Athen na židźanej nitce

Mittwoch, 03. Juni 2015
Artikel bewerten
(0 Stimmen)

Grjekski premier Tsipras jedna w Brüsselu wo pućach z hłubokeje krizy

Athen/Brüssel (dpa/SN/K). Woda zadołženosće steji Grjekskej hač do šije. Zo ju njeby zadusyła, rěči grjekski ministerski prezident Alexis Tsipras w belgiskej stolicy dźensa wo tym, kak nadeńć puće z financneje krizy. Předewšěm jedna wón wo palacej naležnosći z prezidentom komisije Europskeje unije Jeanom-Claudeom Junckerom.

„Dźe wo wšitko“, titluje Athenska bulwarna nowina Ethnos prekernu situaciju. Wjele časa hižo njezbywa, móšeń je prózdna. Bjez dalšeje pjenježneje podpěry móhła Grjekska za někotre dny zbankrotować. W juniju samym dyrbi Athen nimale 1,6 miliardow eurow Mjezynarodnemu měnowemu fondsej (IWF) wróćić.

Veröffentlicht in Politika
Bitte anmelden, um einen Kommentar zu posten

Anzeige