Syrisku nastupajo najwšelakoriše aktiwity

Moskwa/Washington/Ottawa (dpa/SN/K). W palacej naležnosći Syriska so prawdźepodobnje něšto hiba. Tamniši prezident Bashar al-Assad je wčera njenadźicy ruskeho prezidenta Wladimira Putina wopytał, zo by jeho wo połoženju w swojim kraju informował. Při tym dźěše wo „bój přećiwo teroristiskim, ekstremistiskim zeskupjenjam kaž tohorunja wo rusku podpěru z powětra při postupowanju syriskeho wójska. Moskwa ma teroristisku milicu IS za hłowneho přećiwnika, zapad pak tuka, zo bywaja tež pozicije bojownikow atakowane, kotrež přećiwo Assadej wojuja.