Nawodźa Pegidy wočiwidnje zasakli prawicarscy ekstremisća
Drježdźany (dpa/SN/K). Nimale 20 000 ludźi zamó Pegida wčera wječor w sakskej stolicy składnostnje prěnjeje róčnicy swojeho zrodźenja zmobilizować. Nimale runje telko přećiwnikow Pegidy – Patriotiscy Europjenjo přećiwo islamizowanuju nawječora – so tam k demonstraciji zeńdźe. Zwjazkoweho ministra justicy Heika Maasa (SPD) wulce spokoja, zo zhromadźi so tak wulka ličba ludźi přećiwo hidźerjam cuzych. Drježdźany su „pokazali, zo je Němska pisaniša hač spytaja nam to złowěšćerjo Pegidy nabarbić“. Z hesłom „Wutroba město šćuwańcy“ bě zwjazkarstwo demokratiskich stron, dźěłarnistwow, cyrkwjow a dalšich k tomu namołwiło, stupić so rozsudnje přećiwo hidźe, šćuwańcy a nječłowjeskosći.