IS Turkowsku surowje trjechił

Dienstag, 21. Juli 2015
Artikel bewerten
(0 Stimmen)
Ćěła při bombowym nadpadźe w južnoturkowskim měsće Suruç morjenych młodostnych leža na zahrodźe tamnišeho kulturneho centruma. Cyłkownje 31 ludźi je sebjemordarski  atentatnik tam wčera morił a 160 zranił. Młodostni chcychu při znowanatwarje  w syriskim Kobanê pomhać. Foto:  dpa/Orhan Cicek Ćěła při bombowym nadpadźe w južnoturkowskim měsće Suruç morjenych młodostnych leža na zahrodźe tamnišeho kulturneho centruma. Cyłkownje 31 ludźi je sebjemordarski atentatnik tam wčera morił a 160 zranił. Młodostni chcychu při znowanatwarje w syriskim Kobanê pomhać. Foto: dpa/Orhan Cicek

Sebjemordar w Suruçu 31 ludźi morił a 160 zranił

Istanbul/Berlin (dpa/SN/K). Dlěje hač dwě lěće je radikalnoteroristiska milica Islamski stat (IS) Turkowsku na pokoj wostajiła, nětko pak ju za to ćim surowišo trjechiła. W měsće Suruç blisko syriskeje hranicy je sebjemordar-terorist hrózbny atentat skućił, přez kotryž je 31 ludźi zahinyło a něhdźe 160 zranjenja poćerpjeło. Tole je wicepremier Turkowskeje Numan Kurtulmuş wčera wječor zjawnosći zdźělił.

Po rozprawach turkowskich medijow je k rozbuchej na zahrodźe Suruçskeho kulturneho centruma dóšło. Tam běchu so přiwisnicy jedneje ze socialistiskich młodźinskich organizacijow składnostnje nowinarskeje konferency zhromadźili. Něhdźe 300 młodostnych so na zeńdźenju wobdźěli. Po informacijach organizatorow běchu woni po puću do syriskeho města Kobanê byli, zo bychu tam při znowanatwarje pomhali.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND