. 13:00 Biskopicy (žony)
– Viktoria Berlin
10.12. 13:00 ST Marijina hwězda
– Natwar Němske Pazlicy
10.12. 13:30 ST Radwor
– ST Hnašecy-Dobruša
10.12. 13:30 ST Wjelećin
– Módro-běli Kulow
Blidotenis
9.12. 14:00 MSV Budyšin 04 III
– Viktoria Worklecy
9.12. 19:00 ST Horken Ketlicy
– Viktoria Worklecy
Volleyball
Klóštercy koparjo seriju znowa podlěšili
HZ Łaz/Běły Chołmc
– ST Marijina hwězda 0:1 (0:0)
Zestawa hosći: Matik – Wróbl, Škoda, K. Pakoßnick, R. Hawš, Rab, Kuring, O. Hawš, Peschmann (88. Czapik), Eldor, J. Pakoßnick (79. Winkler)
We Łazu čakaše na chowancow trenarja Erwina Kleinmanna minjenu njedźelu dalši ćežki nadawk přećiwo třećemu tabulki. Njehladajo na to pak chcychu hosćo swoju seriju njeporaženych hrow podlěšić. To so ze snadnym a zasłuženym 1:0 tež poradźi. Spočatnje so wobaj cyłkaj w srjedźnym polu neutralizowaštej. Potom pak hosćo ceptar přewzachu. W 12. min. bu Jakob Pakoßnick pósłany a suny bul wo centimetry nimo wrotow. Mjeńšinje pozdźišo smkony Ali Eldor bul do łaty. Jónu móžeše so wrotar Dawid Matik wuznamjenić, jako wón třělwu derje wotwobara (40.), dwě mjeńšinje pozdźišo přizemi bul na łaće.
Chróšćenjo znowa dobyli
HZ Wulke Ždźary
– SJ Chrósćicy II 3:4 (1:3)
Zestawa hosći: Matješk – Šiman, Mark, Wowčer, Liznar (89. Klimant), M. Zahrodnik, Bětnar, L. Zahrodnik, Bogusz (84. Šmit), Jakubaš (71. Budar), Dórnik
Po tym zo je sej Chróšćanska koparska rezerwa prěnje dobyće sezony přećiwo mustwu z Nadrózneje Hrabowki wudobyła, chcychu wězo dalše. Poslednje městno w tabulce wopušćić bě zdobom jasny nadawk trenarja Matijasa Dórnika.
Hra minjenu sobotu běše wurunana, wjace šansow wrota docpěć pak mějachu hosćo z Chrósćic. W 24. min. poradźi so Stefanej Liznarjej po dobrej kombinaciji bul k 0:1 přez wrotowu liniju sunyć. Po tym pak wustupowachu Chróšćenjo njekoncentrowani. W 35 min. móžeše so Keck přelochko přećiwo Měrćinej Jakubašej a Michałej Wowčerej přesadźić a wurunać. Hosćo pak so zhrabachu a mějachu dale dobre składnosće. Tak zwyši Matti Bětnar w 41. min. na 1:2 a Jan Bogusz w 44. min. na 1:3.
