Za cyrobizny wo tójšto wyši nadhódnotowy dawk
Athen (dpa/SN/K). Jónu wolóženje, jónu poćeženje: Z dźensnišim wotewrjenjom bankow po třoch njedźelach móža Grjekojo zaso wjace hač 60 eurow wšědnje wotzběhnyć, wob tydźeń wšak nic wjace hač 420 eurow. We wukraju smědźa woni tež zaso z kreditnej kartku płaćić. Brěmjo so jim z tym njemało poćeži, zo so nadhódnotowy dawk za cyrobizny z 13 hnydom na 23 procentow zwyši. To je jedne z bolostnych žadanjow mjezynarodnych pjenjezydawarjow. Zdobom nabudu płaćiwosće wšelake zwyšenja dawkow we wobłuku naprawow lutowanja a reformowanja.