Zadołženosć Grjekskeje nabywa hoberskeje dimensije

Athen (dpa/SN/K). Dźensa wječor rozsudźi grjekski parlament wo kompromisu z krajemi euroskupiny nastupajo dołh. Jeho schwalenje je wuměnjenje za to, zo wěrićeljo z Athenom wo financnej pomocy jednanja scyła zahaja. Dźe wo dobre 80 miliardow eurow. Dokelž zběha so w lěhwje knježerstwa hač k někotrym ministram mócne spjećowanje, je minis­terski prezident Alexis Tsipras na pod­pěru prawicoweje opozicije pokazany, kotraž wšak móhła jemu wěsta być.