Mjeńšina ma nadhódnotu za towaršnosć – to płaći za kraje ...

Donnerstag, 18. Juni 2015
Artikel bewerten
(0 Stimmen)
Čłonaj delegacije Domowiny William Janhoefer a Ludmila Kowarjec (wotlěwa) sćěhujetaj diskusiju na lětušim 60. FUEN-kongresu w Komotiniju.  Foto: Axel Arlt Čłonaj delegacije Domowiny William Janhoefer a Ludmila Kowarjec (wotlěwa) sćěhujetaj diskusiju na lětušim 60. FUEN-kongresu w Komotiniju. Foto: Axel Arlt

Europske mjeńšinowe prawo płaći, ale Grjekska abo Francoska so po nim nimatej.­ Tež Europski parlament ­naležnosći wočakowanu kedźbnosć njepřicpěwa. Połoženje je tuž ćežke.

Maja narodne mjeńšiny w Europje dosć skutkownu lobby? Na lětušim kongresu Federalistiskeje unije europskich narodnych mjeńšin (FUEN) w meji w zapado­thrakiskim Komotiniju (Grjekska) wěnowaše so jedne z rozmołwnych kołow schadźowanja tutej tematice.

Loránt Vincze, wiceprezident FUEN a mjezynarodny sekretar Demokrati­skeje aliancy Madźarow w Rumunskej (RMDSZ), je přeswědčeny: Mjeńšina přinjese towaršnosći nadhódnotu. Wobě stronje matej so wo zhromadne dźěło a mjezsobnosć prócować. 25lětne skutkowanje RMDSZ ma Vincze za poradźeny přikład. Prezident RMDSZ Hunor Kelemen wudospołni, zo „njeměještej dwaj milionaj etniskich Madźarow před 25 lětami žane zwjazki a žanu móžnosć publikowanja“. Přenjesene na europske měritko měli tuž mjeńšiny Europskej uniji kaž tež wšemu kontinentej nadhódnota być.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND