Sakski krajny sejm wo prašenju ćěkancow debatował

Drježdźany (SN/MkWj). W Sakskim krajnym sejmje su dźensa naležnje wo prašenju azyla a ćěkancow debatowali. Zapósłancy činjachu tole na namjet knježerstwoweje koalicije CDU a SPD pod hesłom „Wužadanja při zaměstnjenju za azylom pytacych – wobydlerjow zapřijeć – hidźe a njepřećelskosći přećiwo wukrajnikam konsekwentnje wobarać“. Při tym złožowachu so tež na podawki, kotrež stachu so njedawno w Freitalu.